في رثاء العمده محمدانه التوم زياد | منتديات الراكوبة

في رثاء العمده محمدانه التوم زياد

الموضوع في 'الشعر' بواسطة البسبراوي, بتاريخ ‏مايو 16, 2016.

الوسوم: إضافة وسوم
  1. البسبراوي

    البسبراوي :: كاتب نشـــط::

    إنضم إلينا في:
    ‏يناير 2, 2011
    المشاركات:
    1,281
    الإعجابات المتلقاة:
    0
    نقاط الجائزة:
    36
    في رثاء العمده محمدانه التوم زياد
    عليه شآبيب الرحمة وسحائب الغفران من الملك الديان

    .....
    مدارات الزمن وقفت مع النايحات
    ود التوم ركيزة مجدنا التركوهو لينا ابوات
    ود التوم بيزرع في فوارسنا عزم وثبات
    منو الغيرو بكون دخرينا في الحوبات
    منو البعدو بيعدل عوجة المايلات
    منو الزيو بشيل هم السنين الفاتو والجايات
    منو المتلو طمح نيلو وهدر رعدو كرم وصفات
    .....

    مدارات الحزن تايهات في نص الليل
    مع السفر البهد الحيل
    تفتش في قمرنا
    الغاب صبح مافي
    البيفتح داره في الكون الفسيح مشرع
    كرم حاتم سخي و وافي
    على الغيم الرحل شال مننا الخيرات
    راح بالروح مع الاملاك إلى السموات
    وساب لينا الحزن فينا
    الم يبداك من مافي
    فراق الكان بضوي الليل
    يقابلك بقلب تريان
    يهش يلقاك حنين الكون
    مابتلقاهو يوم جافي
    ...
    رحيلك يازعيم فجعه
    تباريح فرقتك وجعه
    مابشفيها سيل دمعه
    فراقك يازعيم قاسي
    فراقك زي فراق النيل
    منو البعدك يكون النيل
    وابل العينه
    والوادي الرزم بالسيل
    منو البعدك يكون شاشاي
    منو البيكون سخي وهداي
    منو البحلف يقول للماشي قرب جاي
    منو البفتح مسارب الروح
    ويمسح اهة المجروح
    ومنو الخير يبشر يلوح
    ....
    يارب صل على ياسين
    الهادي البشير وأمين
    وياخالق البشر من طين
    تجعل رفقته الصالحين
     

مشاركة هذه الصفحة