حقيبة الفن وتجلى شعرائها فى الوصف الجميل للإنثى | الصفحة 130 | منتديات الراكوبة

حقيبة الفن وتجلى شعرائها فى الوصف الجميل للإنثى

الموضوع في 'الشعر' بواسطة الحادى زكريا, بتاريخ ‏أكتوبر 26, 2010.

الوسوم: إضافة وسوم
  1. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    القصيدة الرائعة : لي زمن بنادي
    وشاعر الجيلين : عبد الرحمن الريح
    ------------------------------------
    لي زمن بنادي أنا للخديده نادي
    ياناس محبوبي ساكت قصد عنادي
    مع نزول دموعي إذا اشتعل زنادي
    لصدي عن سواه اوجه استنادي
    متين يهل هلالي واسمع المنادي
    ينادي عن حبيبي يقول ترك عنادي
    بسامحه لو ازاني ولو خلف معادي
    حبيبي لو هجرني بحبه ما بعادي
    أحب تملي قربه ويحب دوام بعادي
    منعني عن وصاله وشمت الأعادي
    قولي كيف بينجح مع الخدود جهادي
    ما دام سمر عيونك مضيع اجتهادي
    من الحميم شرابي ومن الجحيم مهادي
    سهرت والكواكب تعلمت سهادي
    جميل وصف جمالك يحير الشوادي
    غزال نفرت مني وجعلت قلبي وادي
    تجيني لو أقبل خدودك النوادي
    أذوب من اللطافة ويذوب معاك فؤادي
    أراك اسرت قلبي وملكته في الأيادي
    أراك نفور وجافي وبعيد عن اصطيادي
    بعيد وصف جمالك ومن الهوى ازديادي
    جمال خلاف جمالك دا عندي شيء اعتيادي
     
  2. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    القصيدة الحالمة : لي في المسالمة غزال
    والشاعر الرقيق :عبدالرحمن الريح
    --------------------------------------
    لي في المسالمة غزال .. نافر بغني عليه
    جاهل وقلبو قاسي وقلبي طائع ليهو
    مصباح الظلام الـ ربنا معليهو
    زايد في الجمال نور الجمال جاليهو
    لو شافو الغزال على نفرتو بواليهو
    وإن شافو القمر أنوارو تخجل ليهو
    إن جاه النسيم زي الفرع يتنيهو
    والثمر الرطيب كذب البقول يجنيهو
    باللمي والخدود ياذا العشوق بفنيهو
    الصحا والنعاس والسحر في عينيهو
    كل من شافوا قال أنا بالنفس أفديهو
    هو غصن الرياض الزاهي في واديهو
    أزهار الربيع مازج زهور خديهو
    وجدلات الحرير ما لينه زي إيديهو
    والدو معجنو على فطرتو مربيهو
    هو الفرد الوحيد في الدنيا ما في شبيهو
    يتجاهل علي وأنا حالي ما غابيهو
    سالبني في نار هواه شال قلبي يلعب بيهو
     
  3. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    القصيدة الخالدة : قسم بي محيك البدري
    والشاعر العملاق : صالح عبدالسيد أبو صلاح
    *******************************
    قسم بي محيك البدري
    غرامك منه ضاق صدري حبيبي بي العلي تدري
    المَحَي نور ليلة القدر نصب قوس حاجبه لي غدري
    و معاك في داخل ألخدري فؤادي المالكة من بدري
    حياتي ونعمتي ويسري رضيت لو يرضي بي أسري
    وفرض يا دموعي تنتثري إذا منه النسيم يسري
    حمام الأيك والقمــري يصيح ينبيك عن أمري
    وبين عوا سلك السمري روا يحي وفاكهتي وخمري
    أراك وتوفي بي نذري دموعي ألفي الوجـن تزري
    حنانك ما عليك وزري أنا قاسيت الهوى العذري
    صحيح لجروحي لا تبري هواك برضاي مـا جبري
    وبسيمات فاهك ألتبري يا جميل كم قللت صبري
     
  4. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    وبين نواعسك السمري روا يحي وفاكهتي وخمري
     
