علي الخضر (السنجك) «أمل السنين»

ا

ابو نمر

Guest
بقولك انى بهواكى وهواكى أنا كنت خافيهو
أبوح واللا اخير اصبر واخلى براك تعرفيهو
غنيت فى وصف محياك وألفت الحروف فيهو
شان داير حروف اشعارى جمر الآهة تطفيهو
قلبى عليك صبح غناى وفى أنغمو ترفيهو
شعرا من عميق احساسو يكتب ليك قوافيهو
مشتاق شوقو ليك يفيض بحر تبعد مرافيهو
وسرف بحر الحنين جواهو بى ايدك تغرفيهو
شبت فيهو نار اشواقو قومى براكى شوفيهو
ده فى برد الشتا النازل لهيب الشوق يدفيهو
مضروب بى سهام عينيكى كل صباح تلافيهو
هدت حيلو فى الأيام ومافى صبر يكفيهو
راقد فوق جمر وكان دايرك تخطفيهو
وتضمى عليكى بى تحنان ودون خلق الله والفيهو
خايف من صدودك ليهو خاف انك تجافيهو
معذب بين صدود وحنين غير الريدة شن فيهو
بقولك والوصية أمانة بس فيهو الله خافيهو
وخافى عليهو فى دنياهو شيلى من الشقى الفيهو
بى ريد العيون مفتون ومنها نظرة تكفيهو
يعيش امل السنين الجاى والكون ينسى بالفيهو​
 
أعلى أسفل