صَمَتَ الأغنام

الخاتمة :
عندما يكون الحاكم غبياً يظل في الحكم طويلاً بأرادة كهنة الدين المنتفعين ! ولكن ماذا عن المحكومين !!!!!
 
متْن الحديث

إِذَا كَانَتِ الدَّابَّةُ مَرْهُونَةً ، فَعَلَى الْمُرْتَهِنِ عَلَفُهَا ، وَلَبَنُ الدَّرِّ يُشْرَبُ ، وَعَلَى الَّذِي يَشْرَبُهُ نَفَقَتُهُ ، وَيَرْكَبُ
( حديث )
 
انا غايتو جهزت ( البنبر ) + جك الموية بالاضافة الى كيس التمباك الكبير ..
منتظرين ..
 
إمتحان علي الطريقة الصينية :

: "إذا كانت سفينة تحمل على ظهرها 26 رأسا من الغنم و10 من الماعز، كم يبلغ عمر ربان السفينة؟"

كم
 
إمتحان علي الطريقة الصينية :

: "إذا كانت سفينة تحمل على ظهرها 26 رأسا من الغنم و10 من الماعز، كم يبلغ عمر ربان السفينة؟"

كم

السؤال فى حد ذاته جميل وعميق ويجعل الاجابه عليه اجمل رغم انه لا توجد اجابه حقيقية ولكن يأتي الجمال في التفكير والخيال
 

صَمَتَ الأغنام

قال حكيمنا ... ماااع هي صوت الغنماية لا تصدرها دلالة الجوع فقط بل هي مرادفة لكلمة ( سجمي ) عند الإنسان حصل هذا في الحاج يوسف , والحته دي نسميها بعرف السياسة هامش الهامش .

جات ال ماااع بتاعة الغنماية بعد تجفيف الكوش من أكياس البلاستيك وعدم وجود كرته (رغيف) , وإنعدمت في البيوت بواقي الكسرة, وتانياً مطاردة عباس الجزار ودي حاجة حارة شديد .. وفي الحاج يوسف تلاته جزارين ... عباس الجزار, خضر الجزار , وعمرالجزار ,, اتنين بيشتغلوا شبه رسمي واحد منهم بيضبح كيري ساكت وده المجنن الغنم .
 

اجتماع ضل الحيطة
وبعد هذا الجو من قرار منع الأكياس وعدم وجود كرتة رغيف او كسرة بايته ومطاردة الجزارين إتلمن غنم الحلة في ضل حيطة قديمة وقالوا يا أخوانا دي ما حالة الخرفان المعلفة بالبرسيم دي اسعارا طالعة السما ونحن ما لاقين حاجة نسد بيها المصران وكمان مطاردين كل يوم من شارع لشارع ومن ضل حيطة لحيطة !!! لابد من نرفع صوتنا عشان الناس تحس وتتحرك يرضيكم كده!! بكرة والله ما تلقوا غنماية حايمة , والناس دي لحم كتوفهم من لبنا ولو وصل الامر نمشي للحكومة ونرفع مذكرة لا لأنقراض الغنم يا سجم .
 

البرسيم دخل الحوش
.. عنوان الإجتماع التاني ودعي إلية كبير التيوس (افطص تك ) وهو تيس ولا كل التيوس مهاب عفن عريض الفكين طويل الرجلين قصير الأذنين غير منقاد ما بيعرف هزار الاولاد عارف نفسو لا بينضبح ولا بينطبخ ولو دخلت مجاعة سنة سته ... بدأ كلامة بلبلبة تيوس وعرج علي خطر إنقراض الغنم في الزمن السجم وزمن المشاريع الوهم . ونوه ونبه لشد صفوف الغنم وحذر من الطابور الجائع والعتوت المتهور والغنماية العويرة والتيس الغريب , وختم كلامه بأننا لن نكون بعد هذا كالخرفان وأسيادنا منتظرين المعارض الجبان وفتنة الجداد العميان . ومسح دقنه بلسانه الأسود وحمد لريحته الفايحة وقال يا غنم لابد من الخروج في (مقاهرة ) هادره موعدنا الميدان .
 

ماذا قالت الصحافة
انفض اجتماع ضل الحيطة و كان بينهم مندس خسيس ما أنتبهن الغنم لوجودو او ما أدوهو اهمية كونو عتوت ايامو قليلة مع غلا لحمة الضاني .. عتوت السجم سجل كلام الغنم ووداهو لواحد من ناس الصحافة الخضراء .. اليوم التاني نزل مانشيت عريض في الصفحة الاولي ,,,,,,, هل تنزل الاغنام الي الشارع .... وفي أخري .. ماذا تريد اغنام السجم من الناس الوهم .. وكتب رئيس التحرير تحت عنوان .. عنزان في الميدان .. وقال فيه ما لم يقله المنكوب صاحب المركوب في فصل الشمال من الجنوب .. وفي آخري .... الصهيونية تأجج المشاعر نحو غنم الشارع ,, وتم تناول الموضوع بصورة اوسع في الميديا وكثيراً منهم كانوا من محبطي الهمم وثلة من دجاجات مدجنة رسمت بأقلامها حنة العروس وكتبت حكمة اليوم (إن لصمت الأغنام حكمة )
 

