عمار محي الدين «أنا مجنونك سابح زي تيّار في دمك»

ضى القمر

:: كــاتبة نشــطة ::
#1
أنا مجنونك

سابح زي تيّار في دمك

عايش همسك ونبض سكونك

ساكن في الأنفاس مترقب

نسمة حنينة بتشفي ظنونك

يامسكونة جمال إستني

ببرا شعاع الشمس وأكونك

أكشف بيك مداخل الضلمة

وتضوي طيوف اللهفة حصونك

أنا مجنونك ...

لا مشتاق لي سكة بتمشي

تحرق جوف الروح من دونك

مدي الذات إحساس وإتمني

عّرفي رمز الريدة عيونك

وأنزلي رعشة ترد العافية

تحضن روحي وأكون مسجونك

يوم شابيت للغيمة عشانك

شفتا رزاز الشوق مفتونك

والنجمات بتطل من لحظك

تبني خيوط النور وتصونك

وشفتا النيل في لهفة مسافر

فارد روحو مداخل كونك

عارف إنو جمالك منية

ومافي محنة بتسري بدونك
 
أعلى أسفل