عودة حملات شرطة النظام العام بالخرطوم | منتديات الراكوبة

عودة حملات شرطة النظام العام بالخرطوم

الموضوع في 'الحوار العام' بواسطة Ana Mnkom, بتاريخ ‏يونيو 27, 2016.

الوسوم: إضافة وسوم
  1. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    الخرطوم 27 يونيو 2016 ـ
    أدان حزب المؤتمر السوداني المعارض، يوم الإثنين، عودة حملات شرطة النظام العام بالعاصمة الخرطوم اليومين الماضيين، حيث اقتادت بموجب هذه الحملات شبان من الجنسين بتهمة الأزياء الفاضحة.
    الفتاة إلتي تم جلدها في العام 2011 وأثارت صورتها غضبا محلياً وإستياءا عالميا
    وبحسب بيان للحزب فإن معتمد محلية الخرطوم أصدر يوم الأحد، قرارا يقضي بتقييد لأزياء الرجال والنساء داخل محليته محرما ارتداء البناطلين والأقمصة "نصف كم" على النساء والسراويل القصيرة على الرجال، تحت مسمى "الزى المحتشم".
    يشار إلى أن قرارات لمعتمد الخرطوم صدرت الاسبوع الماضي بإلزام الرعايا الأثيوبيين والأريتريين بمراعاة الزي المحتشم عبر سفيري البلدين.
    وأكد حزب المؤتمر السوداني أنه شرطة النظام العام نفذت أوامر المعتمد بعمليات قبض جماعي (كشات) في شارع النيل بالخرطوم وأماكن أخرى داخل المحلية.
    وقال "إن من الواضح أن هذه الحملة تستهدف تقديم الرجال والنساء للمحاكمة أمام محاكم النظام العام وأنهم سيتعرضون للجلد والغرامة وربما السجن عقابا لهم على ارتداء هذه الأزياء بموجب قانون معتمد النظام".
    ويطالب ناشطون الحكومة السودانية بإلغاء القوانين التي تنهتك حقوق الإنسان وتحط من كرامته، وتخالف الدستور السوداني لسنة 2005 والمواثيق الدولية، والتي من بينها قانوني النظام العام الولائي المثير للجدل.
    وأشار الحزب إلى نضال السودانيين ضد قوانين النظام العام باعتبار أن الحرية الشخصية حق أصيل تكفله جميع التشريعات والأعراف الدولية، موضحا أن هدف ممارسات شرطة النظام العام حرمان المواطنين من حق التجمع ومن ممارسة خياراتهم الشخصية كمدخل أساسي للبحث عن الحقوق المدنية والسياسية الإقتصادية والاجتماعية والثقافية.
    وتابع "إن عودة (الكشات) في هذا الوقت يحملنا على دعوة الكافة إلى الانخراط في مشروع مقاومة منظمة وفقا لمسارات سياسية وقانونية تتمسك في المقام الأول بالحق في الملبس وتعمل على إلغاء هذا القرار وعلى إلغاء قوانين الإعتداء على الحريات الشخصية بما يسمى بقوانين النظام العام".
     
  2. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    فاصل جديد لقمع الحريات الشخصية والنيل من الناشطات والحقوقيات تحت مظلة النظام العام ..
     
  3. نحو التغيير

    نحو التغيير :: كاتب نشـط::

    إنضم إلينا في:
    ‏فبراير 20, 2013
    المشاركات:
    82
    الإعجابات المتلقاة:
    0
    نقاط الجائزة:
    6
    رد: عودة حملات شرطة النظام العام بالخرطوم

    حسبي الله عليهم
    الى متى نعيش حالات الانفصام دي
     
  4. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    عاااجل قامة شرطة النظام العام امس بعمل حملات كبيرة جدا في شارع النيل الغرض منها محاربة الظواهر السالبة وقد قاموا بالغاء القبض علي مجموعة كبيرة من البنات بتهمة اللبس الغير محتشم وشراب الشيشه في المقاهي هذا وقد ابدي عدد كبير من الاهالي انزعاجهم لما تقوم به الشرطة السودانيه خصوصا وان الحملات استهدفت فتيات ليس لهم اي ذنب في ما يحصل وقد عادت جميع الدفارات التابعه لشرطة النظام العام لرئاستها بالمقرن بعد الحملة التي نفذتها في شارع النيل ..
    ولا نعلم اين سيداهمون غدا ؟؟

