حقيبة الفن وتجلى شعرائها فى الوصف الجميل للإنثى | الصفحة 129 | منتديات الراكوبة

حقيبة الفن وتجلى شعرائها فى الوصف الجميل للإنثى

الموضوع في 'الشعر' بواسطة الحادى زكريا, بتاريخ ‏أكتوبر 26, 2010.

الوسوم: إضافة وسوم
  1. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    هواك وهواي
    الشاعر : محمد علي عبداللة
    -----------------------------
    هواك وهواي بي جاروا وسبن أفكـاري نظراتـك
    أحب تعطف تزيل وجدي وأحب كل البحب ذاتك
    بحب لونك بحب لونك بحب يـا حبـي نفحاتـك
    بحب فى خدك الزهرة وبخـاف ترمينـي لمحاتـك
    أخاف صدك بخاف جورك وأحب تتهنى بحياتـك
    بحبك حبي للعافية وكمان يـا سيـدي وحياتـك
    بحب فيك الحيا الفطري ويذوب من حالي صيحاتك
    إذا في حبكم ضعـت واذا أقبـر فـى ساحاتـك
    أكون للحظ دوام شاكر وأقبل أنـت راحاتـك
    أحب أنظر جمال محياك وأخاف تسحرني بسماتـك
    وأخاف لحظك يجرحني واحب تسكرنى بسماتـك
    وأحب طيفك يأنسني وأحب تسمعنـي نغماتـك
    وأخاف هجرك يطول بي وأخاف تحرمني كلماتك
    منعم يا فريد عصرك سعيـد وسعيـده ساعاتـك
    مكمل يا نزيه صافي وعفافك فطـري مـا فاتـك
    وديع وبديع مثال رقة حشيم والريم هوى صفاتك
    أنرت فؤادى يا ضامر ودمعي خضاب فى كفاتـك
    زيد يا دمعي فى سيلك وزيد يا صـدري زفراتـك
    حبيبك ودعك راحل زيد يـا طرفـي عبراتـك
    حمام الأيك حـن مـره تعـال أسمعنـي نبراتـك
    طربت أم در مقر أملي زمـان كفـاي عباراتـك
     
  2. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : زاد أذاي يا صاحي
    والشاعر الرقيق : عبيد عبد الرحمن
    ---------*******************-------
    زاد أذاي يا صاحي وإعتراني نحول
    طرفي دامع وصاحي وبالسهاد مكحول لي حال الحول
    والمغالق بينى وبين حبيبي تحول قلبي قال ممحول
    صبري ضاع وياجافي وخصمي صار ممحول
    العلي ما بزول والأنين يابدري والحنين مابزول
    الجسيم مهزول منيتي وآمالي ونومي فيه النول
    يانسيم مرسو لي حبيبي لعلك منو عالي تنول
    أمشو ليهو مثول علّي أنظر حسنه أقبّل المعسول
    يافضول أقول رفعة قامته وحسنه وصفه شرحه يطول
    من ندى المسطول كم يواعد ويمطل يومي طال ممطول
    القوام معدول والوريد كالدمية والأسيس مسلول
    الكتيف مهدول بعضه نام في بعضه تقول حرير مجدول
    إيه يفيد القول وإيه يفيد من شعري فيه مهما أقول
    منه حالمة عقول الوصول للبدر ياخي ما معقول
    زاد أذاي يا صاحي وإعتراني نحول
    طرفي دامع وصاحي وبالسهاد مكحول
     
