عبدالله محمد عبدالله لفيف «الشفاء»

يوسف عوض الباري

:: كـاتب نشــط ::
الشفاء
11/5/2007م

الألَم للعَدو أنْتِ دونك
وأنْتِ تَبْري سَلامَة عُيونِك

أسْأَل الله المَوْلى يَرْعاك

أنتِ بَرقَ الغيِم من سُنونِك
أصَابني صَاد الكِبده طاعُونِك

أسْأَل الله المَوْلى يَرْعاك

من حَديد الصُّلب دَرابْزونِك
وعُمري ضَاع في داخِل سجونِك

أسْأَل الله المَوْلى يَرْعاك

الرُّطب في الباوْقَة لونِك
أصَابْني ما صاب قيِس من جِنونِك


أسْأَل الله المَوْلى يَرْعاك

أنتِ جيل عَصرك كلو دونِك
وفي جَنوب دارفور سُكونِك

أسْأَل الله المَوْلى يَرْعاك

قلبِي يُوم ما حاول نِساك
وفيهو مَطبوع جوه ذكْراك

أسْأَل الله المَوْلى يَرْعاك

يا المَها القَنّاص ما لِقَاك
يا الغَزال الضّارب ضِراك

أسْأَل الله المَوْلى يَرْعاك

يا حَمامَة وادِي الأراك
جلّ خالِق الكُون اصْطفاك

أسْأَل الله المَوْلى يَرْعاك

في حًراسْتِك خالي شُباك
شِلتي قَلب الناس وين مَعاك
 
أعلى أسفل