  5. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36

    الشاعـــــر العـــملاق : أبو صــــــــــــلاح
    القصيدة الرائعة : وصف الخنتيلة
    -----------............*********............---------
    وصـف الخُنتيلة جمال تاجوج المافى مثيله - كفاك يا زميل
    رويحـتي قـتـيـلة قليبى يشابى حسب ترتيله
    صدير هزاز وضميره فتيله وليها عيون اريل فى نتيله
    وضيـبه زميـله تقوده بتاكى القامه يمـــيله
    جبينه تلوح أنواره جمـيله يفوق القمر بعد تكميـله
    خـدوده أســيـله سناها يفوق غيماته عسيله
    كتيفه نزل طاوع توسيله من الأرداف ما لاقى وسيله
    خـديره كحيله ضهيره رنع غــالباه الحيله
    ضمير (الهيف) صفحاته نحيله صدير يرجح وارداف رحيله
    عقولنا هزيله قلوبنا عليك كِتر زلزيله
    شوفة عارضك نغمة جزيله ترد الروح والغُمة تزيله
    خديرتك أصيله على النرجس يعظم تفصيله
    عيونى نجوم الليل تحصيله مقاطع النوم أرجوك توصيله
    الرُوبة ظليله طايله معتمه لاخمه دليله
    لولا قمر محيك هالى ليله لكنا نتوه فى ظُلمة ليله
    ليها نفيله تعوم واكتافها يلازمو كفيله
    وليها طباع الصيد جفيله عليها القافيه وجب تقفيله
     
  6. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    الشاعر العملاق أبو صلاح
    والقصيدة : لحظك الجـَـرَّاح !!!
    -----------------------------------------------​

    لحظك الجرّاح
    أذاي فيه ، وفيه الطرب والراح مناي يا زهرة الأفراح
    للقلوب شرّاح
    مبتعد شيء عجيب ، مسجون وعندو سَرَاح
    بيّ ضاق الكون ، لا أجدلو بَرَاح
    منّي فارق ، وشال نوم عيوني ورَاح
    عمري أضحى مُبَاح
    وفي الغرام لا أقصد غير لقاك أرباح
    سِرِّي ليك يُبـاح
    مع الظلام تتبسم وليلي يبقى صباح
    جيش غرامك زَاح
    هَـدَّ حِصـن المُهجة ، ولي دِمَاي نَزَّاح
    وعقلي كـاد ينزاح
    وقُلّي هجرك جَـدْ يا جافي ولاّ مِـزاح
    ليك مُحَي وضَّـاح
    وليك جبين بي نور ماء الحياءْ نَضّـاح
    والدمع فضَّـاح
    وبي سِـرْ هواي البَيْ تعلمبو دون إيضَاح
    تِعبَت الأصْـفَاح
    وطرفي جافى النوم من طِيب عبيرو الفاح
    من جفونو صِفَـاح
    في مِبيسمو عقد الدُر ، في صدرو جوز تفاح
    ---------------------------------------------
     
  7. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    القصيدة الرائعة والمعبرة: الخوجلاب
    والشاعر :صالح عبد السيد (أبو صلاح
    -------------------------------------
    مـاكنت رايق وساكن في صفاء وتأمين
    فـي الـخوجلاب ياقلبي مني شالك مين
    ديـل الـبروق الـشالن أم درر ياسمين
    مـابين ظـل الأيـك ونـفحة الياسمين
    أم ديـل شلوخه تلاتة ومن تحت وسمين
    يـاقلبي بـينه وبـيني اليقسمك قسمين
    جـات روايـح الورود مع الزلال والتين
    فـوق الـجمال الـفردي الليلة ملتفتين
    بس أيه لزوم أنوارنا من شموع ورتين
    مـادمت إنـت وبـدر الـتم زي أختين
    بـقي ديـسك أطول منك ولله متقايسين
    شـفنا الـضفاير جـرو للقديم كايسين
    أنا شوقي دايماً زايد وماشي في تحسين
    أنـا صـبري قل ويشهد بي أزاي حسين
    برزن نهوده وعامن في الهواء مجاهدين
    وعـلي هـلاك العاشق ديمه مجتهدين
    صاح وهبه فاقد عقله كم جريح وطعين
    الـناس جروحن تسعة أنا جروح تسعين
    عـد الـشوادي الـغنن بالغرام نايحين
    عـد القماري القوقن في الفروع مايحين
    عـد الـنسايم الـمرن بالمسك فايحين
    تـغشاك ياعثمان نعمة وسرور كل حين
    --------------------------------------
     
