عادل مصطفي «أخاف ريدك وأخاف أسأل أخاف القول وقت يكتر»

ضى القمر

:: كــاتبة نشــطة ::
#1
فتشت ليك


أخاف ريدك و أخاف أسأل
أخاف القول وقت يكتر
بخاف القول يجرح قول
و هناك الصمت يتضجر
لما الليل يسوقني عليك
قلبي الوافي يتفطر
أبقى ألم خطاي عليك
ملامحك مني تتودر
أرجع تاني من أول
أفكر فيك و كيف أقدر
شوف الريد و قساوتو علي
و شوف الحزن كيف عسكر
يفتح في جروح ماتت
يجدد في زمن أغبر
يسوق الآهه في جواي
و في الساحات يتبختر
ما هميت زمن قساي
يسوقني إليك و أتحسر
ما بتندم خطاي عليك
محال أنساك يا أسمر
تهل نجمات ... تغيب نجمات
و بيناتنا عشم أخضر
أواصل في الخطى المهموس
أسمع في الغنى الأبتر
لسه ماشي بتعذب
مناي السكه ما تقصر
عشان عشقك وهج جواي
بخاف اللهفه تتودر
بخاف يا حلوه من ريدك
بخاف من تاني أتعثر
أخاف ريدك و أخاف أسأل
 
أعلى أسفل