  3. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الجميلة : ضامر قوامك
    والشاعر : أبو صلاح
    --------------------------------------------------
    ضامر قوامك لان قلبك قسى وجافيت ليه يا جــــدي الغزلان
    أسهرت جفني ملان يذرف دمع نازل كالمزن في الهـــــملان
    ما بصح ليه يا فلان طرفك دوام ناعس وأنا طرفي ما غفلان
    ظهرت شكلك بان كـــوكب منير أشرق من فوق غصين البان
    كم ليك محب تعبان درب العشق ساهل ودرب الوصال صعبان
    كالظبية في اللفتان أما الخديد ناعم ذي زهـــــــــــرة البستان
    تجد الطباع آمن وحــــسن بديع رائع مــنظر جـــــــــميل فنان
    لا يحصى وصفه لسان وجــــهك بدر كامل من البدور إحــسان
    ما قصدي فيك لمسان مقصودي بس شوفتك لا تضيعني يا إنسان
    القمري في الاغــــصان ذكرني ألفاظك وقلبي إنطرب فــرحان
    يتواري لي لمحان بروق درر فــــــاهك بالـــــراح والـــريحان
    ليه كـــفك إتحنن وليك قــــــلب قـــــــاسي ما فيه لي حــــــنان
    يالراقص الفـــــــنان حبك مـــــلك قلبي وجننت عـــــقلي جنان
     
  4. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : قوم بينا نلاقى مناظر
    كلمات شاعر الطبيعة : مصطفى بطران
    ---------------------------------------
    قوم بينا نلاقى مناظر تفرح وتسر الناظر
    وتبرى الأرواح بشوقه
    خليك يا صاحي محاذر وافينا وفاء نادر
    ساعدنا كمان بالروقه
    تشوف آرام وجآذر لا تبقى نفور ومحاذر
    تصبح أحشاك محروقه
    حافلات بالمحيا النائر جالسات في شكل دوائر
    لدن القامات ممشوقه
    تركني موله وحائر ماضر لو جيتن زائر
    بيناتن لىّ معشوقه
    في حسن الجيل الحاضر وعيون الظبي النافر
    السعد مخيم فوقه
    مجموعة جوهر نادر أو تحكى زهور في مناظر
    منتظمه تمثل جوقه
    من كل مدرع سافر في هدوء الليل الكافر
    وسط الأقمار في مروقه
    في ثياب الملك الظافر في عيون الظبي النافر
    والمزن الحابكه بروقه
    ضماهن مجلس عامر وعفافن ليهن مسامر
    والقمري حداهن قوقه
    ودلالن كان الآمر أصبح بنفوسن يقامر
    مرقن الأفكار عن طوقه
    بساط الروض الطاهر تجلى الحسن الباهر
    والخلقه السالم ذوقه
    الشمس شعاعها الظاهر في توب العفه الطاهر
    دى حياتي ولى مخلوقه
     
  5. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : الرشيم الأخضر
    والشاعر الرقيق: محمد بشير عتيق
    ..............................................
    الرشيم الأخضر في الخديد الأنضر
    هم سبب آلامي
    فكري أضْحى مبحتر من غرايب
    سحره ومن عيونه الفُتَّر
    حكمة لو يتمايل أو سَفَر واتْبخْتَر
    أيه بثينة وعَزّة وأيه عُبيْلة عنْتر
    هاهو حسنه أمامي
    مين سِواك يتجسَّر في فؤادي
    وحبك ليه عامل سَنْسَر
    قلبي بيك اتأسر وفيه حبك أثّر
    ونوم عيوني اتعسّر
    بانكسار لحظاتك حظِّي أضحى مكسَّر
    يا رفيع يا سامي
    السحاب ما أمطر اروى ساحة
    ربعك ومن شذاك اتعطّر
    ما تغزّل شاعر في محاسنك سطّر
    هاك سلامي الخالص يا جميل يا مبطّر
    وليك جزيل إكرامي
     
