صالح فرح صالح «حلم القوافي»

ضى القمر

:: كــاتبة نشــطة ::


إنتى ياحلم القوافى احلى منك تانى مافى
نيل وخضره يزينوكى ولون رمالك تبر صافى
***
انتى ساكنه الناس معزه وليكى غنى خليلنا عزه
فيك نيل ساقينا عزه زاد جمالك طعم ولذه
وليك مهيره لما تنده كل سيف بتطوله هزه
وكنتى للتايهين مرافى
***
جمالك انتى يابلدى حضارة بتحكى امجادك
نبته ومروي ارض الخير ممالك ساده اولادك
سيوف ترهاقا والمهدى شموس بتضوي ميلادك
ايام تاريخها ماخافى
***
الا مهيره ياحليها جات مكسورة الخاطر
جات والدمعه فى عيونها جات فى ظلمه بتخاطر
خايفه الموج يشيل الريد خايفه عليك من الحاضر
يمزق ليلك الدافئ
***
تعالوا عشانها نتسامح نمسح عنها الاحزان
نمد ايدينا نتصافح شمال وجنوب نعيش اخوان
تبقى بلادنا قبلة خير وتبقى الدنيا هى السودان
ويقى النيل عسل شافى
***
 
أعلى أسفل