ظاهرة انتشار السرطان في الشمالية ودارفور ونهر النيل

علي محمد علي

:: كاتب نشـــط::
انتشرت الامراض والاورام السرطانية بصورة مخيفة خلال السنوات السابقة بين مواطني ولايات الشمالية ونهر النيل ودارفور .. مما يثير كثير من التساؤلات ويضع مئات علامات الاستفهام ..
ماهي الاسباب
هل هناك نفايات نووية مدفونة في الصحراء الغربية
واذا كان من قام بذلك
واذا كان ايضاً ماذا فعلت الجهات المسؤولة لاحتواء اثارها او ازالتها
وهل قامت الجهات البحثية والرسمية بدراسة ظاهرة هذه الامراض وتركزها في مناطق محددة
وماهي الجهود المبذولة لاحتواء هذه الامراض وتوفير العلاج لها مع العلم وجود مستشفى وحيد في عموم السودان يعالج هذه الامراض --- مما يجعله غير قادر على الايفاء بالعلاج وفي الغالب يضطر القائمين عليه الى تقليل الجرع العلاجية من اجل ضمان توزيعها بين عدد اكبر من المرضى واحسب ان ذلك يتسبب في تفاقم المرض ..
 
الاخ علي

جزاك الله خيراً

وشفي الله امة محمد من هذا المرض العضال

وحمانا واياكم من هذا المرض الخبيث

وبعد

اتزكر في حلقة اسمها اطباء علي الهواء ( في تلفزيون السودان )

وتم استضافه اطباء معنيون بالاورام الخبيثه - وتم سؤالهم

لماذا تفشى هذا المرض في السودان بصورة خاصه في هذه الايام .

علي ما ازكر

اتفق الجميع علي ان هي ليست ظاهره بل ان الطب والاجهزه التى تكتشف المرض قد تطورت تماماً

عليه تم الاكتشااااااااااف والمسالة دي في دول كثيرة جداً بقت ظاهره وفي دول الخليج بالذات

ايضاً كترت .

اظن والله اعلم ان نوعية الاطعمه ونوعية الملابس وتدخل البترول في كل الصناعااااااات هو السبب .


ملاحظات تدعو للاستغراب :1- نوع من الشيكولاته مثل صباع المعجون كده وكبيره - ممكن تكون لاحظتها في الاسواق - بي نص ريال .
والكميه كبيره تعادل عدد عشره حبات حلاوه سعر الواحده ريالين ونص .

2- لعب اطفال في الاسواق - دون رقيب ولا حسيب - في كل الاسواق العربيه والافريقيه .

3- لبس الاطفال

4- المواد الحافظه بشكل عااااااااااااام .

5- كمية الالبان الموجوده في السوق دي - الغريبه لو البقره بتحلب 3000 رطل لايمكن ان تفي بهذه الكميات الموجوده بالاسواق -



ولي عوده .
 
هناك نفايات دفنت وهذه حقيقة فالطاغية النميري هو وذمرته من يتحملون هذا الوزر
 
كفانا الله واياكم شر هذا المرض الذي يعاني منه ناس كثر في ولايات كثيرة في السودان ولانعرفو اسبابه وتسلم اخي محمد


وشكرا
 
التعديل الأخير:
ياحلوين سلامات
في محاولة منا لربط المواضيع مع بعضها البعض
اليكم موضوع السرطان يفتك باهلنا والمجرم يستمتع


نقلاً عن المنتدي السياسي بالراكوبة

اخي ابراهيم تحيه وشوق لنتلاقي و للبلد الانته قاعد فيهو الآن .

عارف يا ابراهيم وبالدارجي كده احسن البوست ده من داك

هنا ممكن نستفيد منهُ شيئاً ونقدر ان نفهم شيئاً ولكن هنُك

لقيت ليك مافي اي مشاركة عن الموضوع من قريب ولا بعيد

الا مشاركتين عاملهم انته ( بدون مجامله ) وراجع البوست داك تلقاهو كلهوا

تبا لهم ووووو يعني اساءة خارج الموضوع خالص خالص

عليه هُنا على الاقل يمكن ان تجد احدً يكتب لنامعلومه نستفيد منها

او دعاء طيب لنا ووللمرضى كدعاء الاخت ام سمر بارك الله فيها .

وشكراً .

احترامي .
 
جمعتني الصدفه بدكتور تخصصه في المواد الغزائيه .

سألته واستفدتُ منهُ في معلومات اتني ان يستفيد منها الجميع .

قال لي الدول دي مقسمه في دول اسمها الكشرة او فأر التجارب هي دول المال .

