علاء سنهوري «سكات الريح» "عود"

الشوتال

:: كاتب نشـــط::
سكات الريح
جمال علي حسن
**********************
يا بت شن جابك تاني
تعافري سكات الريح ؟
ما نفس الشجر الشالك
حتحت ريشك وجنح صوتك
ليه بتعافري سكات الريح ؟
سيبينا نصالح الهم مع ذاتنا
ونحفر لي غنواتنا ضريح
غنواتنا ضريح
وإيقاع ألحانـّا نشاز في نشاز
والنيل الدفقك ما منحاز
لو غبّش غيمه حنهتف تاني
وينزل تاني المطر الشاذ
يا سكة صديد وحديدها رماد
لا ميس لا نبله ولا أولاد
والصبر شحيح في إيد الريح
يا ريحنا سكات
يا بت ده النيل الدفقك مات
أسياد ... أسياد
قبضوك وعزك معروضات
أسياد ... أسياد
يا حجوة ليل
الشفع ديل ما بفترو
من لعبة تمثيل أسياد ... أسياد
والقمره تفوت
والحجوة تموت فوق قوزها سهاد
مجلوخة الهم
في بدنـّا تجبّد في البسمات
يا بتاً سايقه الخطوه عناد
راح تلقي سراب في باب الريح
شن جابك تاني تدقي الباب ؟

سكات الريح

اهداء للجميع​
 
أعلى أسفل