صديق محمد طه «بهجةالأيام»

ضى القمر

:: كــاتبة نشــطة ::
الشاعر صديق محمد طه
بهجة الأيام

بهجة الأيام تصافى وقمة الآلام تجافى
وعن عيونك ياحبيبى ماب تعوضنى القوافى

ياضرايا المافى وينك من زمن نضب إصطبارى
والسفر كملت زادو وانت ماعد فى إنتظارى
السراب اصبح بساطى وتوجت عطشى الصحارى
وشويمت فوقى الدرادر وزفة الايام ودارى

كنا فى يومداك احبة يا بعيد لو كنت فاكر
كنا سابحين فى الامانى بالحنان والمرفأ باكر
شلنا شوق الدنيا كلو وبات صدى الفتنا ظاهر
فجأة قمت رحلت عنى وابيت لى بالأسباب تجاهر

قولى وين جنة وعودك وين تلاقيك وانسيابك
وكيف حنان الروح وجودك عد فوق الصدر سابك
وسابنى فوق قيف لهفة باكى شاكى من نيران غيابك
وحالتى كلى وفاء ومحنة وريدة فى خضرة شبابك

غاب معاك سعدى وهنايا وعشت من بعدك ضياعى
وقلبى ما القلب البعاتب ما العتاب ماليهو داعى
يا العلى صعب وداعك وهان عليك يومداك وداعى
وما جنيت غير انى ردتك ولامس الاشواق يراعى

القلب يقنتو منك وإحتفظ بالذكرى بالى
لو تعوض قلبى عنك او تقصر لى الليالى
وقدر ما طالت بى آهة فوقة عليت إحتمالى
الا صوت أشعارى لاها وإستجاب غناك خيالى

وإنت مافى ...
 
أعلى أسفل