ضى القمر
:: كــاتبة نشــطة ::
الشاعر صديق محمد طه
رايكم شنو ؟
رايكم شنو ؟.....في زول حزين فقعو الاسف
قدامو دنيا من الودار ومن خلفو دنيا من الترف
واللوم عليهو من الحبيب قطّع قليبو نِتف نِتف
دقالوا كم باب اعتذار ولـ الليلي ما اتفتحت ضِلف
رايكم شنو؟؟
ووينا الغناوي التحتمل وجع المفاصل والضلوع
وزولا مسافر ماوصل قالولو فكّر في الرجوع
اتذكر ايامو الطِفل ساعة بيبكي بلا دموع
جابولو كمين من حكيم والبيهو يومداك ما اتعرف
اسـأل منو؟
بين سين وجيم ضاع المنى ولمت تباريح الجراح
صفرن خلاص بيني الغُنا وعِز النزيف البي الصباح
شتّتا الحان الانا وخليتا داوي مع الرياح
وصبحت ربابتي من الضمير وانا كم عزفتها بارتياح
كل ماصلاني جنس هجير وكل ما النزيف الما وقف
اعمل شنو؟
من تاني هدّام ياخلوق يهدم جدار الازمنه ؟
يهدم صباحات الشروق يحتل كل الامكنة؟
حتى السراب اتلاشى غاب واتبرّا بالذات مني انا
الملجأ وين؟ الفجه وين؟ لفّ السؤال جواي لف
الحل شنو؟!
رايكم شنو ؟
رايكم شنو ؟.....في زول حزين فقعو الاسف
قدامو دنيا من الودار ومن خلفو دنيا من الترف
واللوم عليهو من الحبيب قطّع قليبو نِتف نِتف
دقالوا كم باب اعتذار ولـ الليلي ما اتفتحت ضِلف
رايكم شنو؟؟
ووينا الغناوي التحتمل وجع المفاصل والضلوع
وزولا مسافر ماوصل قالولو فكّر في الرجوع
اتذكر ايامو الطِفل ساعة بيبكي بلا دموع
جابولو كمين من حكيم والبيهو يومداك ما اتعرف
اسـأل منو؟
بين سين وجيم ضاع المنى ولمت تباريح الجراح
صفرن خلاص بيني الغُنا وعِز النزيف البي الصباح
شتّتا الحان الانا وخليتا داوي مع الرياح
وصبحت ربابتي من الضمير وانا كم عزفتها بارتياح
كل ماصلاني جنس هجير وكل ما النزيف الما وقف
اعمل شنو؟
من تاني هدّام ياخلوق يهدم جدار الازمنه ؟
يهدم صباحات الشروق يحتل كل الامكنة؟
حتى السراب اتلاشى غاب واتبرّا بالذات مني انا
الملجأ وين؟ الفجه وين؟ لفّ السؤال جواي لف
الحل شنو؟!