سيف الدين محمد الامين «الدنيا ليل»

ا

ابو نمر

Guest
الدنيا ليل ،، وانا ليلي ديمة علَيْ يطول
أنا من وراك جسمي العليل صابو النحول
أنا كلُّ يوم لُمّان يمُر يبقالي حول
والحول ده كلو سواد وليل
واقعد مصنقِر زي مريض صابو الذهول
والليل ده ذاتو مِتِل خلاص حاربو الدليل
مرة السحاب يملا السما ومرات يزول
والنجمة دي المن تالا أطراف السحاب تحلف تقول
زي حالي محزونة وتنوح دايري النزول
مجدوعة فد ويحيدي من دون النجوم متل الذليل
تحكيهو حالاً بيّا كم هدّالي حيل
وقليبي تاني على العليهو صِبح عليل
أنا عارفو كتّر في الشكيِّي وكالا كيل
بس أعذريهو ولا تحَسْبِيلو اليقول
ما اصلو من بعدك خلاص اصبح دفين
محزون يلاهي وديمة ذاكرِك كل حين
يلقى الوجود حد ما اتلََفت من حَولو راقد كوم حزين
ما عندو بس غير انو يسأل " سومة" وين
والراس ده دايماً لمّا يلعبُّو الصُّداع
تلقيهو بس يسكت يدوِّر في صراع
كايس أناملِك كم سأل في التياع
يا حليل ليالينا المَضَن فات ضن سِراع
تشكي الدروب يا "سومة" حِزنت بالوداع
والكون ده اظلم كلو حتى ولا شعاع
واسّع دحين طوّلتَ في بحر الضيا
أبحرتَ فيهو زمن طويل من غير شُراع
بس كيف اقضِّي العيد ده في بحر الضياع​
 
أعلى أسفل