قسم السيد عبدالرسول «يا طير»

ا

ابو نمر

Guest
#1
ياطير انت غاشي بلدنا
ياطير انت عاشي بلدنا بنبيله وسواقيها بلغ شوقي
هاك رسالة لي ست ريدي وديها
لبلد البنية السمحة ديمة اشابي طاريها
مشتاق للجروف النليرة من خضرة لوابيها
للمنقة الروت حيضانة للقش البغتيها
للنخلة المتكي جريدة غرد وغنى قمريها
جيتي من الجنان حورية للسقاي سكنتيها
مولاي الخلقت الفتنة في اروع معانيها
السحر البفيض من نظرة ااو منرمش عينيها
ماكي مصدقاني آلسمحة هاكي عديها
راحن ياحليل أيامنا ما اظنك نسيتيها
طاري وكت تجينا الموية في الجدول نباريها
خواتن قلال نتلم مالك مابي تمشيها
خليني اللفارق الدنيا غيرك وين اوديها
فيك ياغربة تايهة افكاري في الدنيا ومجاريها
لاودتني فوق الشاطي لاألقت مراسيها
ريدتك في الفؤاد يا السمحة من دم قلبي بسقيها
زي قمرية حاضنة جناها ضمتو بي جناحيها
فرحي للقلوب ياحلوة اصلو الدنيا شن فيها
قمرت السبعتين والله لاح نورك مضاريها
من مرقاتة في العصرية وُوُب من تلة ايديها
خلت شباب الحلة كل زول علي جيهة
نار شوقي التزيد واقوده محتار كيف اسميها
لي بلد النخيل والسعدي والتروب وطرفيها
والقصب الملبن دابو محروس بي حواحيها
ده الزول السعيد في عمرو البحيا ويموت فيها​
 
أعلى أسفل