  6. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر الرقيق : محمد بشير عتيق
    والقصيدة الخالدة : في رونق الصبح البديع
    -------**********************------
    في رونق الصبح البديع قول ياحمام
    اسمعني ألحان الربيع
    قوم ياحمام حي الغمام أنا لي فيك شوق وإهتمام ...
    أسمعني من شدوك صدي ... أهو دا الربيع أقبل بدا ...
    على الرياض مرت يدا ... وشاها بي قطر الندي ....
    فى رونق الصبح البديع ... صحت الورود فى كل روض
    وتبسم الزهر البديع
    هاهي الطبيعة الكون تحلي بى منظرا للعالمين سفرت بى أحلى مناظرا
    للروضة تغري لي ناظرا ...أطياره عاشقة أزاهرا
    هى والنسيم فى مناظره تظهر حقائق وجوهرا
    هى نزهة لى كل من يرى ...
    هى حكمة ... بل هى أية ... من صنع البديع
    أنا يحمام .. لى فيك مرام .. أصبحنا سيان فى الغرام
    كونك محب وهواك طريف .. تتعشق الزهر الوريف
    أنا لي حبيب ناعم ظريف .. حاذق أديب مترف عفيف
    أسألني عن تصويروا كيف .. هو أية فى الجنس اللطيف
    بي إختصار هو حسنوا صار ... فوق الجميع
     
  7. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : بت ملوك النيل
    الشاعر الكبير : سيد عبد العزيز
    -------------------------------------
    يا بت ملوك النيل يا أخت البدور
    مين لى علاك ينيل فى البدو والحضور
    الجبرة فيك بتخيل محمية الحما الما حام حداه دخيل
    ما كان أبوكى بخيل بت عز الرجال
    أهل الدروع والخيل والهنا والسرور
    يا السامية ست الجيل طرفك من حياء فى عصر السفور خجيل
    حسنك وضع تسجيل فى صحف الدهور
    يتلوه جيل عن جيل لى يوم النشور
    الهيفا يا الخنتيل حروف آيات محاسنك أترتلن ترتيل
    يعجبنى فيك تمثيل أخلاق الملاك
    فى سطوة القتيل الفارس الجسور
    غضنك رطيب وعديل شعرك ليل جبينك يخجل القنديل
    النور عليكى سديل يا معنى الجمال
    الما أتوجد له عديل فى ناس ولا حور
    فقتى اللكانوا قبيل ما خدات فى الجمال جائزة نوبيل
    حيرتى كل نبيل عيناك سحرهن
    يسحر سحر أبابيل يخترق الصدور
    يا صاحبة الأكليل ما أظن النهار العين تدور له دليل
    محياك نوره جليل كنت أقول شمس
    لو ما الزمان كان ليل أنتِ عليك نور
    لا زلت ليك أميل يا رمز السعادة الما أتوجد له زميل
    يا آية التكميل يا مراية الجمال
    الفيكى كل جميل ريحانة العصور

     
  8. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : عيونى وعيونك
    الشاعر : احمد ابراهيم فلاح
    -----------------------------------------------
    عيوني وعيونك أسباب لوعتي
    أسباب تشوقي نظرتك وأسباب نفورك نظرتي
    هواي يعجز فكرتك وجمالك يعجز فكرتي
    في الصد تزيد في جبرتك في الحب أزيد في خبرتي
    دائما اردد ذكرتك هل مره فهت بذكرتى
    أنت الذي اتعبتنى وأنت الذي بك راحتي
    لو آن هلاكي ولى دنيت أحيا وتحل بى فرحتي
    كم استغثت وكم شكيت من سقمي وإتلاف صحتي
    كم رددت آهاتي كم دوى في الأفق صدى صيحتي
    سندس وعسجد حلتك ولما أنا الهوى حلتي
    ماذا جنيت يا معبدي ماذا جنيت يا قبلتي
    ما ضر يا محبوبى لو تنظر لحالتي بالتي
    هي أحسن النظرات ثم تريني فيك اهلتى
    هلا تركت تصددك هلا حببت مودتي
    هلا رضيت تمازج الحب بيننا لافادتى
    رفقا بمن يهواك يا من أنت صفوة سادتي
    رحماك بى ضاق الفضا رحماك طالت وحدتي
    جيوش اشتياقي هزمتني زادت انتى
    لو كنت قربى لأسرها اجعل لحاظك سنتي
    ياروحى ياراحى ويا نورى يا ناري يا جنتي
    بهوي الهلاك في هواك ليتخذ العوازل سنتي

