صالح عبدالسيد أبو صلاح «لو تجازى ولو تسمحي»

يوسف عوض الباري

:: كـاتب نشــط ::
#1
لو تجازى ولو تسمحي

لو تجازى لو تسمحي .............. منى ريدك ما تمحى
***********
بى خيول الشوق ارمحي ............ واردي دمعي البطمحى
بس عشوقك لا تــقمــحى ............ بى طريف العين المحي
***********
تمسى بهجة ونور تصبحي ........... وفى قلوب الناس تربحي
خــلى القـلب البتنبـحـــــــى............. وهاك نوم العين اضبحى
***********
مــن عيوني بتروحــى ................وفى قلبي بتســــوحــى
برضي فاهم سر الوحي .............الفى حـــواجبك يتلــوحى
***********
من سهــامك تتراشحى............... وزاحمي كشحك اكشحي
خلقه عرقك مسك ارشحى..........والنســيم بالطيــب كشحي
***********
كيف خصيمك بتمدحى.............. وكالحــمــائم بتصدحــى
كيف عزولك لا تردحى.............. وأنت جنة ونار تقدحي
************
بالمـــــبنة البترزحى .....فكـــرى مالك بتزحزحي
عن عزولك لا تفصحي...........وبى سهام الدغس الفحى
************
خلى دمعه يسيل طفحى ............وبالغرام غطى ولفحي
يازهيرة الروض فتحي ............والنسيم بالطيب كتحى
***********
العزول المــا بســـتحى ..........بى سيوف العين نتحى
يا الحمامة البتصـيحى ........... وبى فروعك بتميحى
***********
لا تحرقي الجوف ريحى ...........وشوفي دمعي البتسيحى
من غصونك ما بتبرحى ..........يوم تبـكى ويوم تفرحي
***********
في المطيرق بترجحى ............وبالنســـائم تتمرجـــحى
لا تفرى ولا تسرحى ............هاك قليبي البتجـــــرحى
***********
تابعي فن الحب تنجحي ...........كان صدقت وكان تبجحى
المـــــبكم بتنصحــى.................وبى نغيــمتك بتفصحـــى
***********
جيبى عقلى الطاش انصحى ...........كــان مغيب والان صحى
***********


من اغانى ابوصلاح التي سكب فيها دموعه أغنية لو تجازى أو تسمحي وهى أغنية غير مشهورة سجلها الفنان بشير الرباطابى سنة 1928 بالربابة ومعه ابن عمه احمد عبدالله ككورس ... وبشير الرباطابى هو أول فنان سوداني سجل على اسطوانات لأنه كان موجودا بمصر في ذلك الوقت بينما الفنان عبدالله الماحي هو أول فنان يسافر من السودان إلى مصر لتسجيل اسطوانات وكان ذلك في العام 1928 بواسطة التاجر نيكولا كاتفانيدس وهو والد ديمترى البازار.. ومن الاغانى التي سجلها بشير الرباطابى بالإضافة إلى أغنية لو تجازى لو تسمحي أغنية اشتياقي وهجرك حرام وكذلك أغنية وسطا ضمر واتهادى وأغنية فريع البانه المن نسمة وهى من الحان سرور وهى الأغنية الوحيدة لابوصلاح التي لحنها الحاج محمد احمد سرور....وجميع هذه الاغانى من كلمات ابوصلاح

منقول
 
#2
الاخ يوسف كل الشكر والامتنان لهذا الابداع
حقيقه اول مره اقراء هذه الكلمات الجميلة لقد سمعتها مره فى سالف السنين
لك الشكر
فى انتظار الجديد الغير مسموع
تشكراتى
وقيع الله
عضو جديد
 
أعلى أسفل