خالد شقوري " كنت بقصِر المشوار لو عارف متين أرجع "

ضى القمر

:: كــاتبة نشــطة ::
مسافة السكة

كنت بقصِر المشوار لو عارف متين أرجع
كنت بحدد الميعاد وأبقى من الزمن أسرع
إلا مصيري في الأيام هي البتقول وأنا البسمع
وما لاقاني يوم في الدنيا زولاً حظو كان فاتو

مسافة السكة وأرجع ليك معايا الشوق وغُنواتو
أنا البهواك وقلبي عليك وأنا الزول البِحب زاتو

مسافة السكة مهما تطول برضي مصيري أرجع ليك
ألم حزن السنين الفات وأقيِّل في ظلال عينيك
ألمِّع بالحروف دنياي وأخاف أحزاني ترسى عليك
ألِِم باقي العُمر تحنان وأقول للناس حِكاياتو

ما يهِمك كلام الناس وحاتك إنتي ما ناسي
أنا البحسِب عشان ألقاك ثواني الفرقة وأنفاسي
وعارف لوعتك يا روح كيفن إنتي بتقاسي
وأعمل إيه مع الأيام مع قلبي وصباباتو

مراسيك وين عشان أرتاح وأعِوض قلبي عن صبرو
معاك بحصِد من الأفراح حصاد زولاً زرع عُمرو
أنا الراجيك ولي جِراح مُناي بي إلفتك يبرو
والآقيك في زمن نشوان تصُب للحب غماماتو
 
أعلى أسفل