عوض على حامد " ياويلنا "

ا

ابو نمر

Guest
يا ويلنا ويا ويلنا من ليلا هو كلو جراح
يا ويلنا من ليلا لو ما غشانا صباح

في كل محل ليلنا في كل مكان ظلمات غير زمهرير ليلنا
ياهو ديك تناديلنا تلمع لنا النجمات في لوعة تحكيلنا عن حيرة ما بتنزاح
قاعدين علي حيلنا نتبكى بالدمعات هدينا لحيلنا
نزلت دموع سيلنا لكنو هم ما فات لا هو اتعدل ميلنا وين تتلقي الافراح
كترنا ترتيلنا خايفين من الالام كترن تراتيلنا
لكنو سجيلنا فاجانا في الاحلام بطير ابابيلنا ترمينا نوح وجراح
فترن مراسيلنا والطيف هجرنا زمان والشوق مزازيلنا
ما بيجدي تأويلنا ما بتنفع الاحلام او مرة تشفيلنا من شوق هو كل اجتاح
شادين سروج خيلنا هاربين من الالام قاصدين ضفاف نيلنا
يا فاطني غنيلنا في زحمة الاشواق كلمن مواويلنا بس كان ننوم نرتاح
الكان زمان ليلنا والكنا فيهو عشاق ماخدين شبابيلنا
الليلة صار ليلنا ملجأنا منو واليه لو كان يواسينا بي بدرو كل ما لاح​
 
أعلى أسفل