رحيل العربجية الطيبين

باسط المكي

:: كاتب نشـط::
رحيل العربجية الطيبين

الضراع ولي والنترة جات
يا ا ابوي رحيل العربجية الطيبين كان رحيلك مستعجل ليه
مامتفقين ماشين الهواد سوااااا ونياتنا سنابك دخلت السوق شفتك
في كل الشوارع والملفات زنكي اللحمة ومحلات العدة والاواني المنزلية
صوت حوافر العربجية في نهارات السوق الكبير ورائحة دكاكين التوابل
جاء الخريف وروحك بيننا وانت تحكي عن مطر الضراع والنترة و الطرفة البكاية والدبران ورائحة الدعاش اخر الليل
يابوي ربيتنا علي العفاف والكفاف وقلت لي ياوليدابعد من حق الناس
شلته فوق ضهري عشان اتحاشا حق الناس
الف رحمة ونور عليك يابوي اتلفت كتير وانا في السوق الكبير
وبكينا كتير في صباح زارنا عبد النبي رفيق دربك في بداية كل مطر
بفتح باب الشارع كاننا منتظرين عودتك وانت تحمل لنا ماجادت به يوميتك
في السوق وعليك حبات العرق شرف الرجال
هزاني براق مطر النترة الاخير ونحنا داخلين علي الطرفة البكاية
وقفت كتير انتظرتك والريح تنوح في شوارع الفتها والفتك
ارقد بسلام قفلت باب الشارع وفتحت جسر الموية اخواتي نامن
عوض موجود حيث كنت تنام عملنا بوصيتك
احمد قال ماشي الدهب
وقريبا بنمشي الهواد
الف رحمة ونور عليك اللهم ارحمه برحمتك يارحيم
 
أعلى أسفل