كيف الكلام ده - قال لي يعني من الله خلقك شفت ليك فلفليه غير خضراء او بعد تنجض في امها خلاص لونها ينقلب احمر

قلت ليهً لا لكن ........ طوالي وقفني حسع انته شفته البرتقاليه والبنفسجيه والحمراء وووو قلت نعم

قال لي دي كُلها مواد كماويه بتلون المسألة دي وهي مودا مسرطنه

اها المعلومه الاكثر دقه - ان هذه الخضروات ممنوع بيعها تماماً في امريكيا وهي الدوله المصدره والدوله المنتجه لهذا النوع

من الخضار الملوووووووووون .

برسلوها هنا وبتتباع بي اغلى الاسعار في البداية حتى يتم تعويض ما تم صرفه في التجارب .

ونحن نشيل ونلغف اي والله بنفسجيه .


وقال لي اي حاجه نكتااااااااار فيها كلمة نكتااااااااار دي مُصنعه تصنيع اختاها

وقال لي

في دول كثيرة هُناك سوقين للخضروات سوق الخضروات بدون سماد او بي سماد طبيعي

وسوق للخضروات المسمده بسماد كيمائي

والفرق في السعر مابينهم غريب وعجيب .

لنا عوده .
 
سلامات
حقيقة العالم كله في الاونة الاخيرة وانتشار الانواع المختلفة من المنتجات الغذائية المختلفة والمحتوية علي مواد كيميائية؟ نعلم انها موجودة في العالم وفي السودان بنسب مختلفة؟ فهل من الممكن ان تكون هي سبب السرطان؟

انا بختلف مع الرائ البيقول نعم؟ لانو الفترة الزمنية صغيرة وهذه الاشياء ماليها فترة طويلة في بلادنا؟ اضافة لانو الولاية الشمالية مابتكون دخلتها كميات سببت هذا الكم من السرطانات؟

نقيف في نقطة انها من الممكن تسبب سرطانات؟ دور المواطن شنو؟ بي بساطة المواطن بيعتمد علي الدولة واجهزتها الراقابية؟ والمؤسف انو في بلدنا دي اجهزتنا الراقابية شاطرة في حتات محدده وفاشلة في حتات كتيرة؟
والراقابة علي المنتوجات الواردة خاصة الغذائية ضعيفة؟ ولا توجد لدينا معامل او معايير نعتمدها في عمليات الاستيراد؟
وكلنا بنعرف انو البلد ممكن تدخل فيها اي حاجة والرشاوي وعدم الزمة والضمير سمه من سمات الاجهزة الرقابية في بلدنا وجشع التجار بيخليهم يستوردوا لينا حاجات هم مابيعرفوها ولا البيسمحوا بي دخولها بيعرفوها او بيعرفوا هي من الممكن تسبب شنو؟

المنتجات دي سرطاناتها ماظهرت لسه وحتظهر علي الاجيال الجاية من اطفالنا في الخرطوم بصورة كبيرة وفي الولايات الاخري بصورة اقل؟

وبنرجع لسبب ظهور السرطانات في ولايات السودان المختلفة مرة تانية
 
اخي ابراهيم تحيه وشوق لنتلاقي و للبلد الانته قاعد فيهو الآن .

عارف يا ابراهيم وبالدارجي كده احسن البوست ده من داك

هنا ممكن نستفيد منهُ شيئاً ونقدر ان نفهم شيئاً ولكن هنُك

لقيت ليك مافي اي مشاركة عن الموضوع من قريب ولا بعيد

الزول سلامات
انت عارف مرات بتلقي مواضيع وبتلقي انك ادليت بدلوك فيها ومافي داعي تكتبها من تاني
وموضوع سرطان الشمالية ده انا اتكلمت فيه كتير من خلال يوميات كيمتاوي (قبل التهكير) وفي بوست كان عن سرطان الشمالية برضو في المنتدي العام (برضو قبل التهكير)

وياريت كل زول بيتزكر موضوع مشابهه ل موضوع مفتوح في المنتدي يرجع ويجيب الرابط عشان نقدر نربط المواضيع مع بعض؟ ونستفيد من النقاش
 
يا زوول ,,,,, برضوا تبا لهم من تسببوا في انتشار السرطانت في بلدنا الجميل ده
 
الزول سلامات
انت عارف مرات بتلقي مواضيع وبتلقي انك ادليت بدلوك فيها ومافي داعي تكتبها من تاني
وموضوع سرطان الشمالية ده انا اتكلمت فيه كتير من خلال يوميات كيمتاوي (قبل التهكير) وفي بوست كان عن سرطان الشمالية برضو في المنتدي العام (برضو قبل التهكير)

وياريت كل زول بيتزكر موضوع مشابهه ل موضوع مفتوح في المنتدي يرجع ويجيب الرابط عشان نقدر نربط المواضيع مع بعض؟ ونستفيد من النقاش


اهلين ابراهيم - معليش انا فكرت انك كنت داير تتمدح الموضعين في موضوع واحد . نأسف لعدم الفهم الصحيح للمسألة .