     
  5. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    هوى يا جماعه الواضح مافاضح ..العالم أصبح قريه ونحن لآدم نحافظ على بناتنا قانون النظام العام ليس انتهاك لحرية بل هو صونا لعرض ..لازم إي بت تلبس لبس السودانيات المعروف وكويس في هامش حرية ما أجبروهن يلبسن التوب ....تحيه لشرطة النظام العام وقانون النظام العام عشان بت الناس تفضل بت ناس والما بت ناس تعيش حالة نفسية مع ذاتها جوة نفسها تخرب واللا ما تخرب في نطاقها هي داخل نفسها ما تخرب بقية البنات ..وعقبال البناطلين الناصلة شان أصحابها يسترجلو لانو بالصورة دي مابعيد تتفتح أندية الشواذ في قلب الخرطوم ويعملوا مسيرات مليونية يطالبوا بحق زواج المثليين في السودان ...ختاما لمداختلي اقترح الناس تبقا عملية وتخلي مطاردة الفارغات لا منع البنطلون بوقف عجلة إنتاج ولا بكتم نفس زول ويابا الكسره . ماداير يسرى عليك قانون النظام العام ببساطة ماتتصادم معاه .
     
  6. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,072
    الإعجابات المتلقاة:
    13
    نقاط الجائزة:
    38
    رد: عودة حملات شرطة النظام العام بالخرطوم

    البنات المسكتهم الشرطة لانو لابسين بناطلين عددهم 16 بت وكل واحدة حتدفع غرامة 500 جنيه المبلغ الكلي هو 8 الف جنيه
    بفهم بسيط حنعرف انو الحكومة حتبدا الاستثمار في العامل البشري عشان ميزانية الحكومة جتكون من الغرامات دي
    حتكون المطاردات شغالة والكشات مستمرة طوااااالي لانو اي طرحة نازلة 2 ملميتر معناها قروش واي اسكيرت ما يعجب العسكري برضو قروش البنطلون مفروغ من امرو
     
  7. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,072
    الإعجابات المتلقاة:
    13
    نقاط الجائزة:
    38
    رد: عودة حملات شرطة النظام العام بالخرطوم

    الحكومة غير مسئولة من ملابس الناس ولا عن دخولهم الجنة وقانون النظام العام هو قانون لقهر الناس وانت بتدعو صراحة للاستسلام لهذا القانون دا كلام عجيب جدا
    ياتو عجلة تنمية البتتكلم عنها دي ؟ انت شايت وين على قول سوركناب
     
  8. Awad alawad

    Awad alawad :: مُـشــــــرِف ::

    إنضم إلينا في:
    ‏سبتمبر 7, 2011
    المشاركات:
    5,072
    الإعجابات المتلقاة:
    13
    نقاط الجائزة:
    38
    رد: عودة حملات شرطة النظام العام بالخرطوم

    قلت لي التحية لشرطة النظام العام ؟
    قول لصعاليك النظام العام والفاقد التربوي ولو انت ما مواطن شريف كان بتعرف انو زول عندو ذرة فهم ما بقول كلامك دا
    كاااااااك
     
  9. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    إذا الليله تركت البنطلونات بكره بتضيق إلى حد ما تعرف لابسه ولاضاربه بوهيه ..والنظام العام ماقانون بس من زمان السودانيين أي زول مسؤول وصى على إي ولد شاب أو بت فتاه تقابلو في الطريق في وضع خاطئ أو ازعاج أو أي خطاء ..واعتقد اتو حاااضرييين زمن جاركم لو شافك بتشرب سيجاره أو شافك بتعمل أي شئ منافي للأخلاق بكفتك ولا انت ولا أبوك ولا أهلك زول بقدر يتكلم مافي بالعكس بشجعوه ويحمدوا فعله انو شارك في تربيتك معاهم...الدور انتقل بقا زول شغال بزول مافي بل حتى في ناس بتخلي بناتهم تطلع بصوره من الصعب تحافظ على نفسها في مجتمع متباين الصالح والطالح ولاحظ نظرات الناس صااحهم وطالحهم على هذه النوعيه من الفتيات واغلبهن ربيانات بره السودان عندهن وعند اهلن شي عادي ..لكن المجتمع مابتقبل كلام زي دا ..والدليل البنات بترفعن على مرأى ومسمع الشارع يعني ما في زول اعترض ساي ...وماتقول نخوه مافي النخوه من وين تجي على بت أهلها انعدمت نخوتهم شافوها طالعه بلبس فاضح وماقطعوها في محلها..اخيرا اقول انو مايعارض قانون النظام العام إلا زول ماعندوا وازع ديني
     
