سمؤال إسماعيل والي «آه يا وطن»

ضى القمر

:: كــاتبة نشــطة ::
#1
آهـ ياوطـن

آه يا وطن
يا طيف مسافر
في جواي عشعش سكن
ياكا السكن
لما الجراح تنهش
ضلوعنا من الحزن
لمن نتوه
في فكرة الحلم الفسيح
حرية كاملة بلا قيود



ما نحنا عشاق الوطن



*** ***
نتوسد الاحلام فراش
نتغطي بي الأمل إنتعاش
يا بكرة أهلاً يا غداً
أطفال بتحلم بيك كتير
وحشاها دندن بي هواك
ولسان بردد أغنيات::
وطن الجدود نفديك بي الارواح نسود
وطن الجدود نحن الفدا
حلماً تلألأ في السما
بيناتو ما بينا العشم
يا مشرع الحلم الفسيح
برزخ علاك هو المرتجي



*** ***
وجوانا نحلم بي الوصول
جوانا رفرف امنيات
ونغني اهلاً بي الامان
في مدخل الوطن البراح
الفيهو كم غنو العظام



ناس الخليل.....
ناس مصطفي....
نبنيك أيوة سوا سوا
منو وجديد نبنيك اكيد
يا عازة بنردد هواك
في سيرة الفرح الكبير
فرح التعابة مع الحصاد
والحفلة طنبورا الملود
والغنية لوحة من الشرف
كلماتها احلي من الحروف
كلماتها تطلع من جبين قطرات عرق
وألحانها ما بين
الجبين
وبطن الارض وعودالملود
تطلع زرع
نديان مرصع إخضرار
والحفلة تكمل بي الحصاد
ما الحفلة فانوسا القمر
الفرحة آهـ لو تستمر
الفرحة فانوسا إنكسر
والحلم أصبح زي رهاب
الحلم أصبح كيف نعيش
وأصبحنا أغراب يا وطن
في مشرع الحلم الفسيح
 
أعلى أسفل