ضى القمر
:: كــاتبة نشــطة ::
درب المـواجع
كلمات: خالد عبد الله بخيت
في درب المواجع مرت السدو الدروب لاقوها
ايام السعادة الولت سمعوها ما شافوها
من فج المأسي القادى رتلو في المسافة وجوها
بي رمح الجريمة الصافي في نبض القليب طعنوها
الصوت السمعتو ينادي قال لي من وراك خطبوها
تستاهل عشان متماي أوفيت والعهود خانوها
اتلمو خلايقا قعدو لي عقد القران ساقوها
الريح لما يخلف وعدو منو الجايه كيف يحموها
النحل المدفق شهدو أنمو الزهرة لا يجنوها
سلسلو يا خلايق وردو الارض الولود صبوها
الريدة السقيته دمايه ملعون يا زماني أبوها
العين الوراك بكاية كت اتمنى لو شافوها
ما بينفع قليبي غنايا كل قصايدي ليك غنوها
الذكرى البقت كوايه شقيش ما مشيت جابوها
شقيش ما افوت شماتي فيني الحسرة ما راعوها
اتمنيت اسيبه حياتي مني الشوفه ما يلقوها
عايش في وجودي مماتي روحي انا اصلو ما أحيوها
ميت في دواخل زاتي الا جنازتي ما شالوها
أهلك يا مواجع برضو الأخرة لا ينسوها
القلب المـُقدس نبضو بس سكينو ليه سنوها
بالمال والحراير مرضو والإيد للبيجيب مدوها
الطول البيمكر عرضو أشتات دربو لاتلموها
أهلك للمواجع قالو الدنيا الهناك خلقوها
النجمه المعذبه بالو في عمق السحاب دسوها
السكه المشاها خيالو من فوق للثريا محوها
حارسين البريق الشالو الريح من بعيد سدوها
والـــريده الوليدة الماتت جقمت مويه ما ادوها
كلمات: خالد عبد الله بخيت
في درب المواجع مرت السدو الدروب لاقوها
ايام السعادة الولت سمعوها ما شافوها
من فج المأسي القادى رتلو في المسافة وجوها
بي رمح الجريمة الصافي في نبض القليب طعنوها
الصوت السمعتو ينادي قال لي من وراك خطبوها
تستاهل عشان متماي أوفيت والعهود خانوها
اتلمو خلايقا قعدو لي عقد القران ساقوها
الريح لما يخلف وعدو منو الجايه كيف يحموها
النحل المدفق شهدو أنمو الزهرة لا يجنوها
سلسلو يا خلايق وردو الارض الولود صبوها
الريدة السقيته دمايه ملعون يا زماني أبوها
العين الوراك بكاية كت اتمنى لو شافوها
ما بينفع قليبي غنايا كل قصايدي ليك غنوها
الذكرى البقت كوايه شقيش ما مشيت جابوها
شقيش ما افوت شماتي فيني الحسرة ما راعوها
اتمنيت اسيبه حياتي مني الشوفه ما يلقوها
عايش في وجودي مماتي روحي انا اصلو ما أحيوها
ميت في دواخل زاتي الا جنازتي ما شالوها
أهلك يا مواجع برضو الأخرة لا ينسوها
القلب المـُقدس نبضو بس سكينو ليه سنوها
بالمال والحراير مرضو والإيد للبيجيب مدوها
الطول البيمكر عرضو أشتات دربو لاتلموها
أهلك للمواجع قالو الدنيا الهناك خلقوها
النجمه المعذبه بالو في عمق السحاب دسوها
السكه المشاها خيالو من فوق للثريا محوها
حارسين البريق الشالو الريح من بعيد سدوها
والـــريده الوليدة الماتت جقمت مويه ما ادوها