حِفنة تُراب | منتديات الراكوبة

حِفنة تُراب

الموضوع في 'الشعر' بواسطة حسين احمد حسين, بتاريخ ‏يوليو 18, 2017.

الوسوم: إضافة وسوم
  1. حسين احمد حسين

    حسين احمد حسين :: كاتب نشـــط::

    إنضم إلينا في:
    ‏يونيو 8, 2010
    المشاركات:
    729
    الإعجابات المتلقاة:
    0
    نقاط الجائزة:
    16
    حِفنة تُراب
    _______

    حِفنة تُراب من بيتنا فى الحلة التِّحِتْ،
    الليل سحر،
    والشوق بحر.

    باللهِ يا أرض الوفا،
    أدينى منك حِتة شان اتْكرَّفا
    واغسل دواخلى من الجفا.

    ويا ريت اعجنك بالدمع صلصالة شان اتْلبَّبأ،
    وابنيها صاروخ لى صبا،
    وترتاد فضا العشم العريض،
    تلحق بلدنا تطايبا.

    حفنة تراب من بيتنا فى الحلة التحت شان ألثُما،
    وامشيبة نص بحر الشمال كيتاً عليهو اتْيَمَّما،
    وامونة فى الشهر الأخير تِتْوحَّما،
    ونرجاك يا فرح البلد،
    ومن تانى نبدا الملحمة.
    ________
     

مشاركة هذه الصفحة