لكن اها شوف التهامي مشاركته

يا زوول ,,,,, برضوا تبا لهم من تسببوا في انتشار السرطانت في بلدنا الجميل ده



نعم يا التُهامي تُباً لهم ولكن هل تُباً لهم بس ده الحل ولا نحن هنا نشوف لينا حلول تكفينا شر هذا المرض ونناقش الامر

بصورة جيده - شوف ابراهيم هناك قال ليك شنو

في العاصمه بصورة اكبر والاقاليم صوره اقل

ليه عشان العاصمه هي السوق الكبير واي شىء متوفر فيها وخاصة حلاويات الاطفال دي ولعبهم

ياخي حلاويات مُصنعه من البترول وما في السودان بس امشي اي بقاله في الدولة الانته فيها ان كنت مغترب شوف فيها شنو عدا الدول

الكُبري .

فلازم نحن كمواطنيين نحارب الحته دي

وانا في راي الشخصي يتم محاربتها بالوقوف من شراؤها .

اشتروا ياناس برتكانه واحده وقسمها لي عيالك ولا تشتري بي سعرها 20 قطعه حلاوه هي بترول في بترول

يعني زي القاعدين نأكل عيالنا ديل بلاستيك في بطنهم

البلاستيك ده بكتل الغنمايه في يوم والتاني .
 
ياشباب سلامات
انو الناس تحارب المنتجات البيتم تصنيعها وما معروف هي مصنعة وين وكيف؟( وده بيظهر ليك من السعر بتاعها)؟ ايوة ده كلام جميل بس:
هل انتوا بتتفقوا معاي في انو الشعب بتاعنا اغلبة ما مثقف؟ يعني جاهل بالتفاصيل بتاعات التصنيع والمواد المسرطنة والاشياء بتاعت الحماية دي

ده بيعني انو لو قلنا علي المستوي الشعبي احنا محتاجين انو العملية دي بطريقة فردية مابتجي؟ يعني مفترض تتم محاربتها بواسطة منظمات وجمعيات تاخد علي عاتقها انها تثقف الناس وتوريهم المخاطر دي علي مستوي الاحياء السكنية والمدارس والاندية وه شغل كبير وصعب انو يتكم بطريقة تعم كل البلد

الحل الامثل في الدولة؟ بمعني انو تكون في جهات رقابية في البلد تقدر تحدد معايير الحاجات البتدخل السوق؟ لانو المواطن في ذمة الدولة؟ وده بيخلينا نتكلم عن الاجهزة الراقابية علي مستوي الدولة؟
السودان قد يكوزن خطير في الشغل بتاع الحاجات والمشاكل الغير علمية؟ بمعني الرقابة علي الصادر والوارد علي مستوي الجمارك السودانية وانا بشهد للجمارك في كتير من الحاجات وحصلت معاي شخصيا؟

لكن الجهات التانية حدث ولا حرج؟ كل دول العالم اي حاجة داخلة البلد لو لم تكن مسجله لديهم مابيدخلوها؟ وحتي دي بيتم اخذ عينات منها وتحليلها؟
بالنسبة للمواد الاخريس الغير معلومة المصدر بيتم حجزها في الاول وتخذ عينات وتحليلها وبعدين تدخل

افتكر كلكم بتتفقوا معاي انو السودان بلد ممكن نعمل فيها اي حاجة؟
بلد الواسطة والرشاوي مستفحله فيها بطريقة غريبة؟ يعني ممكن تجيب اي حاجة ومن الممكن تمر وتدخل البلد بدون مازول يحس وتنتشر في الاسواق (ممكن التاجر زاتو مايكون بيعرف انها مضرة)
الناس البيسهلوا
خول الحاجات دي ماعارفين مضارها (انا علي ثقة انو زول حر مابيرضي يعمل علمية زي دي للاطفال) وبيتموا العملية ارضاء لشخص او بياخدوا نصيبهم من الصفقة وبرضو ماعارفين؟

الحل وين انو تتم توعية علي مستوي الاجهزة الرقابية ويتم تنبيههم لانو في مواد مابيسمحوا بي دخلوها البلد لانو ممكن تكون مضرة ودي بتمثل خطورة كبيرة للاطفال ويورهم كيفية التعامل معها؟
وفي نفس الوقت علي مستوي المجالس المحلية والمدارس بيتم تعميم الكلام ده بعد عمل تحليل لبعض العينات لكن ده ماحيحصل في بلادنا مافي زول حيحلل ولافي زول حيفتش حنفضل نتكلم في النت وبس وصوتنا حيروح
 


في العاصمه بصورة اكبر والاقاليم صوره اقل

ا .

