عادل مصطفي «لوحة كانت بين لوحات الدنيا بتظهر»

ضى القمر

:: كــاتبة نشــطة ::
#1
لوحة


كانت بين لوحات الدنيا بتظهر

معلم بارز وأجمل منظر

زي أبيات منظومة قوافي

كل الناس كان ليها بترحل


وتلقي في قربك راحة ومسكن


كنتي وحاتك مابتنسيهم

وقلبك دايما بصبح مأمن

لما مصايب الكون تتجمع

بين إيديهم أو تتمكن

أو تتجاري عليهم وتنبش

كنتي وحاتك مابتنسيهم

كان إيديك دايما تحميهم

من شلال الظلم الجائر

ومن أنياب الزمن الأرعن



كنتي الحلم البين إيدينا

وضي القمرة الكان بهدينا


ويوم سرقــــوكــي .....


يوم سرقوكي ،، وماهاجرتي

عدنا نفتش ،، ؟؟

وين ودوكي ،، وين أبحرتي

،،،

ضاعت من حروفك

وكل الفرحة الكان مصفوفة

بين خديك وكان مألوفة

كل الناس شافوها بتبكي

وبين الناس صبحت معروفة


ديك ياناس اللوحة الكانت

وكل الناس إتلـــموا عليها

يالله نشوفـــا

يالله نشــوفا

ولما خلاص إتلمو وجوهــــا


فضلوا يفتشـــو مقطع مقطع

وين القافية الكان موزونة

وين النغمة الحلوة حنونة

وين يـــاناس

والناس مجـــنونة

لسة بتعشم إنو حروفك

بين خديك حتظل مسجونة

ولسة بترجي الزمن الجـــاي

وتحلم تاني اللوحة تشوفا

كل الناس إتلمو عليها

وخلو اللوحة تقيف مشدوهة

وفضلو يفتشو مقطع مقطع

إلا خلاص ،،،، ما اظن يلقوهــــا

إلا خلاص ،،،، مااظن يلقوها
 
أعلى أسفل