عبدالناصر ميرغني «عرفت ليه»

ضى القمر

:: كــاتبة نشــطة ::
عرفت ليه

وعرفت ليه
كل الوجع..وخز الدموع الحارة ديك
لمن مشيت في سكتك
موكب حنان مشحون شجون
بطلع عليك موسم ربيع
في كل يوم ..
يتجلَّى فيك
يغسل ملامحك بالندى
ويشتل حدايقك بالورود
تتدلَّى كل الدنيا
تسكن في ضفافك
كرنفال..
أفواج قصايد فيكِ تتغزَّل
أغاني بتشتهيك
وعرفت ليه..
حِفْيَتْ خطاي
واتمزقت أوتار غناي
واتصلبت في أحلى لحظات العمر
فَقَدَت كمان معنى الفرح
ألوان قزح
غطاها لون قاتم..كئيب
حتى الشروق أصبح غروب
واتقفلت كل الدروب
مسكونة بي شوك التساؤل والظنون..
ما كنت مسكونة بغرور
أعمى وبليد
إمتص كل ألوان مشاعري
الشاربة من ألق الورود
ذبلت مشاعري
وماتت النبضات
ويبست في العروق
حتى الملامح..
أصبحت مسحوقة
زي تمثال
بتزحف في تفاصيلو الشقوق
حسيت أكيد
ساحات عوالمك زي صحاري
اتغلفت ساعات نهاراتها بهجير
لبست لياليها الجليد..
 
أعلى أسفل