  10. محمد فضل السيد

    محمد فضل السيد :: كاتب نشـــط::

    إنضم إلينا في:
    ‏يناير 1, 2015
    المشاركات:
    475
    الإعجابات المتلقاة:
    0
    نقاط الجائزة:
    16
    رد: عودة حملات شرطة النظام العام بالخرطوم

    لقد ولى زمن العنتريات يا صديقي ....
    أصلو القصة لو عارف ، أساسا ما في نظام لا عام لا غرق .....
     
  11. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    ما تبقي من قشره يصلح لإعادة بناء نظام ..الكيزان ما مخلدين فيها أبدا لكن قيمنا وتقاليدنا أخلاقنا يحسدنا عليها كل من رأى وسمع ..حتى فقرنا الذي يعتبره الأغنياء في العالم بساطة عيش وراحة بال ....مشكلتنا نريد التشبه بثقافات تحسدنا على ثقافتنا الموضوع ماداير نظام عام ولاجلد ولاغرامات وسجن ..الموضوع دائر اهل حازمين آب وأخ غيور ..والحمد لله ما في ود قبايل سوداني متربي في السودان شمالا وغربا وشرقا وجنوبا يسمح لبتو تمشي حل شعرها ..والمستهدفين من الحمله ناس ربما قل لديها الوازع الديني والعرفي والحمد لله بسيطين والخرطوم بين كل ألف بت تلقى بنطلون واحد واحتمال تلف العاصمه شهر ماتلقي بنطلون لافي إلا في الجاليات الجنوبيه والاثيوبية والارترية ..ومعروفه عدم تمسك مسيحيي ويهود الحاضر بتعاليم المسيحية أو اليهودية نتيجة ثوره على الكنيسه وتشتت اليهود وإلا فإن الاحتشام مطلوب ديني ..فإذا غاب الوازع الديني والعرفي كان لا بد من سلطة الخوف ..وأنا متأكد هسه القبضوهن ديل ياخدن عشرين جلده تاني غير العباية مابلبسن وغيرهن يتعظ ...ولازلت اتمنى اشوف حمله على البناطلين الناصله يمشوهم مسيره بالسوط عرايا في ابو جنزير .
     
  12. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    تحياتي
    سنظل نعاني من حالات الفصام هذا ما دام هؤلاء يعتلون السلطة
     
  13. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    اضحكتني حتي بانت نواجزي you make my day تتحدث عن اللبس ولا تتحدث عن فسادهم الذي ازكم الانوف ...
    اين انت مما يقومون به من نهب وسرقة واغتصاب وقتل وانتهاك للحرمات وقصف الاهالي وقتل الاطفال الابرياء وتدمير وحرق قري انهم من اوصل هذا الشعب لهذه البؤرة من الفساد والانحلال الاخلاقي ..
    كهنتهم يزنون في رمضان ويغتصبون الاطفال اي فساد تتحدث عنه هل انحصر الفساد فقط في اللبس !!
     
  14. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    استنفذوا كافة الموارد من اراضي ضرائب ........الخ
    وهذا المبالغ التي سيجمعونها ستذهب الي جيب الوالي ..
     
  15. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    زي الكلام البقولوا الزول ده البخلي الواحد يطلع من جلابيتو ..
    شايت شنو والله دا زي تور الله في برسيمه ..
     
