سفارتنا بالرياض

دكتور / عباس الرضى

:: كاتب نشـــط::
ساقتني الظروف لزيارة سفارتنا بمدينة الرياض حيث اقيم وقد كنت تأبطت من سوء الظن بها ما كان كفيل بتفجيرها ( برج التجارة يمكن ما يتحمل زعلي ) وكان مما يزيد ( زعلي ) انني قد دلفت الى موقع السفارة الاسفيري بحثا عن موعد مجهول و مأمول يمكنني من دخولها فقط فجاءني الرد وبالاحمر القاني انه لا تتوفر مواعيد ( هكذا فكونا لمجيب آلي لا تجدي معه اجاويد و لاتحانيس ولا شحدة و لا يعرف الظروف و لا الكضب و لا الاعذار من نوع خالتي ماتت و جدي دخلتو يوم الخميس )
المهم ( قلتا يا عمك اربط قاشك والزارعا الله تقوم كان سفارة الخرطوم )
كانت سفارتنا الوحيدة بين السفارات التي تعطيك احساس بانها سفارة امريكا في كابل ( ثلاثة من عربات النجدة السعودية تزرع الطريق الجانبي جيئة و ذهابا ورغم ان الساعة تشير الى السابعة والنصف صباحا الا ان باب السفارة المغلق يتوسط صفين من البشرالسودانيين ( صف رجال وصف حريم وبينهما يتم تبادل الاطفال ( امش لامك امش لابوك ) لكن البسمة حاضرة والونسة لا تفرق بين حريم الخرطوم وبنات كسلا ولا رجال الفاشر و شباب الابيض ( لكن الصف حق مافي زول بخلي زول يدخل قدامو "" طيبين نعم و وناسين بلحيل وكيس السعوط لافي بيناتن لكن الصف صف والحق حق )
التمازج العجيب دا بين طيبة الناس و تحملن لظروفن ممكن يجعل منك عبقري و تحلل وكانك ( كضاب الكيزان داك ) وممكن جدا يخليك تتشائم جدا وتقول والله ( الحال الوقف اهلي الطيبين ديل والسفارة بابها غافل ما بسر ابدا وما معاهو خير ) خاصة وان الاسافير ما خلت حاجة وقالت في السفارة وموظفيها ما لم يقله وجدي صالح في فساد الكيزان
ولما كنت عند مدخل الباب ( رغم انني لا احوز حجزا ولا عندي ورقة و لا بعرف لي كوز و سعادة السفير احمد يوسف سفيرنا السابق ودفعتي قد نقل منذ عشرة سنوات سفيرا في الامارات و لا ادري اين قد رمى به الزمان الان ) لما كنت عند مدخل الباب ( كنت اول الداخلين لاجد سعادة قنصلنا الذي لا اعرفه في استقبال الناس ( نعم القنصل ودالبلد في استقبال الناس يمد يده بالسلام وقبل ان امد له يدي ( اصلي مخلوع ،، ) بعد السلام قلت له انا والله ما عندي حجز !!! قال لي حبابك
يا اخوتي السودانيين سودانيين اولاد بلد خدوميين اينما كانواااااااااااااااااااا
صاح الكيزان الله لا عادن خربو اخلاقنا وقيمنا
لكن ودالبلد يبقى ودبلد
التحية لكل طاقم سفارتنا
نفر نفر ( اهتمام وحسن استقبال وتبسم في وجهنا وخدمة تليق باولاد البلد)
السوداني حلو زي الببسي بس ما تخجو
 
السوداني حلو زي الببسي بس ما تخجو
ويين يا دوك انا قايلك مشيت تركيا ومنها لأرمينيا
بمناسبة ارمينيا عندنا عميلة للشركة من Yerevan
مش حلوة شديد لكن بترمي الطير عديل قالت Yerevan
احسن من اسطنبول وممكن يدوك الجواز , هسع مش
احسن ليك من الناس القبل ما تخجو يخجك ويفور بطنك
كسرة : حأرسل ليك هدية ارجو ان تقبلها مصطفي ضرس
وعلي كرته (والسفير صحبك)

كرتي والشفع.jpg
 
image.jpg

دا زميلي الاستاذ احمد يوسف الصديق
 
بمناسبة ارمينيا عندنا عميلة للشركة من Yerevan
مش حلوة شديد لكن بترمي الطير عديل قالت Yerevan
احسن من اسطنبول وممكن يدوك الجواز , هسع مش

صاحبي ودالشريف كلامك دا جد والله هظااااااااااااااااااااااااااااااار
 
اهلنا زمان بقولوا ليكم البحر اكل الشفع ( وين الناس الزمان بجونا !!!!!!!!!!!!!!!!
والله فعلا الواتساب ( خطف الشباب ) وقفل الباب
 
أعلى أسفل