خالد الباشا " نقط المطر "

ا

ابو نمر

Guest
المشتهيني .. انا مشتهيك وبلا حدود
لو لي مراد أنا كتّ بجيك
لكن بسوّي شنو القيود
يا غالية فرقنا الزمن
خلاّك هناك وأنا في الغياب
فوقن مراكبي الما رسن
طول عمري فوق بحر العذاب
الغربة يا حلوة التمن
الحب يشيلو الشوق جواب
يلقاني في لهفة وشجن
شايلك تفاني بلا حود
***
ياحلوة صح سافرتي صح
الا الفؤاد عايش هناك
والشايلو في جواي جرح
ما بيبرا الا اكون معاك
وما مراّ فد يوم ما نساك
إن شاء الله حالك منصلح
ماك زييَ جمر الشوق قلاك
عايش حياتك منشرح
ما بتروي دمعاتك خدود
***
يا حليلنا يا حليل الدروب
مليانة بياً وبيك امان
ريحة القلوب وكتين تفوح
وكتين تفوح تملاء المكان
تلقانا في الأعماق نروح
نبقي الشميسي وكت تروح
قمر الأماسي غنا البطان
نملا الديار بهجة وتفوح
نزرع شواطي الكون ورود
ياحلوة مكتوب الدموع
قدري وقدر قلبي الوفي
كل ما ترف نار الشموع
بي قسوة الريح تنطفي
وكل ما أشد رحل الرجوع
يكتفني قيد الله الخفي
وارجع اناجي انا في خشوع
اصلك بتين بيك واحتفي ؟
وترقص مشاعري وسط ضلوع
فرحانة بي كسر القيود
***
يا حلوة هانت والصبر
ذادك يكون
يا حلوة هانت والعمر
الباقي منوَ سعيد يكون
نتلاقي في عرس الزهر
فرح الفراشات بالغصون
نتلاقي زي نقط المطر
رقراقة تجري من العيون
ننضاري من شبح السفر
نندسه في جوفنا الحنون
يرجع يغني بعد هجر
عصفور هواكي .. يجي ويعود
***
يا المشتهيني أنا مشتهيك
وبلا حدود
لو لي مراد انا كتَ بجيك
لكن بسوي شنو القيود​
 
أعلى أسفل