عادل مصطفي «لما اشتاق لى عيونك»

ضى القمر

:: كــاتبة نشــطة ::
#1
لما اشتاق لى عيونك


لما اشتاق لى عيونك

يصرخ الشوق ليك ينادى

ولما قلبك يحسو شوقى

ويبدا يرجف فى بعادى

ابقى اعرفى انى رايدك

وانى ضاميك فى فؤادى

وانى دايما فيك بفكر

وراجى تتلاقى الايادى

اشان اشيلك جوه قلبى

وابقى بيك زول اعتيادى

ابقى انسان كل همو

انو جنبك كل يوم فى ريدو بادى

وانو كل ما ريدو يكتر

لسه شايف ريدو عادى

يلا قولى البينا إلفه

وانو بنحس بى بعضنا

وانو ناتج ريدنا أفرز

دمنا البهو ارتبطنا

حتى قانون ريدنا واحد

انو اصلا نحن واحد

صدفة اتنين انقسمنا

نختزل فى روحنا ريدنا

ونبقى للقسمة اختصرنا

ونتفق فى شوقنا

في احساسنا

ويتوحد نفسنا

ويبقى ده الشكل الاساسا

جينا أصلا منو نحن

شكا قلبى وفيهو نبضك

جينا بيهم واتخلقنا

ونمشى نتوكل عليهن

نمشى ونواصل سفرنا

وتبقى رايدانى وأريدك

ريده لى آخر عمرنا
 
أعلى أسفل