شموخك غابة الأبنوس وكت تمتد شجيراتو { موسوعة أغاني الطنبور }

ضى القمر

:: كــاتبة نشــطة ::
وطن أبنوس


شموخك غابة الأبنوس ... وكت تمتد شجيراتو

وصباحك يا حبيبنا شموس ... منوِّرة فينا طلاتو

ونضالك فيهو أحلى دروس ... وكت تتهادى موجاتو

وطن فيهو الأماني عروس ... معاني العزَّة ساحاتو

وطن باش أصلوا ماهو عبوس ... وطن ما أحلى ضحكاتو

وطن لا أمريكان لا روس ... بهزُّوا طرف شعيراتو

وطن في الحارَّة يقطع موس ... رجالو علي بنيَّاتو

وطن بين الدول جاموس ... بيقدل بين بقيراتو

وطن لي عشقوا نحن نكوس ... ولا هامَّانا عتراتو

ولي أعداهو نحن ندوس ... ندافع ونحمي حرماتو

نبدِّد ظلمة الكابوس ... نبشِّر فوق مهيراتو

ويبقى وطنا هو القاموس ... ونحفظ ديمة كلماتو

نشيل من حنُّو لينا لبوس ... ونهدي وطنَّا بسماتو

لأنُّو هواهو جد مغروس ... مباركة وطيبة واطاتو

وطن نفديهو أغلى نفوس ... ونمسح لي دميعاتو

وطن ما بتمشي فيهو نجوس....عظيمة وعالية بركاتو

هواهو الفي القليب متروس... بحبُّوا وأحب وليداتو

نزح كل البجيب السُّوس ... وينخر في عضيماتو

ونصبح ديمة ليهو تروس...موشحة ضي مساماتو

يكون فينا الوطن محروس ... ترفرف فوقنا راياتو

ونخلي عدونا هو المنحوس ... ونسعد نحن جواتو

يمين للمولى ماهو غموس ... يمين صادقات عباراتو

عشانك ما بتغلى نفوس ... ولا بيرهبنا بوش ذاتو
 
أعلى أسفل