حمزة يوسف «إنتِ النّسيم»

ضى القمر

:: كــاتبة نشــطة ::
إنتِ النّسيم

إنتِ النسيم الهبّ شال نفحاتو من نفس الزّهر

ناديت عليك ناجيت عينيك كم لُمت فيك صرف الدّهر

تصبح معاك شمس الهجير نديانة زي زخات مطر

صفّق يغنيك القمر نشوان وكت نورك ظهر

أهلاً حباب نورتي شاشة ليلي يا أجمل خبر

روعة وجمال عفّة ونضار كاسياهو من خفرك خفر

عينيك زهر نرجس فتح ليهو الرموش صبحت غفر

بي فوقها هلّ هلال سعيد بي شوفتو كم مسلم فطر

دليني يا ست الحسان قوديني ليك ألقى الأمان أنا في خطر

أنا دون لماك ما بسوا شي بتعدَّ عالة على البشر

لمن تغيبي عليّ يوم يبقى لي أطول من شهر

راسي بيلف عقلي بيخف أقضيهو كل الليل سهر

حيران وكت غيبتك تطول ضهبان أفتّش في الأثر

مستني يبقى تجودي يوم بي طلّة لو لمحة بصر

نكتب سوا و نقعد سوا نتبادل الهوى والزهر
 
أعلى أسفل