  8. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    القصيدة : إن ورد بروايحك نسام
    للشاعر العملاق : أبو صلاح
    *..........................................................................*
    إن ورد بروايحك نسام تنتعش أرواحنا والأجسام
    دمعي مالو تحلل وانسام لاح بريق ولا فاطرك بسام
    مالو قلبي أتقطع أقسام ديل رشارش عينك ولا حسام
    فكرى بين توضيحك وإعجام وإنت حاجبك بى ما تهوى ترجام
    حاسبى اوعى قليبى المن جام تكسريه يدفق دمعي الحقن جام
    دمعي غرق صدري وإنعام برضو منك فضلا وإنعام
    حبك أصبح شربي وإطعام لي قلبي العايش في الهوى نعام
    أروى دمعي السائل وجمام يا جدية الأريل أبو زمام
    عامله قلبي مريتع وضمام ما بوازنك شادن رتع ورا تمام
    *..........................................................................*
     
  9. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36

    الشاعر العملاق :صــالح عبدالســيد أبوصــلاح
    والقصيدة الرائعة : أضــيع في هـــواك يا مـهفهف
    ..........................................................................................
    أضـيع فـي هـواك يا مـهفهف حرام ومـاذنبي عـندك خـلاف الغرام
    حـبيب قـلبي زاد الفـؤاد انــضرام يسـيل دمـعي لي ذكركم باحترام
    وغـير قـربكم يـاخِـلّي مـالي مُرام وقـرب المحـب من شئون الكرام


    بـنورك شـهير في الخلوق زي عـَلم تقيد من شـعاعك كواكـب الظَلم

    مـحال اصـطنت لـي عـزولك كـلام اضـيع في هـواك يابديع والسلام
    جمـيل خصـرو سـادل عليه الغـمام يجاذبو النسيم في المرور كالزمام
    يمـيل بـالشـمال والجـنـوب والأمـام يكـاد أن يرك فوق غصنو الحمام
    جـميل يصـطحب لحظو لي روحي سهام يبُـق نورعقيد فاطرو في الابتسام
    مسـلح عـيون لحـظو لي جروحي سام وسـيف العيون أمضي من الحسام


    هجد شوقي خاض صدري في دموعي عام
    ورؤيـة خـديـدك الـذّ الـنعـم لبـعـدك اضـيـع يـامـدلل نـعـم وليــلة لـقاك خير من ألف عام


    عـن اسـمـك لـسان العزول في بكم محـكّم جـمـالك دقـيق الحِـكم
    وكـم ابـدي ليـك شـكوي ياخلّي كم فـأنت خصـيمي وأنـت الحـكم
    ..........................................................................................

     
  10. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36

    من درر الشاعر العملاق أبو صلاح ....
    اجـسـامـنـا لـيـه جـسـمـيـن
    -----------------------------------
    روحـنا واحـدة وليه اتقسمت قسمين
    شئ عجيب في غرامك يا فريع ياسمين
    انـا ياحـبيبي تجدني علي هواك امين
    وفؤادي يحجزو عن افكاري في التخمين
    وحواسي تحسد نظري لحسنكم تضمين
    و شمالي تاخدو الغيرة اذا جلست يمين
    فيك يا حبيبي اثنين اللي المنام سالبين
    هم شـالو نوم عيني و للضمير تاعبين
    بي وجهك الكوكب يجهرني ساعة يبين
    وبي قامتك اليايات الفي الصدير لاعبين
    من المنام ما معاي و لا ستة من ستين
    عـندي التلت من عقلي وعندك التلتين
    شـايقاني بسمة فاهك در عقيدو متين
    لـولاها مالي صالح في الزلال و التين
    يـالفريد فـي ظرفك زي صداقتك وين
    مااظن تكون ولا بدعت قبل في التكوين
    عـلي صـحيفة قـلبي تـدونت تدوين
    و ديـن محـمد حـق لا يقبل التلوين
    يامـن اسرت فؤادي ملكتو في اليدين
    يـامـلفـت الانـظار يـاناير الخدين
    نـحـن الجميع مادمنا قلوبنا متحدين
    تـبقي الصداقة قرابة و نكسب الودين
    -----------------------------------
     