يا زوول ,,, صباحك سعيد,,,,

النسبة اكبر في العاصمة لانها المركز الوحيد الذي يتوفر فيه العلاج الكيميائي بالاضافة لودمدني ... يعني العندو سرطان في الفاشر ولا دنقلا ولا طوكر ولا سنجة لازم يجي الخرطوم ,,, وبرضو دا بندرج في خانة الاهمال الحكومي لهذا القطاع ,,,,
 
يا زوول ,,, صباحك سعيد,,,,

النسبة اكبر في العاصمة لانها المركز الوحيد الذي يتوفر فيه العلاج الكيميائي بالاضافة لودمدني ... يعني العندو سرطان في الفاشر ولا دنقلا ولا طوكر ولا سنجة لازم يجي الخرطوم ,,, وبرضو دا بندرج في خانة الاهمال الحكومي لهذا القطاع ,,,,

التهامي انت مرات بتتكلم عن مسلمات
يعني في حاجات بتدين الحكومة والكل عارف وتاكد انو العلاج والتعليم والمواصلات (البنية التحتية ) هي مسؤولية الدولة واي قصور بيكون ضمنياً للدولة
وكلامنا القلناهو فوق ده في النهاية هو مسؤولية الدولة قطع شك ومافي زول غيرها بيعمل الحاجة دي؟ وهم المسؤولين عن موت اي شخص نتيجة لعدم توفر العلاج

لكن احنا كلامنا الفوق ده كان انتشار السرطانات في الخرطوم نتيجة لانو هي البلد فيها قروش والنسبة الكبيرة من السكان وده بيخليها عرضة لدخول اصناف واشكال من المنتوجات الغريبة


بالنسبة للمراكز في مركز في مدني والخرطوم وقريبا مروي؟ انا معاك دي مشكلة كبيرة خالص انو القطاع الصحي تحول لي تجارة وبدات الدولة تتنازل عن اشياء كتيرة فيه؟ والادهي والامر في بلادنا انو الخدمة المدنية فيها ناس ليست لديها المعرفة التي تتواكب مع العصر الحالي والثورة والطفرة الموجودة في العالم
حتي المتعلمين بتلقاهم برة الزمن وقدام من زمن حفروا البحر يعني احنا لسه محتاجين زمن طويل وده دور الحكومة في انها تنهض بالقطاع الصحي وتواجة السرطانات كحقيقة وتضع مخطط بعيد عن المحسوبية وتنفذه عشان نتغلب علي المرض ده ولازم تضع في بالها انو احنا في بلد مترامي الاطراف
 
الاخ علي

جزاك الله خيراً

وشفي الله امة محمد من هذا المرض العضال

وحمانا واياكم من هذا المرض الخبيث

وبعد

اتزكر في حلقة اسمها اطباء علي الهواء ( في تلفزيون السودان )

وتم استضافه اطباء معنيون بالاورام الخبيثه - وتم سؤالهم

لماذا تفشى هذا المرض في السودان بصورة خاصه في هذه الايام .

علي ما ازكر

اتفق الجميع علي ان هي ليست ظاهره بل ان الطب والاجهزه التى تكتشف المرض قد تطورت تماماً

عليه تم الاكتشااااااااااف والمسالة دي في دول كثيرة جداً بقت ظاهره وفي دول الخليج بالذات

ايضاً كترت .

اظن والله اعلم ان نوعية الاطعمه ونوعية الملابس وتدخل البترول في كل الصناعااااااات هو السبب .


ملاحظات تدعو للاستغراب :1- نوع من الشيكولاته مثل صباع المعجون كده وكبيره - ممكن تكون لاحظتها في الاسواق - بي نص ريال .
والكميه كبيره تعادل عدد عشره حبات حلاوه سعر الواحده ريالين ونص .

2- لعب اطفال في الاسواق - دون رقيب ولا حسيب - في كل الاسواق العربيه والافريقيه .

3- لبس الاطفال

4- المواد الحافظه بشكل عااااااااااااام .

5- كمية الالبان الموجوده في السوق دي - الغريبه لو البقره بتحلب 3000 رطل لايمكن ان تفي بهذه الكميات الموجوده بالاسواق -



ولي عوده .

الزول
تحياتي
المبررات الطبية مقبولة
ولكن في مثل هذه المواد المستوردة اين دور المواصفات والمقاييس منها

الاجهزة الاعلامية شغالة افراح افراح وفطور عريس وفأل هدية لي صاحبات العروس
لامن كرهونا العرس
وناسية دورها في التوعية والقضايا التي تهم الامة
 
هناك نفايات دفنت وهذه حقيقة فالطاغية النميري هو وذمرته من يتحملون هذا الوزر

تهامي
لا احد يستطيع الجزم بالنفايات المدفونة
ولكن فعلاً هذه المسألة اثيرت خلال محاكمة مدبري انقلاب مايو
 
أعلى أسفل