عبدالله النجيب «بسمع كلام عنك كتير»

ضى القمر

:: كــاتبة نشــطة ::
#1
تواضع


بسمع كلام عنك كتير ..
قالوا غالى.. وقالوا سالى...
مفتكر نفسك أمير...
يا سلام....

ولما شفتك وعشت لحظات فى كمالك..
كنت بسرح فى عيونك وكنت بتأمل جمالك
وكان مناى.. تسمح لى يوم أوصف خصالك...
وانت متواضع كتير للبعرفوك..
وانت فعلا فى طبايعك ود ملوك..
يا سلام...

يا نسمه فى صيف العذاب..
يا صباح للدنيا يا نور الشباب..
بسمتك ومضة أمل..
كلمتك سالت عسل..
خطوتك غاليه وعزيزه وبرضو يا عالى الجناب..
انت متواضع كتير..
وانت فعلا فى طبايعك زول أمير
… يا سلام...

مرتين غنيت عشانك..
مره لى فرحة صباى..
ومره لى تشريف غناى..
وانت يا سيد الزمن ….
برضو متواضع كتير..
وانت فعلا فى طبايعك زول أمير
 
أعلى أسفل