ا
ابو نمر
Guest
أوعي تبكي وامسحي الدمعة الحزيني
لما تبكي أنا ذاتي ببكي والدموع في حقَّي شيني
إنتي في نومي وصحايا وجوَّه في الأعماق سجيني
إنتي في طنبورغنايا وياكي سِلكايتو الحنيني
إنتي في فرح الصبايا وفي ضِحيكاتُن تبيني
إنتي ياك قِمة مُنايا وياكي دهباية الخَزيني
بفضل أكتب فيك خواطر مهما طالت بيَّ سنيني
وأفضل أعتصرالمشاعر لما ينضُب تب معيني
وليكي بخضَع كلو قاهر وأعقد الآمال متيني
وأكتم الأحزان وأشاطر روحي في فقدان يقيني
إنتي ليْ في حلِّي عافي علي في الترحال أميني
إنتي منبع ريدة صافي منو بشرب بي أيديني
إنتي ماالكرم الخرافي الحمره سكينو وسنيني
إنتي ياك آخر مطافي وسِر عذاباتي الدَّفيني
مهما كتَّر في غُناك ماني قادر أوفي ديني
قلبي موهوب لك براكي ونفسي ليك بالروح مديني
كيفن أقدر أعيش بلاكي وإنتى دمي وأكسجيني
وإنتي مرفايا وهلاكي ونص حياتي وباقي ديني