"عاجل" مخطط لإنقاذ نظام السايكوباتي عمر البشير !!

Ana Mnkom

:: مُـشــــــرِف ::
بعد مضي 27 عاما من الفشل وهو عمر الإنقاذ في السلطة ومعاناة البلاد من فشل النظام اقتصاديا وسياسيا وامنيا واجتماعيا واستشراء الفساد في كافة مفاصل الدولة الإدارية والمجتمعية قرر عمر البشير إحالة الوضع الراهن لجماهير الشعب المكتوية بهذا الفشل لإنقاذ البلاد وانقاد الإنقاذ بطرح حلول ناجعة نابعة من الجماهير تقود البلاد لبر الامان ووضعت شروطا لذلك وهي إن لا تتضمن الحلول الأتي :
1/ تنحي النظام من السلطة .
2/ إشراك المكونات السياسية في إدارة البلاد .
3/ حكومة قومية .
أي طرح لا يتضمن البنود أعلاه سوف تدرسه لجان متخصصة وترفع بتوصياته لرئاسة الجمهورية ..
نرجوا تقديم العطاءات (اقصد الحلول) مرفوقة بدمغة الشهيد ..

نرجوا من اصحاب العقول النيرة المشاركة ...........
 
رد: "عاجل" مخطط لإنقاذ نظام السايكوباتي عمر البشير !!

يا مننا العب معانا بالعربى ياخى (سايكوباتى ) دى شنو كمان شايفها كترت عندك ودى المرة التانية ههههه
كسرة
دى لميت فيها وين يا بركة داير تعقدنا وتبقى لينا زى برارى وكلامو الغميس داك ههههههه غايتو عمك قوقل بصصنى ما ياها ( مطوفش )
 
رد: "عاجل" مخطط لإنقاذ نظام السايكوباتي عمر البشير !!

ود صنترها .....
كل عام وانت واسرتك الكريمة بالف خير وعيدك مبارك ...
دا نفس كلام عمك بتاع شذاذ افاق وشنو ما عارف ..
سايكوباتى كلمة صادفتني في احد المقالات التي كنت اطالعها ومعناها ينطبق تماما علي بشة ..

نرجع لموضوعنا ما هو الحل الذي تقترحه لما هو مطروح ؟؟؟..
 
رد: "عاجل" مخطط لإنقاذ نظام السايكوباتي عمر البشير !!

الحل واحدة فى الاتنين يا نمرق نخلى ليهم البلد يا نمرقهم هم من السلطة ونحاسبم حساب عسير على كل كبيرة وصغيرة
اى حديث عن حوارات طرشان ومؤتمرات تسويف ومماحكات ومحاولات بائسة الهدف منها فقط ان تطيل من عمر النظام الغاشم المتهالك وتضخ الاوكسجين فى عروقه المتيبسة
كسرة
نجضت وما حنديها الطيرة السايكوباتى ده
 
رد: "عاجل" مخطط لإنقاذ نظام السايكوباتي عمر البشير !!

ود صنترها ...
حلول غير منطقية ..
فالنظام يريد حلا يضمن بقائه في السلطة وانقاذ البلد من التردي ..
 
رد: "عاجل" مخطط لإنقاذ نظام السايكوباتي عمر البشير !!

الجبهة الثورية متمسكة بشروط يرفضها النظام وهي :-
1/ عدم تزعم النظام للحوار .
2/ المطالبة بوجود إطراف دولية كمراقب وضامن للاتفاقيات .
3/ تشكيل حكومة قومية انتقالية .
 
رد: "عاجل" مخطط لإنقاذ نظام السايكوباتي عمر البشير !!

النظام يخشي من الملاحقات الجنائية وفتح ملفات الفساد والجرائم التي ارتكبها النظام .
 
رد: "عاجل" مخطط لإنقاذ نظام السايكوباتي عمر البشير !!

ود صنترها .....
كل عام وانت واسرتك الكريمة بالف خير وعيدك مبارك ...
دا نفس كلام عمك بتاع شذاذ افاق وشنو ما عارف ..
سايكوباتى كلمة صادفتني في احد المقالات التي كنت اطالعها ومعناها ينطبق تماما علي بشة ..

نرجع لموضوعنا ما هو الحل الذي تقترحه لما هو مطروح ؟؟؟..

هههههههه طالما ينطبق على بشه يبقا نيد وشتيمه
..
تغريده : الشتيمة بتلف وترجع لصاحبها هههههه كل عام وانتم بخير
 
رد: "عاجل" مخطط لإنقاذ نظام السايكوباتي عمر البشير !!