     
  9. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر الكبير: سيد عبد العزيز
    والقصيدة الرائعة : أنا مابقطف زهورك
    ------------------------------------------​

    أنا مابقطف زهورك بس بعاين بعيونى
    يا الغصن الفي نضورك يا البدر الفي خدورك
    مترقب ظهورك أتامل في محاسنك
    وأتمتع بمناظرك واتوسع في سروري
    أنا مابقطف زهورك بس بعاين بعيوني
    لعبت بي دورك واصبحت مسحورك وسبحت في بحورك
    عرفت أهوالك وعزفت ألحانك آهات تواريني
    لازلت مأسورك وماقادر أزورك ملأ العهود نورك
    أتمهل في بسمك ويتجلي لي رسمك شخصك ملأ عيوني
    أنا مابقطف زهورك بَس بعاين بعيوني
     
  10. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر المرهف : محمد ود الرضى
    القصيدة الخالدة : نسايم الليل
    -----------------------------------------------
    نَسَايِمْ اللَّيلَ كَلِّمِى للبِرِيدْ رُوحُو سَلِّمِى
    العَصُرْ عَصْرِكْ أَجْرُمِى جُودِى وإِنْ شِئْتِى أَحْرِمِى
    قَلْبِى أَنَا العِنْدَكُمْ رُمِى أَصْلُو مَا نَافِعْ أَفْرُمِى
    الكِتَيفْ سِتِّى أَهْدِلِى جَارِدْ السِّبْحَة بَهْدِلِى
    فُوقْ بَهَاكْ تِيهِى وأَقْدِلِى شَارَعْ الحَارَة صَنْدِلِى
    الوَضِيبْ طُولُو نُصْ مِتِرْ والوَرِيدْ مَاهُو مِنْبَتِرْ
    فَاقْلَه ضَامْرَة الضِّهَيرْ فِتِرْوالنِّغَيمْ سُكَّرَاً كِتِرْ
    إحْمِرَارَاً مُزِجْ بَيَاضْ تَشْبَه الزَّهْرَة فِى الرِّيَاضْ
    آهْ أَنَا الضَّاقْ بِىَ الفَيَاضْ سَيدْنَا أَحْجِبْنِى لَيكْ بَيَاضْ
    بِنُورْ الحَيَا خَدِّكْ إِنْغَسَلْ والنَّظَرْ طَبْعَتُو الكَسَلْ
    المُزَمْزَمْ ضَرِبْ مَثَلْ عَجْوَه مَعْطُونَه فِى عَسَلْ
    شُوفَه جَاتْ تَمْشِى بَى مَهَلْ عَطَّرَتْ أَحْمَدْ السَّهَلْ
    العِيُونْ للعِبَادْ ضَهَلْ مَاء الحَيَاء فُوقِن إِنْبَهَلْ
    شُوفَ كَيفِنْ مُنَعَّمَه بالعَفَافْ كَيفْ مُعَمْعَمَه
    الجِّسَيمْ نَاقْشُه وأَنْعَمَه الحَسُودْ عَينُه بَالعَمَى
    جَالْسَة والهَيْبَة حَفَّتَه تَشْبَه الغُوفَة كفَّتَه
    قَامَتْ وتِيَابَه لَفَّتَه والقِلُوبْ جَاتَه رَجْفَتَه
    الشَّلِخْ هُوَّ حَيَّتِى رَسْمُو زَىْ رَسْمِ كَيَّتِى
    زَادْ أَنِينِي وكَيَّتِى نَيَّتِى مِلاَضَّه نِيَّتِى
    المَنَاظِر عَلى التِّلاَلْ والعِيُون طَابِعه الدَّلاَلْ
    المَدَوَّر كَذَا الهِلاَلْ أحْسَن أحْسَن نَمْوت حَلاَلْ
    حِصَّه محشِيَّه بى زُبَد جَلْسه لَى مُدَّة الأبَدْ
    بَدْر تَمْ ضَوَّى فِى كَبَد إلاَّ بسْ عارْضُه مُستَبَد
    ----------------------------------------------
     
