سمؤال إسماعيل والي «قلب حزين»

ضى القمر

:: كــاتبة نشــطة ::
قلب حزين


ياحتة من قلبي الرهيف

مسكونة في جوايريد
مشتولة فكرة حب عفيف
والحب معشعش
في الوريد

لكن محال أنساك أنا
يا العشتي في جواي ريد
انا داير أكتب ليك كلام

يا قاسية يا أم
قلباًحديد

أنا شلتو ريدك في دماي
طوعت ليك قلبي العنيد
وفتحت ليك احضاني شوق
ضميت هواك

الكان بعيد

وأديتك القلب اللي كان
لا بعرف الحب لا بريد
وفرشت ليك درب الوصول
بي كل جميل

وكل جديد
وانا كنت بحلم أكون معاك

إنسان مرح أنسان سعيد
أبني القصور من الرمال
والموجه تهدم
ما بنيت


ما أصلو قلبك ما معاي
لا يوم عشق لا حن ريد
لكن غلط حبي ليك
وايضاً غلط
حبي الشديد

ومحال أعود أنا لي هواك
لو حتي روحي تفوت بعيد
لو حتي دنياي تكون ألم
والحزن يصبح
ليا عيد
 
أعلى أسفل