  11. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    الشاعر عبد الرحمن الريح

    والقصيدة الرائعة : لو إنت نسيت
    ----------------------------------
    لو إنت نسيت أنا ما نسيت
    نشأتنا الأولى أيام جهالتنا زمن الطفولة
    أيام كنا نلهو فى البستان ونزهو تغريد الطيور والروض حسنه يزهو
    لو كان إنت ناسى أنا فاكر
    تتذكر سمرنا ومجلسنا الظريف وطهارة هوانا والحب الشريف
    أيام كنا نقطف زهرات الخريف ونطارح البلابل فى الظل الوريف
    متى أيامى تصفو عينى الساهرة تغفو
    لرؤية جمالك دايما قلبي يهفو
    ما كان عهدى بيك يا سيد روحى تجفو
    لما كنت ساذج كنت رقيق وحنون تغريك العواطف تشجيك الفنون
    أما الآن فصرت تقول الحب جنون خالفت الحقيقة طاوعت الظنون
    ما زال قلبي يبدو
    فى روضة جمالك مع كل زهرة يشدو ولهان اروح واغدو .. ولهان يا روحى اغدو
    مالكنى الهوى .... هالكنى النوى
    وآه قلنا آه سوى فى الحب سوى
    كان كل المرام ... نعيش أحباب كرام
    ساقينا الهوى خمرتنا الغرام
    لكن فرقتنا الأيام
     
  12. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    الشاعر الكبير : أبو صلاح
    والقصيدة الخالدة : بدور القلعة
    ------------------------------------------------
    العيون النوركن بجهرا.... غير جمالكن من السهرا
    يا بدور القلعة وجوهرا
    السيوف ألحاظك تشهرا ..على الفؤاد المن بدري انهرا
    أخفي ريدك مرة و أجهرا .. نار غرامك ربك يقهرا
    عالي صدرك لي خصرك برا .. فيهو جوز رمان جلّ البرا
    الخطيبة وردفك منبرا .. الشعور البسطل عنبرا
    الصدير أعطافك فترا .. والنهيد باع فينا وأشترا
    الوضيب إقدامك سترا .. لقطيبو قلوبنا البعثرا
    صيده غيرك ايه الجسرا .. تستلم أفكارنا وتأسرا
    حال محاسنك مين الفسرا .. يا الثريا الفوق أهل الثرى
    جارحة صالح كل ما يحضرا .. في مدينة الجوف ساكن الضرا
    الرشيم والرشمة الخضرا .. ذي فريع في موية منضرا
    هل حبيبي نسى أم لي طرا ... يا أم شلوخا عشرة مسطرا
    النسايم بالند عطرا .. دا الدافق لي دموعي ومطرا
    حفلة يا أبو الحاج إتذكرا .. ورنة الصفارة إتفكرا
    وهبه بي مزيكتو إتحكرا .. كم طرب افكارنا وسكرا
    البدور النارت مسفرا .. قاصدة تشتري قلوبنا تسفرا
    عبد الرحمن دمت يتظفرا .. بي نعيم وحظوظ متوفرا

     
  13. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36
    الـــــدلالْ والغـــــرامْ عَــــــيونِي

