فاطمة سليمان بشير «ما تعتذر»

عزيزوغالي

:: كاتب نشـــط::
#1

ماتعتذر
*******


ماتــعــتذر..... !!



ماتعتذر

فضلت راجيك منتظر


وفضلت احسب فى نجوم الليل براى
لامن سهن وغلب عيوناتى السهر


وفضلت شايل الوجعه ياحبان قساى

لامن تعب قلبى وفتر

واتحكر الوجع القبيل سكة هواى

واستسلم الدمع انهمر

واتلاشت احلامى وصباى

واتوجع الوجع اعتصر

جانى طيف محيك بسأل عن اساى

يسال منو؟ ماقلبى مات احتضر

تابع خطاك فى ليلة سهاى

ياحسافة لاجانى منك رد ولا كلمات شكر

وبكيت عليك ونوحت وااااااا اسفاى

خلاص قرار موتك صدر

لوكان بهمك جد رضاى

ماكان مشيت خليت وراك زولا ودر

انا ماجبرتك تعيش حبى وهواى

يشهد على النيل حتى القمر..

انا جبتة غنوة ريدى ليك واخترت انت تكون معاى

زرعتة معاك شتلى الخدر ..

وشلتك غيمة بتتظلل سماى ..

بعد شنو جايب دواى ..

خلاص قلمى انتحر ..

بس ياخسارة خذلتنى جيت تعتذر ..

ماتعتذر ...

اتبدد الحلم الجميل ..

اتلاشت افراحى القبيل ..

اتعسكر الحزن النبيل ..

اتفرقت سحب المقيل ..

اتغير الجو العليل ..

وبقيت تاية ومالاقى الدليل ..

اتوسد الشك الخليل ..

حتى الغروب وقت الاصيل ..

احتار وقف بكا ياحليل..

ايام عبيرها الفرحةوالتهليل ..

وقتها كنت اجمل من جميل ..

وقتها بتحدى بيك المستحيل ..

بس هسي مافضل وراك الاالقليل ..

وجاى تعتذر ؟؟

انا مابفرح قلبى يوم غير عودتك..

غير طلتك ..

غير بسمتك ..

الا الدواخل فقدتك..

العواطف نكرتك..

الذاكرة جارت مسحتك..

القمرة جات اغتالتك ..

ماعندى شي يرجعنى لى دنيتك ..

طلعت مطرود من جنتك ..

احبس انفاسي وارجع اعيش بى شهقتك..

بكيت دموعى بفرحتك...

البسمة فارقت الوجوة بى طلتك ..

اتقسم الحزن القديم ملامح ضحكتك..

اتغير الحال السمح فى حضرتك..

رحلت من دنياى وزايد سرعتك ..

استعجل الحلم الوجع وفرد شراعو فى سكتك...

ورفضت مراكب الشوق قرارت رجعتك ..

اتوقد الجوف احترق زى شمعتك ..

اتلاشت احلامى القبيل زى همستك ..

بس كلمة اخيرة بقولها ليك ماتقرك شهرتك..

وجاى تعتذر ؟؟

لية تعتذر؟؟

ماذنبك انك قطعت الخبر ...

يمكن ظروف يمكن جبر ..

يمكن يكون كمل الحبر ...

يمكن يكون نفد الصبر ..

يمكن يكون زمنك مكر ..

اناجايبة ليك حتى العذر..

وجاى تعتذر؟؟

مابفيدك اعتذارك ...

مامحتاجة اسمع اية قرارك ..

ارحل سكات اطلع مدارك ..

مابمشي فينى كلام شعارك...

ارحل عليك اسفى ومرارك ..

اقلع منى شتلك واخدرارك ..

وامسح اثر دمعى ومسارك ...

واحسب براك نجوم ليلى فى نهارك ..

واتوجع السهد الاليم فى جوارك ..

انا غايتو مشيت وسبتك لى ودارك ..

تحرق وراى ..

تغرق معاى ...

تتناسي ريدتنا واساى ..

تتذكر احلامنا وصباى ..

ترجع تعيد رحلة هواى ..

تتوجع الامى وشقاى ..

وماتعتذر ..

ساعدنى اطلع من دواخلك واكتفى ..

ماعندى ليك انا اى شي ..

ارحل كفا ك يلااختفى ..

ماتسيب وراك اثر او اى شي ..


غير طريقك فى المشي ..

والعمر لابد ينتهى والدنيا ترجع تنتشي..

بس تأكد انى طلعت من جواك محتفى ..

يلا اختفى ...

 
أعلى أسفل