في امدرمان العريقة كان لنا شرف لقاء البوردابي ود صنترها

بت كوهين انزيك
الزول ده لو قابلتيهو بتغيري رايك
دي دقن تاكل عيش
هو البدقس ويقابلها اساسا زاتو منو يا عمنا هههههه تقوم تعمل لينا عاهة مستديمة تسقط حجرنا ولا تقوم تحرق لينا الامجاد والمشكلة كمان لا مؤمنة ولا مرخصة ههههههههه
كسرة
ربنا يكرمك يا فردة وتلفونك ده افتحوبالله طوالى مقفول
 
زمااااااان كنت عامل لي دقن .. دقن بي معناها ما دقن مطرطشه ساكت .
المهم الايام ديك مشيت السودان راكب لي لاندكروزر والمصيبه اشتريت لي بيت .. انا لله وانا اليه راجعون .
.
.
الدقن ديك جابت لي الكلام والله
وحاة اسم الله صح

ابو نمر ما تقعد تتلولو اتا واحد منهم عديل
لاندكروزر وبيت باقي ليك مثني ورباع
 
بسبب البوست الطويل العريض دا مفروض ودصنترها يضبح ليك ويضوقك قروش امجاده
اهاااا انا حاجي قريب ياحبيب جهز الخروف وعارفني لساني طويل;)
كسرة لودسنترها :
انا منكم دا وديهو القماير محل الخور ابوزرد داك بتكون اكرمته جنس كرم :D

غايتو حسادتك ما سبقك عليها حد
قماير شنو كمان
تعال بنكرمك اخر كرم ونضبح ليك خرفان حري و سواكني ونعيمي
 
و الله حكاية
مننا
دقنك تضحّك و تبكّي
غايتو المرة الجاية عندي عفش كتير
عشان كدة ح اعمل رايح زي مننا و اخلي الدقن تسرح شوية قبل السفر
هي للعفش هي للعفش
:D:D:D:D:D:D:D
و انا اقرا في البوست قعدت اضحك لمن الأولاد قالوا لي في شنو ؟
قلت ليهم مافي حاجة ديل اعمامكم بضحك معاهم بس
:joy::joy::joy::joy::joy::joy::joy:
و الله يا منا
تمنيت لو قابلت اخونا ود سنترها
وبكلامك دا شوّقتني لي شوفتو
لكن بعون الله الاقيهو في السفرة الجاية
دامت الصداقة و المحبة

لكم جميعاً كل الود

ود الصداقة ابرم دقنك والوي سنك ومد بوزك واعمل فيها مستعجل بتمرق من الطير ديل ساكت
اتصل بود صنترها بتلقاهو منتظرك في المطار ما بقصر معاك
 
تحياتى وربنا يديم المودة بسبب مشغوليات كتيرة لم استطيع مغادرة البورت ولكن حدث لى موقف مماثل بس ما تلاتة بنات بتين طبعا هنا متعودين انك تشيل شنطك من السير وتمشى شلتى شنطى وماشى جونى بتين سالونى ديل شنطك قلت ليهم انتو وهم ولا شنو انا جاى من استراليا عشان اسرق شنط ؟؟؟
اما بالنسبة للمصاريف اسكت ساى ربنا يعين اهلنا
وبركة الشفتو بعض يا ود سنترها ويا مننا وفينا وربنا يديم الاخوة وان شاء الله فى الاجازة الجاية بنزور الخرطوم وامدرمان
كونو بخير
تخريمة :
قلتا لى ربيت دقنك عافى منك يا مننا وفينا
كل احترامى

تعرف يا ود بورصودان ديل عالم وهم ما عارفين انو المغتربين الواحد شايل اخلاقو في نخرتو
طبعا الدقن جات صدفة ما مقصودة وبقت بفايدة
 
سيد الحوش ده وين ؟؟
داير لي بنبر
.
.
النصيحة لك يا الله القعده بقت سمحة
وحاة اسم الله صح ..

عندي باقي شربوت صاقط بزبط مع القعدة الحلوة
الناس لما يتلموا الدنيا بتبقي حلوة
 
الكلام ده بالله التقول ليهو اسبوعين تلاتة هسع فات السنة بايام
كسرة
كل عام وانت بالف خير وصحة وعافية حبيبنا الجميل مننا وكان حييين بنتلاقى تانى
 
ربنا يكرمك الحبيب ابو الطاء
كسرة
العاجبك فى الكترابة دى شنو ؟ هههههههههه
الكترابة والكتاحة يا سنترها بعديها في مطرة بما اننا الان نحن الان في مرحلة الكترابة بعديها في مطرة يعني هسي السودان في المرحلة دي انتا فهمتني
 
الكترابة والكتاحة يا سنترها بعديها في مطرة بما اننا الان نحن الان في مرحلة الكترابة بعديها في مطرة يعني هسي السودان في المرحلة دي انتا فهمتني
غايتو اليومين دى من ناحية انو البلد كترابتها وقيامتها قايمة ده حاصل تب .ربك يفرجها علينا بمطرة تغسل كل احزاننا وتزيل الوسخ الجاسم على صدورنا تلاتين سنة
كسرة
غايتو لو صدقت مطرتك دى تبقى زى ( يا مطر عز الحريق يا مصابيح الطريق ) للراحل ابو السيد
 
احلى ايام والله
كسرة
بقينا نبركت فى البوستات القديمة لافتقادنا الكثيرين من الحضور الجميل من العضوية والتهانى والتبريكات بانعتاق الوطن من الطغمة الفاسدة
وغدا نكون كما نود
 
أحلى أيام
كسر
كانت ايام سعيدة ربى منأى تعيدا
بس فالحين في الزي ده والقدس قررررب يضيع !!!
شغالين في الفارغة والمرايس والطلح وناس (بتكوهين)
ما باقي ليهم إلا امتار قليلة يصلوا النيل والفرات
هسع جرايدنا وراكوبتنا وتلفزيوناتنا بيجيبوا خبر (القدس)
واااا قدساااه
بالمناسبة الخزين وين !!!!!!!!!!!!!
عشان يقرا الخبر او التصريح الجميل ده .
علماء السلطان.jpg
 
بالمناسبة الصورة دي قايلا ملعوبة قوقلتا لقيتا ليك معاها كلام وتصريح

رطوم 28-11- 2019 وفا- دعت هيئة علماء السودان وسائل الاعلام المختلفة بما فيها مواقع التواصل الاجتماعي الى الاهتمام بقضايا الأمة الاسلامية المصيرية، والتي أهمها قضية فلسطين .
وأوضح رئيس هيئة علماء السودان محمد عثمان صالح في تصريح لوكالة السودان للأنباء "سونا"، أنه تم خلال عام واحد اصدار ثلاثة قرارات ظالمة في حق الشعب الفلسطيني، والأمة الإسلامية، والتي كان آخرها شرعنة المستوطنات الإسرائيلية في أراضي الضفة الغربية.
ودعا صالح الحكومة السودانية وكافة المنظمات والأحزاب السياسية السودانية والجامعة العربية ومنظمة المؤتمر الاسلامي والتعاون الخليجي إلى اتخاذ موقف واضح تجاه هذه القرارات.

شوفتو الهوان ده كيف !!!!
 
أعلى أسفل