    ( الشاعر أبو صلاح )
    ------------------------------------------------------

    الدلال والغرام عَيونِي يا هُــــندا جافو المنام عُيوني

    قالت لي عياك زي مُر الجُفونِ قلت ليها عقلي وزكاي جَفوني

    والقلبْ قال إذا جَفوني .. والخُـــــــدود برزنْ أرجَفوني

    ليلي ...... زاد جُفوني شُوقي للمِجلي الحاجبو نُوني

    والوِجــــن حرَّكنْ فِنوني والعُيون بالغُّــريد فَنوني

    العُيون خِلقة اتْلفُوني في الهوى عِترتَ مـــــا لِفوني

    شوقي وسِـــــقامي وآلفوني صِحتي ونُومي خَالفوني

    قــــــــــلتَ الحاظها قابلوني كلما ناس هاما نفروني

    قالت لي أرداف تُقال بنوني والسنون تضوي قالبه لُوني

    الضَمير قال لي خبروني .. الصِدير والرِدف بروني

    بالتُقل كادو يغدروني .. جيدا حاجبني ما بتروني

    خـــاطرها يقول لي فسروني يا كِرام دُراً أنثِروني

    أما بسماتها أثرونِي ديما فا وتسعة يأســــــــــروني

    ساقها قال كيف يحسبوني إلى حجر مرمر ينسبوني

    والقديم بالتبر ســــــــبوني بالجمال طبعاً اكسبوني
    ----------------------------------------------------
     
  14. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36

    ولهان هامى دمعى
    الشاعر عبيد عبد الرحمن
    ---------------------------------------
    ولهان هامى دمعى ..وسهران ساهى بالى
    بعدك لى ميسر..... وقربك ليه ابالى
    بى ذكراك معذب......كل ما الليل مسالى
    قلبي يزيد حنانو.....وقلبك ليه قالي
    جرت وجار زماني ....وخاطرك طاب نسالى
    مهما جد بينك.....صابر مانى سالي
    ابكي حبيبي بعدك ..... ايامى الخوالي
    انشد فيك صفاهن...وانشد فيك موالى
    لولا مسيل دموعي.....بلانى وروالى
    حرقت جسمي نارك ...وحرق الكان حوالي
    صده سبب نحولي.....وبعده سبب ملالى
    حبه ملك فؤادي.....وأتمازج خلالي
    أما سبب شقاي ....ودائي واعتدالي
    نور محيه الهلالي....ونور خده البلالى
    بعدت عنى دارك....ومنع الحظ رحالي
    حبك زاد ىنحولى ...وشوقك زاد محالى
    أنا ولهان وراضى.....ومرك عندي حالي
    والليلومنى فيك.....ياحالى يصيبه حالي
    لحظك دار كؤوسه...راح الروح سقالى
    كنت سمير هناى....وكنت نشيد مقالي
    قصدي أتم شرابي......لكن ما بقالي
    عنب الشام بحبه..... إلا عصيره غالى
    --------------------------------------
     
  15. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,265
    الإعجابات المتلقاة:
    0
    نقاط الجائزة:
    36

    في الفؤاد ترعاه العناية
    للشاعر الكبير : سيد عبد العزيز
    -------------------------------------------------



    في الفؤاد ترعاه العناية بين ضلوعي الوطن العزيز
    لي عداهو بسوي النكايا إن هزمت بلمم قوايا
    غير سلامتك ماعندي غايه إن شاء الله تسلم وطني العزيز
    مرفعينين ضبلان وهازل شقو بطن الأسد المنازل
    نبقى حزمة كفانا المهازل نبقى درقة وطني العزيز
    كيف ما أرعى الوطن الرعاني أسعاه وأشيلو وأعاني
    الشباب والشيب شجعاني قالو نفدي الوطن العزيز
    من حلوق الريف لي خدوده البلاد معروفات حدوده
    سودنا جمالنا نبقالوا خودة ونلاقي ضرر الوطن العزيز
    صحيح أعشق صيدو ورمالو ماببيعو وأقول مالي مالو
    ما بكون عارف البي حبالو ساقية تسقي في وطني العزيز
    ما بهاب الموت المكشر ما بخشى مدرسة المبشر
    عندي معهد وطني العزيز
    عندي وطني بقضالو حاجة كيف أسيبو وأروح لي خواجه
    يغني وطنو ويحيجني حاجة في هواك يا وطني العزيز
    نحنا للقومية النبيلة مابندور عصبية القبيلة
    تربي فينا ضغائن وبيلة تزيد مصايب الوطن العزيز
    مالي ومال تاريخ القبيلة نحنا أمة وحيدة وأصيلة
    علمونا جديدا وقبيلا أمة واحدة بوطني العزيز
    ------------------------------------------------
     

مشاركة هذه الصفحة