بالحسابات موقف البشير اقوى ..الشغله شنو الناس بتحكم بالمظاهر ما في زول فاضي يفتش جوة نوايا الناس والسياسه مظاهر الزول دا صحي كانو مضغوطيييين للزيت لكن شكله في مواقف سووها جابت قليل من الدعم الإقليمي وناس الضغط الدولي الخجله ماخلتهم يواصلو ضغوطهم تجاه حليف حلفاءهم..المهم زي ما قلت موقف المعارضة ضعيف للغايه (مظهريا) والسياسة مظاهر..البشير عمل حوار الوثبة وقدر لما ناس من ضمنها الترابي والصادق وغيرهم من فطاحلة السودان وصغارهم وشخصيات مجتمعية ..وزى ما قلت المجتمع الدولي بحكم بالمظاهر شاف قاعة الصداقة مليانه والممتتعين مابتعدو في أصابع اليد خلاص صدق انو حوار صحي صحي ..البشير حكومته وقعت على خارطة طريق الوساطة الأفريقية المدعومة امميا قبل المعارضة بشهور وكدا استغل الموقف دا دوليا للتسويق أنه الحكومة تريد السلام بشده وتضع الكره في ملعب المعارضة ألفي البداية قعدت تتدلع (زي شغلتك دي يا انت منا ) دايرين بسكويت وباسطة ومراره نيه وأم فتفت..المهم السياسة مظاهر وموقف تاني تقدم بيها النظام على المعارضة وقف العدائية ..اربعه شهور طبعا حتقولي دا إيقاف إجباري لظروف الخريف وصعوبة التنقل الآليات العسكرية ومجبور اقول ليك صااااااح لكن النظام عندو تسويق والصراحه سوقو بقا حاار خاصة بعد عاصفة الحزم ووعد الشمال والذي منه ..المهم انه السياسة مظاهر والنظام سوق القصة دي أنها وقف للعدائيات وحسن نوايا وكدا ..طبعا لازم المجتمع الدولي يصدق المظاهر خصوصا مظاهر حليف لحلفاء مهمين بالمنطقة..المعارضة فهمت موقفها متأخر جدا وشغلتها بقت زي المنتخب القومي يتلم قبل الماتش بأسبوع ومايتمرن ولا ينسجم ولا يرسي على خطة لعب وفي النهاية ينطق زي السلام عليكم ..الطفولة السياسية البتمارسها معارضة يفترض فيها أنها من طراز عتيق جعلت مصيرها تنطق ثلاثة صفر على يد الإنقاذ ..وتوقع على السلام خالي شروط.

تغريدة: مرات تشوف كورة لمنتخبنا مع ساحل العاج مثلا ..تشجع المنتخب ويعجبك لعب الفيله..دا الحاصل بين المعارضة والحكومة. وهاردلك انشالله البطولة الجاية نغلب أو على الأقل نتعادل
 
رد: "عاجل" مخطط لإنقاذ نظام السايكوباتي عمر البشير !!

الجبهة الثورية متمسكة بشروط يرفضها النظام وهي :-
1/ عدم تزعم النظام للحوار .
2/ المطالبة بوجود إطراف دولية كمراقب وضامن للاتفاقيات .
3/ تشكيل حكومة قومية انتقالية .

المنطقي الوحييد المطلب رقم اتنين..
عدم تزعم النظام للحوار دا نزع الملكية الفكرية ياخ الزول الاخترع القنقليز بالشطة هسه لو عايش حيطالب بالملكية الفكريه ويفرض على إي حاجه فى الشارع بتبيع اكياس قنقليز بالشطة نسبة من الأرباح .
تشكيل حكومة انتقاليه/ارتحاليه/قومية/بنفسجية/سيكوباتيه ..ما في فرق ..في احتمال النظام يوافق على المصطلح بطريقة أو أخرى أن يوافق منفردا طبعا مستحيلة ربنا يعرضعها على لجان الحوار (حتى يبدوا مظهريا يعمل بشكل مؤسسي) في النهاية في حكومة انتقاليه في مهامها قد تختلف التسمية ...المهم الجبهه الثورية يوافقوا على السلام وادخلو الخرطوم بسلام آمنين دخول الفاتحين كما فعل الزعيم الراحل جون قرنق لانو دخولهم في السلام الفائدة التي سيجنيها الشعب أكبر من استفادة الجبهه والنظام والمعارضة .
 
رد: "عاجل" مخطط لإنقاذ نظام السايكوباتي عمر البشير !!

هههههههه طالما ينطبق على بشه يبقا نيد وشتيمه
..
تغريده : الشتيمة بتلف وترجع لصاحبها هههههه كل عام وانتم بخير

اكيد نبذ وشتيمة ... المزعلك شنو اذا كانت نبذ وشتيمة الا يستحقها !؟.
قال تلف تلف وترجع لصاحبها ... راكبة رقشة
قوم لف لفاك قطر
 
رد: "عاجل" مخطط لإنقاذ نظام السايكوباتي عمر البشير !!

