سعد الفاضل «عشان خاطرك»

ضى القمر

:: كــاتبة نشــطة ::
عشان خاطرك
ياما كسرت كم خاطر
كتبت قصيد
وفي وصفك بقيت شاعر
عشان خاطرك
نسيت أحزان
وعشت اللحظة
ماد إيدي للباكر
ضحكت معاكي ونستك
وكنت معاكي متفاكر
وكم صديت سهام عينيك
وكم شفت السماح ساحر
ومرات أمشي في أحلام
ولحظات ما بكون فاكر
عشان خاطرك
اجوب الكون
مع الانسام
رحيل وسكون
عشان خاطرك
اكون قاسي
واكون مرات احن حنون
اكون واعي واكون مجنون
اكون فرحان
اكون محزون
كلو حصل
عشان خاطرك
ندي وانسام
نزيف وحنان
انا القادر اصير غنوة
بتغازل وتر فنان
وابقي الماس عشان جيدك
وعشان سترك اكون حيشان
عشان خاطرك
اسال حالي عن حالك
اقول مالك
نسيتيني
وقسيتي علي
وشلتي خواطري من بالك
انا المشغول ما بسواك
عشان عينيك
رحلت اليك
وما لقيت الدرب سالك
حصي واشواك ومتهالك
ومتحمل عشان خاطرك
 
أعلى أسفل