  16. Ana Mnkom

    Ana Mnkom :: مُـشــــــرِف ::

    إنضم إلينا في:
    ‏أكتوبر 13, 2011
    المشاركات:
    10,353
    الإعجابات المتلقاة:
    179
    نقاط الجائزة:
    63
    رد: عودة حملات شرطة النظام العام بالخرطوم

    كرهتوا الناس الدين زاتو بكلامكم الفارغ ده .
    وين واعزك الديني عندما يحرقون القري ويقتلون الاطفال ويغتصبون النساء والفتيات ..
    الله ينعل الكيزان واذنابهم ومن يلف لفهم ...
     
  17. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    الاتقبضن ديل واحده منهن فقيره أو متأثرة بفساد الكيزان ما في ..شريحة الشعب السودان لا يمكن أن تصل لدرجة انحلال البناطلين وموضاتها هل تعلم أنه في مصر القريبه ظهرت موضة بناطلين بنات مشرطة في المؤخرة ..اير دا يحصل في السودان؟ ..ولا أزال اقول ان من يده في الماء ليس كمن يده في الجمر ..السودانيين البتتكلم عنهم في القرى التي قلت أنها أحرقت واعدمت وابيدت فتياتهم لايلبسو بناطلين..بنات مستورات ماشفت سودانيه لابسه بنطلون من قريه أحرقت أو قرية ابيدت أو من قريه قصفت ..بالعكس كل بنات الهامش والمناطق المتضررة بالحرب في روحهن ساترات ..و بنات بعض المغتربين خاصة في الدول الاوربية والغربية ومصر هم الجابو العاده المنحطة دي.
     
  18. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    داير تعرف مدى فراغ قوم أنظر إلى نقاشاتهم ..إذا وجدتها على شاكلة البيضة والدجاجه فاعلم أن هؤلاء قوم وصلو درجة من عدم الموضوع ..يعني هسه انت داير تقولي أنك لا تهتم الوازع الديني المجتمعي عشان الكيزان ما عندهم وازع ديني وبقتلو وبحرقو وبغتصبوا ..طيب ديلاك خاشين النار عديييييل انت ومجتمعك تقول لله شنو لو خليت بتك تلبس بنطلون وتمرق الشارع وكل عين فوقا وكل تحرش فوقا وكل إجرام يتوجه نحوها ؟ تقول الكيزان ما عندهم وازع ديني أنا وبناتي زاتنا نخلي الوازع الديني ونرمي عرض الحائط ؟ ..ماذا استفاد غيرنا من الانحلال ماذا استفادت أوربا من الانحلال ..هل تستطيع أن تؤكد أن بين كل عشره اوربيين اثنين منهم أولاد حلال؟ السودان دا لو بدأ بانحلال وبناطلين وغيره من مسببات الفساد المجتمعي كان تضمن السودانيين يكون فيهم ود حلال واحد ؟ ..الكيزان يطيروا يحرقو...
     
  19. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    باعتبارك إنسان ماتور الله في برسيمه زيي ابحث عن آخر صيحات بناطلين البنات ..واقسم بالله مابعيد في مصر القريبه مشروط لامواخزه في المؤخرة ..وما أشد انتشار الموضه بين الفتيات ياخي إذا كان الماشات لي الله عديل ماسلمن تسلم زي دي ؟ انتو بتفكروا كيف كدا وريني الليله بنطلون وبكره شنو مايوه ؟
     
  20. في الضواحي

    في الضواحي :: كاتب نشـــط::

    إنضم إلينا في:
    ‏مايو 28, 2016
    المشاركات:
    631
    الإعجابات المتلقاة:
    4
    نقاط الجائزة:
    18
    رد: عودة حملات شرطة النظام العام بالخرطوم

    أنا اشوف الناس تستكين وتترك الفارغات ..الناس تشوف موضوع تاني تتناقش فيه مواضيع مهم مواضيع الناس تستفيد منها الناس تناقش مشروع الجزيره تضع حلول اقتراحات تضغط باتجاه مكافحة الفساد تضغط باتجاه تحسين المعيشه تضغط باتجاه الخدمة المجتمعية ..بدل تنجروا ورا منع بنطلون الناس مابتاكل بناطلين ولا بتاكل كباري ولابتاكل فلسفة الحرية لاتملا الصوامع دقيقا الحرية بقوة الراس في سوريا في مصر في اليمن في ليبيا الحرية بقوة الراس والعناد في جنوب السودان هل هي نماذج تحتذي؟
     

مشاركة هذه الصفحة