خليل فرح «طويل يا ليل سهادك وياما حكمك جاير»

ضى القمر

:: كــاتبة نشــطة ::
طويل ياليل سُهادك

طويل يا ليل سهادك وياما حكمك جاير
ومين حاس بيك براي لهفان مقُوتي سجاير
شوق أمرو مفهوم ونحن بينا هجاير
وخالي البال حِداك ما ببقى ليك أخو جاير
أصَنقع ليلي كله الغيم أحسبه جزاير
والليل بي نجومو نخل غزير شال ناير
أدور أبلغ مناي ساكت طماحة فاير
وبيني وبينك الحجر البشُتر الطاير
طول يا ليلي طول يا مجنّح النوم طاير
وماني الأحمق الحلمان فطوره فطاير
طاوي حشاي وعرقي ينز تقول دم تاير
وساعي ولاقي ميمون الركاب و الطاير
نجومك والله يا ليل جيش مِعبي وغايِر
وعشمان متلي يا ليل ولَّه ساكت غاير
طويل ومسيخ مِعتم لاك مريح لاك غاير
أضاير في همومك ويمشي جرحك غاير
في حبك زمن أنا والزمان نتغَاير
أتْكتَّم وخايف ودمعي بيه اتساير
أبلغ عبرة عبرة أتينة ألقى مُضاير
لامن يا أم خدود فتق الضلع واتطايَر
 
أعلى أسفل