عمار محي الدين «قالوا الزمان أشتر خلاص وكيف الخلاص ؟!!»

ضى القمر

:: كــاتبة نشــطة ::
#1
صفحات كتاب زمن العذاب


قالوا الزمان أشتر خلاص

وكيف الخلاص ..

يايابا ماشفنا اليباس

يايمة وينك ختي لي

الحنة في خط التماس

الجرتق القيد الحديد

والعين مطششة بالنعاس

شبّال من الدنيا الخراب

مبروك عليك عرس العذاب

نسرح وراء الزمن الفقر

نفتح وريقات الكتاب

الصفحة أولى عليها عيد

ياناظر السكة الحديد

مدن السراب ضاعت هناك

والفرحة راحت لي بعيد

والصفحة تانية مع الشكر

يوم ضقنا طعم الكلمة مر

وجغمنا أنفاس الفقر

شفنا الحروب

لا ضقنا إحساس الغروب

لا جينا لي آخر السطر

شاردين نلاحق في الغيوم

الضل مرق برة الهدوم

وإحساسنا حر ...

وأنا بحكي ليك

تالت وريقة من الكتاب

حاسب من الزمن الخراب

 
أعلى أسفل