ا
ابو نمر
Guest
الجزيري بقت مخادة
وتانى ختت طين زياده
السواقى البى الغرب طلعت قصادا
وفى الضهارى الرمله الناس زرعت مقادا
الجرف سبروقو ملح
والبحر فات منو روح
قام لبس التوب وسرح
من بعيد بى ايدوا لوح
قالوا مندلين يشوفوا
كل زول ينزل جروفو
الجرف بالخصبه رجح
وللبذور الطيبة نجح
فى الاصيل قمريهو يصدح
لى نعيمو وخيرو يمدح
داك يسلك وداك ينقح
وداك بالشرقية ينبح
جاى دافر القش متمسح
مرة يغطس ومره يطفح
التبش نوارو فتح
والدخن قندولو دندح
خدر الشتل المصفح
جاب قلوب لى اهلو فرح
قالو مندلين يشوفوا
طل زول ينزل جروفو
وتانى ختت طين زياده
السواقى البى الغرب طلعت قصادا
وفى الضهارى الرمله الناس زرعت مقادا
الجرف سبروقو ملح
والبحر فات منو روح
قام لبس التوب وسرح
من بعيد بى ايدوا لوح
قالوا مندلين يشوفوا
كل زول ينزل جروفو
الجرف بالخصبه رجح
وللبذور الطيبة نجح
فى الاصيل قمريهو يصدح
لى نعيمو وخيرو يمدح
داك يسلك وداك ينقح
وداك بالشرقية ينبح
جاى دافر القش متمسح
مرة يغطس ومره يطفح
التبش نوارو فتح
والدخن قندولو دندح
خدر الشتل المصفح
جاب قلوب لى اهلو فرح
قالو مندلين يشوفوا
طل زول ينزل جروفو