عبدالله محمد أحمد حسين الوراق «خطوة شوق»

ضى القمر

:: كــاتبة نشــطة ::
#1
خطوة شوق

يا ريتنى اوصل بخطاى على خطاك
يا ريتنى اسعد بجميل وصلك اكون معاك
ما اصلو مشرق شمالنا شايل حلاهو من حلاك
و خابى لاتالاى شوقا ضمه ما قادر بلاك
و حازمو فى جواى حبا ليك اشابى داير لقاك
يا سماح وجه السماح هاكى قلبا اصطفاك
و ماشى فى هجير شوقو الكتير كايس ضراك
و ياريتنى اوصل بخطاى على خطاك
ما اصلى شقيش اقبل ما عرفتا بلا هواك
و اصلى حازم شوقى جاى لاتالاك
و ماشى على ضى نجومك فى علاك
و ديك قمارى شمالنا تغرد فى سماك
يا سماحتك و يا حليلك فى جبينك داك ضياك
ما شلتى انتى أسم الزهور و هيتى ليها سماح نداك
ماصلى شقيش اقبل ماشى على هواك
كايس أوصل ليك ملاذا ألقى فيه جمال حماك
و عشمى فى الدنيا انتى و هسى واقف فى رجااك
 
أعلى أسفل