خلاصة الموضوع استفردت بحنان وطلبت منها ان تحكي لي القصة فقالت
أنا طوالي كنت بنتظرك عشان أحكي ليك ...لكن الناس ديل ما خلوني
ومافي زول عايز يصدقني
قلت لها طيب أحكي لي
قالت لي أنا عايزاك تطلعني من هنا
قلت ليها بعد ما تحكي لي الحاصل ....إنتي قتلتي الأولاد ديل ليه ؟
قالت لي أنا ما قتلتهم ...الزول الكنت شغالة معاهو هو القتلهم !!
كيف الكلام ده يا حنان ؟
أيوة أنا كنت بستدرجهم ليهو في عمارتو ...وهو كان بيقتلهم !!
قلت لحنان أنا شفتك بتوري في البوليس مكان دفن الجثث
معناها إنتي القتلتيهم ؟
سكتت مسافة ثم قالت
أنا كنت بشوفو لمن دفنهم
ثم أمسكت بيدي وضغطت عليها شديد وهي تقول
عليك الله طلعني من هنا
أنا ما قتلت زول الراجل هو القتلهم
مافي زول مصدقني
ونحن في هذه الحال أتت الصول ميري
وأخذت حنان من يدها وأبعدتها مني
لكن قناعاتي الداخلية قالت لي إن حنان هي القاتلة
وفي نفس الوقت اشتممت رائحة ذاك الرجل في الموضوع
يتبع ,,,,,,,,,