المسيرة المليونية
وبدأت المسيرة يتقدمهم التيوس وكل غنماية تحمل كيس نايلون كتب عليه نأكل مما تصنعوا وتشربوا السم الهاري .. وإتجهت المسيرة الي كافوري سابقاً وحوش الحرامية لاحقاً وغنماية عشة العويرة المشهورة بشراب بواقي الببسي تكورك باعلي الصوت نشفتوا الدنيا ينشف ريقكم ادونا الببسي ادونا الببسي . . وبقية الغنم تكورك وراها بأصوات متناقمة سننقرض سننقرض بدل لحم الغنم اكلوا القرض ,والتيس ( افطص تك ) يشير بأنفه الي مواصلة المسيرة وها هي قد قطعت الترعة وكانت المفاجأة تلاحم غنم حلة كوكو مع غنم الحاج يوسف في بداية ما يسمي قديماً بكافوري وحوش الحرامية حالياً كما جاءت تعزيزات من الدروشاب وما جاورها بوفود وخطابات تعاضد و من اقصي جبل اوليا وكلاكلاتها ولفاتها أتت جنود من فتيان التيوس إنشق لها النيل لتعبر الي الضفة لتنضم الي اغنام الجريفات , فحمي الوطيس وطار الغبار من تحت أرجل الغنم وزاد الهتاف والمأمأة . وصاح فيهم تيس علي ما أظن من حلة كوكو من المهجنين او من المندسين وقال : نمشي للضل البارد ويقصد المبني الفخم المشيد وسط الحوش وبدأ الزحف ,,, إذ بالكلاب الضالة والحمير المطلوقة مدججة بالمخالب والحوافر تقف صف متحفزة للقتال .
 

الحرية ... أو الزريبة الأبدية
توجس الغنم خيفة من البلاطجة الحمير والشبيحة الكلاب ومن خلفهم اكوام من العلف والبرسيم الأخضر وبدأت بعض الغنم ذات النفوس الضعيفة تستجيب وتشق الصف وتتجه نحوها رغم صياح التيوس بأنه فخ وشرك ,, و ( افطص تك ) يقول اصبروا وصابروا علي اكل الاكياس والورق خير من برسيم الناس الوهم .. عملت مخالب الشبيحة الكلاب في اجساد الغنم أخاديد ورغم ذلك صبروا علي الأذي أن يأتيهم المدد الكامن في أجسادهم الغنمية فإكتسحت الأغنام الميادين والساحات والطرقات وفر الطغاة آكلي اللحوم الغنمية وهي تجر أذيال خيبتها وتكسرت زرائبهم المعدة لحبس الشرفاء من الغنم ..
هكذا يظن كل أفاق جبار بأن صمت الأغنام خنوع وذلة .... وكان المخذلين يقولون إنهم مجرد أغنام سيعودون الي الزريبة او حدهم سكين الجزار وموائد الطفيلين >
 

الرسالة الاولي: الغنم طلعت وينكم

الرسالة الثانية :
ANA MNKOM:: مُـشــــــرِف ::
ابوها من معارضة
نظام مقنطر وشارع مهيأ للخروج والانفجار لا يحتاج لكل هذه المسرحيات الجبانة التي تنفذها المعارضة ...
ميدان الشعبية شنو وزفت شنو القصر ما شايفينو!!


Ana Mnkom, ‏الخميس في 12:09 مساءاً
 
متطلبات المرحلة المتقدمة :

خزنوا الدرة (عيش الفتريته العديل) لو قلنا (الذرة ) حيقولوا مخزنين اسلحة دمار

الكسرة البايته لا ترموها طبعاً الرغيف معدووووم

قشر الفواكه (الفاكه البلدي) زي قشر البتيخ والشمام (تحميرة زي الشبس مجرب)

العناقريب القديمة لا تجدعوها

فيها الحبال تتلايق مع الويكة بديل الشرموط والماجي طبعاً اللحمة مافي

خشب العنقريب وقود بدل الغاز والفحم

خزنو شوية فول مصري وسوداني الفول المصري عشان

قدرة عباس بتاع الدكان لأول مرة حتكون مافي قدام الدكان

والفول السوداني عشان تتسلو وتضيعوا الوقت لا في تلفزيون ولا واتسب
 
ما تغيب يا خزين كويس
ياود الشريف ياحبيب وكل الأحباب الغياب غصبا عني لأن الفيسبوك جنني وأخد عقلي وصاحب بالين كداب لكن سأبدا من اليوم ياود الشريف بعدين داير الجد الحمام من ماطار الحماسه هبطت شتتنا القمح مانفع العيش مانفع موية السكر برضو مافي فايدة اتصلنا بالعريبي عشان بيعرف المدودراه برضو فشل طب نعمل شنو ياود الشريف.
 
ياود الشريف ياحبيب وكل الأحباب الغياب غصبا عني لأن الفيسبوك جنني وأخد عقلي وصاحب بالين كداب لكن سأبدا من اليوم ياود الشريف بعدين داير الجد الحمام من ماطار الحماسه هبطت شتتنا القمح مانفع العيش مانفع موية السكر برضو مافي فايدة اتصلنا بالعريبي عشان بيعرف المدودراه برضو فشل طب نعمل شنو ياود الشريف.
يا الخزين عليك الله بطل الحركات دي وأبقي جادي خلينا نرفع راية الراكوبة
بقدر قليل من المواضيع .
 
أعلى أسفل