سمؤال إسماعيل والي «خيال مجنون»

ضى القمر

:: كــاتبة نشــطة ::
#1
خيال مجنون

أنا ريدي ليك حفر القلب قلَب مداخلو وفتَشا
هبَش مسارب الروح جواي سطَر حروفو ودوزنا
رقَص مشاعري هوي وطرب نقرَش وتر حبك غنا
وإتنفسك شهقات أنين يا طالعة من زمن العنا
يا كاسرة حاجز المستحيل يا شاربة من كاس الهنا
يا شاردة نافرة من الوجع إرتاحي في جواي هنا
***
يا رحلة طالت من سنين مشتولة في الوجدان هوي
ممزوجة فكرة وإحتمال وخيال مسافر في المدي
**
أنا ريدي ليك زي مستحيل يا واقفة ما بين السطور
يا مارقة من جوف الألم يا واضحة زي الشمس نور
يا نسمة هبت في سماي شايلة الدعاش ريحة وبخور
انا ريدي ليك كمان براي لا فيه غش لا فيه زور
***
أنا ريدي ليك ما بتوصف بي كلمة او بعض الحروف
لكنَي مشحون بي الغرام ساكن جواي زولاً ولوف
**********
دايماً بسافر في الخيال وأتمني لو أرحل بعيد
وألقاك هناك ما زي هنا حورية من عالم جديد
منسوجة في قلبي الرهيف ممزوجة في دم الوريد
مغسولة بي الموية الطهور زي غيمة ما بتطولا إيد
**********
بتمني لو ألقاك هناك يا شاردة من زمن الخداع
يا راحلة في موج العفاف متلفحة الأخلاق قناع
*****
تتوسدي الحب الشفيف تتنفسي الغيم والضباب

وأسقيك من مطر الرزاز أرويك من أطهر شراب
وتشوفي كيف ريد الغيوم بي شوق تقالد في السحاب
ما الحب هناك ما زي هنا الحب مقدس يا صحاب
حتي الأرض تطرب فرح تخضَرَ من بعد اليباب
ويتوشح الفضا بي الجمال يرسم خطوط الطيف خضاب
***
شوفي النسيج يا حلوة كيف ما اللوحة أجمل من خيال
لا فيها أحزان لا ألم والغش هناك ما ليو مجال
بتمني لو نقدر نحب حب العفاف حب الكمال
والريدة ريدة روح تكون ونعيش علي أنبَل خصال
وأنا حبي ليك ما بتوصف خلاني أتخطي المحال
وأرحل مع الغيم الهناك وأسرح مع الفكرة الخيال
 
أعلى أسفل