عنقريب الترحيب بالقادمين الجدد ( حبابكم عشرة )

نسمة الصباح

:: مشرفة سابقة ::
هذا الركن أخوتي أخواتي خاص بالقادمين الجدد
هنا يمكن ان يكون المدخل لهم لكي ينضموا إلى بقية كوكبة أعضاء الراكوبة
وبإمكانكم الترحيب بهم ومشاركتهم فرحتهم بانضامهم إليكم
فأهلا ومرحبا بالجميع وحبابكم عشرة

فضلا وليس أمرا
اتمنى ان يكون هذا البوست جامع لكل طلبات الترحيب في العنقريب
 
مرحبا يا نسمة الصباح
والله ده كلام صاح بانو يكون فى بوست موحد للترحيب والتعرف على الاعضاء الجدد
بالجد تعرفي هى مشكلة اى عضو جديد , بحتار انه يلقى زاوية مخصصة للتترحيب عشان كدا بتلقى طلبات الترحيب موزعة على المنتديات المختلفة .
ولو فى إمكانية لنقل بوستات الترحيب للبوست المثبت ده يكون افضل .

ومودتي
 
ام قدوره

مرحب بيكم ياناس الراكوبة البارده وواسعه
انا ام قدوره جيتكم من بعيد وعاوزه اكون صديقه لكم:Bebe35:
 
اولا انا ارحب بعودة الراكوبة نفسها
ثم ارحب بالاعضاء الجدد .. وماشاء الله العدد فى تزايد
اعتقد انه عائد الى ان بعض الناس ماسمعو ا بالراكوبة الابعد التهكير
ورب ضارة نافعة. لكننا مازلنا نامل من اخواننا السناير يرجعوا
ويعطروا جو الراكوبة من جديد يتم بناء ماتهدم
 
مرحبا يا نسمة الصباح
والله ده كلام صاح بانو يكون فى بوست موحد للترحيب والتعرف على الاعضاء الجدد
بالجد تعرفي هى مشكلة اى عضو جديد , بحتار انه يلقى زاوية مخصصة للتترحيب عشان كدا بتلقى طلبات الترحيب موزعة على المنتديات المختلفة .
ولو فى إمكانية لنقل بوستات الترحيب للبوست المثبت ده يكون افضل .

ومودتي

أختي شلمري تحياتي
وهذا هو المقصود تماما ان يكون هناك بوست واحد للترحيب
وأي عضو جديد حابي الناس ترحب بيهو يجي يكتب في البوست دا والناس كلها تعرفوا وترحب بيهو
وانشاء الله كل بوستات الترحيب في العنقريب ستنقل الى هذا البوست
شكرا لمرورك ولتأييدك للفكرة
 
اولا انا ارحب بعودة الراكوبة نفسها
ثم ارحب بالاعضاء الجدد .. وماشاء الله العدد فى تزايد
اعتقد انه عائد الى ان بعض الناس ماسمعو ا بالراكوبة الابعد التهكير
ورب ضارة نافعة. لكننا مازلنا نامل من اخواننا السناير يرجعوا
ويعطروا جو الراكوبة من جديد يتم بناء ماتهدم

أبو رزان رب ضارة نافعة
ونطلب من الله ان يزيد ويبارك في الجدد ويرجع السناير

شكرا لمرورك
 
السلام جاكم

أها أنا جيت

وماشاء الله
بوست جميل وفكرة رائعة
بما أني أعتبر نفسي لسه جديد
لكن الأخوان ماقصرو
رحبو بينا أيما ترحيب

ومشكورة نسمة على هذا البوست الجميل
 
التعديل الأخير:
تالاف مراحب بأهل الدار، الراكوبة عامر بيكم ، ويامراحب بالكل
 
مرحب بسوبر مان وكجيك وحبابكم عشرة
وان شاء الله الدار ترحب بيكم
سعيدين جدا بتواجدكم بيننا في الراكوبة وان شاء الله تفيدوا وتستفيدوا
 
صباح الخير يا عناقريبيييييييييييييييييييييييييييييييييييييييييييين :Icon124: جنكم ظريف ويا ريت تقبلونى صديق وتشوفو لى هبابى معاكم
 
والله البوست حلو خالص يانسمه بشكرك كتييييييييييييييييييييير لاني جديده علي الراكوبه ماقصروا رحبوا بي لاكن البحر مابيابا الزياده



تحياتي نجومه:Icon42:
 
السلام عليكم......كيفكم يا ناس ؟
انا طبعا بعرف الراكوبة دي من 2005 بس ما بكتب بدخل اتفرج ..... لكن انشائالله تاني ح اشارك مع الناس الحلووووييييين ناس الراكوبة واتمنا اني اكون زولة فعالة فيهو ويكون عندي اصحاب من هنا......
تحياااااتي....
 
ارحب بكم جميعا انا زول جديد وبرعرف الراكوبه من زمان بس كنت مستمع
عندي مواضيع كتيييره بس سو الجبنه وادونا ماعكم فنجان
 
شكرا جزيلا الاخت نسمه علي هذا الاقتراح

وفي كثير من المنتديات يوجد منتدي خاص للترحيب بالاعضاء الجدد

واتمني ان يكون هذا البوست بمثابة مقترح للادارة لقيام منتدي للترحيب بالاعضاء الجدد

تحياتي للجميع وفي امان الله طبعا انا دخلت الراكوبه والحمد لله اخت نصيبي من الجبنه وعشرة ونسه مع الذين استقبلوني
 
أبو ميسم
نجمة
سلوم
كيمو
الزعيم القرشي
ود الفوار
هجام العسيلاتي
أضأتم الراكوبة بوجودكم فيها وسرنا ان تكونوا جزء من اسرتنا الرائعة
ادخلوا لي جوة ومستنين ابداعاتكم التي بالتأكيد ستكون اضافات وضيئة على جبين الراكوبة
مرحبا بكم

مخارجة :
يا ناس العنقريب وين ترحيبكم بي أخوانكم الجدد عايزين تشجيع للناس ديل
غايتو الما برحب تاني بنعمل ليهو غرامة عدم ترحيب
 
أبو ميسم
نجمة
سلوم
كيمو
الزعيم القرشي
ود الفوار
هجام العسيلاتي

حبابكم عشرة بلا كشرة ، اتفضلو جوا الراكوبة راكوبتكم .

شنو يا نسمة عايزة تعملي ليك غرامات وكده(ده نظام فلسه ولا شنو):004:
 
أبو ميسم
نجمة
سلوم
كيمو
الزعيم القرشي
ود الفوار
هجام العسيلاتي

حبابكم عشرة بلا كشرة ، اتفضلو جوا الراكوبة راكوبتكم .

شنو يا نسمة عايزة تعملي ليك غرامات وكده(ده نظام فلسه ولا شنو):004:

شلمري غايتو طلعتي ذكية ونفذتي بجلدك من الغرامة
اسكتي ساي الفلسة حاصلة ورمضان على الابواب هي كويس الجاتكم على قدر غرامة وما عملتها ليكم ضريبة :(164):
 
أعلى أسفل