حيدر الشيخ «ترنيمة لي الجبل»

ضى القمر

:: كــاتبة نشــطة ::
ترنيمه لي الجبل


ما علينا ..

إن في جبلنا مشينا

الحب والسلام ضامينا

وما برانا ..

ما القمر ضاحك معانا


والنجوم تشهد علينا

وما علينا ..

الجبل ريحتو فُل وياسمينا

أرضو طيبه ورضيه ..

تطايبنا وتَهْدِينا

تسألنا كيف صِبحنا ومِسينا

صبوره إن حَست قِسِينا

وعليها والله ما قِسِينا

إن ودعنا شالت تراب أقدامنا

مين غيرها إعرف مقامنا


دي الساكنه في مسامنا


في الصحو واللهو وأحلامنا

أدامك الله وفي حبك أدامنا


عزيزه بهيجة وماشه قدامنا

وتمسح دمعاتنا إن بكينا

وما علينا .. حارسك الله لينا

المَحَنّه نهر .. والله تسقِينا

لابسين رمالو دَفَا وطينه

و مهما في البال خطر

الجبل ضحكه وفشت غبينه

مين سوانا

إبادلو هوانا

والعمر رايعات سنينه

أرضاً ما نضب خيره ومعينه

ونِيلاً ما كِضِب حنينه

ما الجبل غيمة فرح

والقلب مفتوح انشرح

وين ما البال سرح

ترحابنا اشواقنا الدفينه

وحبابنا ومافي ضغينه

وما علينا

ما الجبل شايلنا سفينه

وشايلنو نحنا في عينينا

في قلوبنا ولهجاتنا الرصينه

واكفينا .. أولياء ان قُلته دِينَهْ

ورجالو إسوداً في عرينه

وإكفينا .. نسوانو بت حِسينا

وإكفينا .. شبابو تاج وزينه

حِسانو للشمس ضواية جبينه

إشراقات ..


ولحاظن حماسه .. فينا

وما علينا

ما فيهو مشت واثقات خطانا

غالي وعزيز المكانه

لهجاتنا فصيح ورُطانا

وَنَسَتنا آنَستنا صِِلاتنا

وصَلاتنا وآذانا

وكتير الدار القُرُب حِدَانا

قلنالو مرحب بيك جنانا

وكتير الغَنّا لينا وحَدَانا

العُشره حَقَّاها وصانه

قلنالو شكراً جزيلاً فلانا

ده إنته مننا وفينا

الجبل يا أروع مدينه

في غربتنا حارسانا تطمينا

بنحبك وليك أبداً ما نسينا

يا جبلنا يا عِزتنا وأهلينا
 
أعلى أسفل