عوض علي حامد " ساكن الحدود "

ا

ابو نمر

Guest

مشيت براك ما وصوك
تركت وراك قلب الوالدة
شوق الاب وهم اختك
وعشق اخوك
ما هان عليك تقعد معاهم
والدم فى الجنوب مسفوك
مشيت براك ما وصوك
دخلت على دنا الدغال
تركت الدنيا كل نعيمه
جذبت عليها من عزمك
حجاب وستارة للآمال
وكل الدنيا بى زحمه
شقاوة ناسها والاموال
مشيت براك وفى ايدك
عصا موسى
فى راسها النحيل سوسة
بتنخر فى عدوك زلزال
يحطم للبقيفو ورا
وستارهم ابرياء واطفال
مشيت براك وما وصوك
واتلفحت من صبرك
عمامة وجبة لي درويش
منجضة فى لهيب جمرك
لبستها توب وحتى كفن
مسلم للاله امرك
مشيت براك ما وصوك
ولا لزوك على الواجب
ولا عينيك رمش رماشها
لاعلت على الحاجب
ثبت على سروج الموت
مدمدم فى عدوك هبيت
كأنك نار وكت ولقدت
فى صدر الخصوم شبيت
لاك جريت لاك رجع لاك هربت لا اتواريت
حتى وكت وقعت هناك
كت ظاهر ما اتضاريت
اقول يا ريت
اقول ياريت تورينى
منو الخلاك تتقدم
وكت بعض النفوس رجعو
ومنو الخلاك تهوى وطن
وتحمل فى القليب وجعو
ومن العلمك ترتاح
وكت يصل الحزن حدو
ومين الالهمك وهداك
عشان تتضحك وانت حزين
ومين القدمك واغراك
شان تصبح شفيع سبعين
جفنك غمض والروح
بدت فوق الصعود
نفسك سكن حى السلام
وجسدك سكن ضل الحدود​
 
أعلى أسفل