عودة الروح | منتديات الراكوبة

عودة الروح

الموضوع في 'الشعر' بواسطة البسبراوي, بتاريخ ‏أبريل 12, 2016.

الوسوم: إضافة وسوم
  1. البسبراوي

    البسبراوي :: كاتب نشـــط::

    إنضم إلينا في:
    ‏يناير 2, 2011
    المشاركات:
    1,281
    الإعجابات المتلقاة:
    0
    نقاط الجائزة:
    36
    وكت الشوق يغالبنا
    نعود راجعين
    على درب الأمل نتلاقى
    كان حيين
    دون ميعاد
    حلاة اللقيا يا الغالين
    أحس فرح البعيد العاد
    عيوني الطاشة ترتاح
    من ليالي البين
    تزغرد وانتو تملو العين
    قلوب مليانه حب وحنين
    تدي العشره والإلفه
    تمرح فــــــىِ حنايا الـــــــرُّوحْ
    تغسل في شقى الأيام
    تداوي الخاطر المجروح
    تشيل لجج الهموم في الحين
    وراكم كم قبضنا الريح
    تمر أيامنا
    ماكفاها دمع العين
    تبتق فينا جوه جروح
    وزفرات من أسى وأنين
    ويارب ديمة متلمين
    وين ماتروح
    تشاشي الفرحه
    زي شوق نسمه
    لي جناح غيمة
    تلامس الروح
    تجيك أشواق تهش نشوانه
    تنداح فينا جوه حنين
    شذاها يفوح
    هناك كل الكلام تغريد
    كيف الحال
    صباحكم خير ...
    ...كيف قيلتو ...مشتاقين
    ويومك كله هاني سعيد
    تشابي البسمه زي يوم عيد
    طيبة ناس
    جمال إحساس
    مشاعر بالمحنة تبوح
    قلوب تريانه
    شاربه نداوة النيلين
    سماحة الدنيا فيكم
    وبيكم انتو يا السمحين
     

مشاركة هذه الصفحة