اكيد نبذ وشتيمة ... المزعلك شنو اذا كانت نبذ وشتيمة الا يستحقها !؟.
قال تلف تلف وترجع لصاحبها ... راكبة رقشة
قوم لف لفاك قطر

هههههههه يا شيخنا القاليك زعلان منو..انت عندك أفكار معلبه جاهزه شكلك ..فكر شوية جيب من عندك
 
رد: "عاجل" مخطط لإنقاذ نظام السايكوباتي عمر البشير !!

اكيد نبذ وشتيمة ... المزعلك شنو اذا كانت نبذ وشتيمة الا يستحقها !؟.
قال تلف تلف وترجع لصاحبها ... راكبة رقشة
قوم لف لفاك قطر

يعني سبت الردود الجدية مسكت في المزحه..ما قلت ليك انت بتمسك في الفارغات
 
رد: "عاجل" مخطط لإنقاذ نظام السايكوباتي عمر البشير !!

بالحسابات موقف البشير اقوى ..الشغله شنو الناس بتحكم بالمظاهر ما في زول فاضي يفتش جوة نوايا الناس والسياسه مظاهر الزول دا صحي كانو مضغوطيييين للزيت لكن شكله في مواقف سووها جابت قليل من الدعم الإقليمي وناس الضغط الدولي الخجله ماخلتهم يواصلو ضغوطهم تجاه حليف حلفاءهم..المهم زي ما قلت موقف المعارضة ضعيف للغايه (مظهريا) والسياسة مظاهر..البشير عمل حوار الوثبة وقدر لما ناس من ضمنها الترابي والصادق وغيرهم من فطاحلة السودان وصغارهم وشخصيات مجتمعية ..وزى ما قلت المجتمع الدولي بحكم بالمظاهر شاف قاعة الصداقة مليانه والممتتعين مابتعدو في أصابع اليد خلاص صدق انو حوار صحي صحي ..البشير حكومته وقعت على خارطة طريق الوساطة الأفريقية المدعومة امميا قبل المعارضة بشهور وكدا استغل الموقف دا دوليا للتسويق أنه الحكومة تريد السلام بشده وتضع الكره في ملعب المعارضة ألفي البداية قعدت تتدلع (زي شغلتك دي يا انت منا ) دايرين بسكويت وباسطة ومراره نيه وأم فتفت..المهم السياسة مظاهر وموقف تاني تقدم بيها النظام على المعارضة وقف العدائية ..اربعه شهور طبعا حتقولي دا إيقاف إجباري لظروف الخريف وصعوبة التنقل الآليات العسكرية ومجبور اقول ليك صااااااح لكن النظام عندو تسويق والصراحه سوقو بقا حاار خاصة بعد عاصفة الحزم ووعد الشمال والذي منه ..المهم انه السياسة مظاهر والنظام سوق القصة دي أنها وقف للعدائيات وحسن نوايا وكدا ..طبعا لازم المجتمع الدولي يصدق المظاهر خصوصا مظاهر حليف لحلفاء مهمين بالمنطقة..المعارضة فهمت موقفها متأخر جدا وشغلتها بقت زي المنتخب القومي يتلم قبل الماتش بأسبوع ومايتمرن ولا ينسجم ولا يرسي على خطة لعب وفي النهاية ينطق زي السلام عليكم ..الطفولة السياسية البتمارسها معارضة يفترض فيها أنها من طراز عتيق جعلت مصيرها تنطق ثلاثة صفر على يد الإنقاذ ..وتوقع على السلام خالي شروط.
تغريدة: مرات تشوف كورة لمنتخبنا مع ساحل العاج مثلا ..تشجع المنتخب ويعجبك لعب الفيله..دا الحاصل بين المعارضة والحكومة. وهاردلك إنشاء لله البطولة الجاية نغلب أو على الأقل نتعادل

متي انضم الصادق المهدي لحوار الوثبة ؟.
نفترض بان الجبهة الثورية وبقية الأحزاب الاخري المعارضة وافقت بالمشاركة في الحوار فهل ستكون مخرجات الحوار متوافقة بين الطرفين في ظل مطالب المعارضة التي يرفضها النظام ؟؟.
كما إن الذين شاركوا في الحوار اغلبهم من الإسلاميين واحزاب لا تمثل ثقلا جماهيريا أو سياسيا ولهذا تسعي الوساطة الإفريقية لتشارك الجبهة الثورية في الحوار الوثبة .
في رأي الشخصي إن تشارك الجبهة الثورية في الحوار لتكشف زييف الحكومة وخداعها للمجتمع الدولي بهذه التمثيلية التي لن تفضي لشيء .
 
رد: "عاجل" مخطط لإنقاذ نظام السايكوباتي عمر البشير !!

