عبدالله محمد عبدالله لفيف «شتلة مورني»

يوسف عوض الباري

:: كـاتب نشــط ::
شتلة مورني
18/6/2007م

وقْفَتَ المًيْمون يا فِريع البَان
يا شِتيل مُورني يا جَدِي الغُزلان

أنتِ عارْفانِي أنا في الدَّرَك هَلْكان
يا قطيعة الماس نَكْهَة الرّيحان

الفُؤاد مَجْروح وبالعَليّ رَضيان
بَسْ عليك مَوْلاك تَزْرعي الإحْسَام

هَمِّي فات الهمّ والعُمُر دَرْكان
مِنْ عَدَم رُؤْياك انْفَجَر بُركان


أسْمَعْني يا غالي وبادِلْني بِالأفْراح
سَمِّعْني بالنَّغمات لو بِي جِهاز مُرتاح

اسْمَعْني مَفْتون بيك وأنا عَقْلي كاد يِنْزاح
والعذاب البي ما يذيله صياح

اسْمَعْني قَصْدي مُناي مِن عِطْرَك الفَوّاح
لو النَّسيم يَسْمَح تَوْصَلني مِنّو رِياح

اسْمَعْنِي يا الياسمين أنا في مَسَاي وًصَباح
أنا مانِي قادِر أفْصِل بين الغَلَط والصّاح

اسْمَعِْني صَدِّقْنِي صَعَب الغَرًام يِنْزاح
يَبْقَي الحَنان والوِدّ نِتْبادَل الأفْراح

اسْمَعْني وسَمِّعْني واسْفيني مِنّو مُباح
صِلَة الغَرَام واصْلة ومِنْ قَلبي ما بِتنْزاح

اسْمَعْني صادِق أقول لو هاجَمُوني سِلاح
لا في العِجِم وَضْعك ولا لقيتو في الفُصاح
 
أعلى أسفل