هههههههه يا شيخنا القاليك زعلان منو..انت عندك أفكار معلبه جاهزه شكلك ..فكر شوية جيب من عندك

معلبة جايبه من دكانكم قال معلبة .
تفكير شنو يا ابو تفكير الموضوع لا يحتاج لجهد ذهني كبير .
لان مخرجات الحوار لن تفضي لسلام .
 
رد: "عاجل" مخطط لإنقاذ نظام السايكوباتي عمر البشير !!

يعني سبت الردود الجدية مسكت في المزحه..ما قلت ليك انت بتمسك في الفارغات

قبل كده قلت ليك ما تستعجل .
برضو اعتبر ردي مزحة .
 
رد: "عاجل" مخطط لإنقاذ نظام السايكوباتي عمر البشير !!

متي انضم الصادق المهدي لحوار الوثبة ؟.
نفترض بان الجبهة الثورية وبقية الأحزاب الاخري المعارضة وافقت بالمشاركة في الحوار فهل ستكون مخرجات الحوار متوافقة بين الطرفين في ظل مطالب المعارضة التي يرفضها النظام ؟؟.
كما إن الذين شاركوا في الحوار اغلبهم من الإسلاميين واحزاب لا تمثل ثقلا جماهيريا أو سياسيا ولهذا تسعي الوساطة الإفريقية لتشارك الجبهة الثورية في الحوار الوثبة .
في رأي الشخصي إن تشارك الجبهة الثورية في الحوار لتكشف زييف الحكومة وخداعها للمجتمع الدولي بهذه التمثيلية التي لن تفضي لشيء .

بقولو شنو الكضاب وصلو الباب ..وحبل الكذب قصير ..والحشاش يملأ شبكته ...كلامك دا يا سيد معناتها النظام دا بعبع كبير قادر على التملص ..ثم ثانيا ما في مكاسب بتجي دفعه واحده .. إلا في ياقروش حرام يادهب..أي مكاسب مهما كانت حققتها المعارضة من الدخول في ركب السلام ستكون كبيره ..والمستفيد والوحيد المواطن .
 
رد: "عاجل" مخطط لإنقاذ نظام السايكوباتي عمر البشير !!

المنطقي الوحييد المطلب رقم اتنين..
عدم تزعم النظام للحوار دا نزع الملكية الفكرية ياخ الزول الاخترع القنقليز بالشطة هسه لو عايش حيطالب بالملكية الفكريه ويفرض على إي حاجه فى الشارع بتبيع اكياس قنقليز بالشطة نسبة من الأرباح .
تشكيل حكومة انتقاليه/ارتحاليه/قومية/بنفسجية/سيكوباتيه ..ما في فرق ..في احتمال النظام يوافق على المصطلح بطريقة أو أخرى أن يوافق منفردا طبعا مستحيلة ربنا يعرضعها على لجان الحوار (حتى يبدوا مظهريا يعمل بشكل مؤسسي) في النهاية في حكومة انتقاليه في مهامها قد تختلف التسمية ...المهم الجبهه الثورية يوافقوا على السلام وادخلو الخرطوم بسلام آمنين دخول الفاتحين كما فعل الزعيم الراحل جون قرنق لانو دخولهم في السلام الفائدة التي سيجنيها الشعب أكبر من استفادة الجبهه والنظام والمعارضة

الجبهة الثورية تسعي لسلام عادل وليس سلاما مشروطا ومن قبل كان هناك اتفاقيات مع حركة مناوي لم تلتزم بها الحكومة واتفاقية مع الحركة الشعبية ايضا لم تلتزم بها الحكومة مما خلق ازمة عدم ثقة وعدم مصداقية من الطرف الحكومي حتي اتفاقية نيفاشا هل التزم بها النظام ؟
لم يلتزم النظام باتفاقية نيفاشا واطلق ابواقه العنصرية ودعم الاجنحة المعارضة للحركة الشعبية وهذا ما ادي لانفصال الجنوب .
كل ما يفعله هذا النظام كسب المزيد من الوقت لاطالة عمر بقائه في النظام ..
 
رد: "عاجل" مخطط لإنقاذ نظام السايكوباتي عمر البشير !!

بقولو شنو الكضاب وصلو الباب ..وحبل الكذب قصير ..والحشاش يملأ شبكته ...كلامك دا يا سيد معناتها النظام دا بعبع كبير قادر على التملص ..ثم ثانيا ما في مكاسب بتجي دفعه واحده .. إلا في ياقروش حرام يادهب..أي مكاسب مهما كانت حققتها المعارضة من الدخول في ركب السلام ستكون كبيره ..والمستفيد والوحيد المواطن .

ممكن تجيب حاجة واحدة صدق فيها هذا النظام ؟
النظام ده لو كان بعبع كان قضي علي الجبهة الثورية لكنه نظام يديره كذابون من رئيسهم لغفيرهم نظام قائم علي القمع والقتل ولهذا ليس لديه اي مصداقية
..
 
أعلى أسفل