  11. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر : محمد حسين العمرابي
    والقصيدة الجميلة : العيلفون جنة عدن
    ---------------------------------------------
    العيلفون جنة عدن شوفة معالم يسعــــــــــــــدن
    شاهدنا حور اتقلدن البابنا وشحات فوق لــــــدن
    لينا العيون كم هددن و الشادى يسكر غيــــر دن
    يمشن مشيات العجن سبن العقول حين بهرجـــن
    اهلا مصابيح الدجن جلسن و عاقلنا اندجــــــــن

    فهناك تشوف كيف الأدب و تشوف وجوه تمحى الغضب
    و تشوف سحر تحت الهدب لو شافه ناسك انجذب
    سطعن بدور في ليل عتم كل غانية من در اليتــم
    ملك السعادة كتب ختم أن الدخيرة سروره تـــــــم
    يا من اذا دعى استجاب اجعله من العين حجــــاب
    ارزقه ابناء نجاب و المال يفيض عجبا عجــــاب
    الكله من عنصر ولى كنزى العلية معولــــــــــــى
    صاحب المقام الاول أبو فركه مين يساوى لــــــى
    والد الاجل اولى الشمم و القدر عالين الهمــــــــم
    النورو الكشفو الغمم اهل الوفا البرعو الذمـــــــم
     
  12. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الرائعة : اذكرينى يا حمامه
    والشاعر الرقيق : محمد بشير عتيق
    ................----------------------------------------...........
    أذكريني يا حمامة كل ما ساجع ترنم بي هواي وحب جمالك
    أذكريني يا حمامة كلما هطلت غمامة في مساءك أو في صباحك
    وفي غدوك أو في رواحك وكلما بارق تبسم أو نسيم الصبح نسم
    عني دايماً يكون سؤالك
    فيمَ هجراني وعلام يالهواك صار لي علامة
    شاهر لي داماً سلاحك وموتي واجب في اصطلاحك
    طرفي عن رؤياكم يحرم وذنبي أيه غير أني مغرم
    ولي هواك من بدري مالك
    كل من في الكون ناما وعيني ليه فقدت مناما
    وإنت يالكاحلك نعاسك يزدري الأغصان مياسك
    حظي زي ليل فرعك اسحم
    والجحيم من هجرك ارحم عني يالشاغلك دلالك
    صرت اعشق فيكي قاما خصرها يعيرني السقاما
    فيها اشرق نور صباحك لي سنا البرق افتضاحك
    فكري في خصرك مقسم وخطبي ذي ردفك مجسم
    هل يصح ويرضيكى ذلك
    ..........---------------------------------------............
     
  13. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    شاعر الجيلين : عبد الرحمن الريح
    والقصيدة المعبرة : يا حمامة
    -------------------------------------
    يا حمامة مع السلامة ظللت جوِّك الغمامة
    سيري في جَوِّك المُعطّر وانشدي شعرك المُشطّر
    قولي لي الشادن المُبطّر تيه دلالاً وزِد وسامة
    بلِّغيه التحية مِنِّي واحكي ليه الصبابة عني
    واحلفي يا حمامة اني فيه لن اسمع الملامة
    انشدي شعري بين دورو عَلّو يذكرني في خدورو
    اوعي يلعب عليك دورو ويسكرك عَرفو كالمُدامة
    اسأليه عن المَودّة كيف ضاعت وكيف صدَّ
    بعد ذلك اذا استبدَّ قابلي الجبرة بابتسامة
    قولي ليه عن المحبة وعن فؤادي الذي احبَّ
    عَلّو يسأل عن الاحبة مَرّة في عمرو ياحمامة
    الجمال ناسي فيه ذاتي فيه خاطرت بي حياتي
    بين حُبّي و ذكرياتي اصبحت روحي مُستهامة
    الجمال ياحمامة فاتن فيه الوان من المفاتن
    كل من يعشق المحاسن قلَّ ان يوجد السلامة
     
  14. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر العملاق : صالح عبدالسيد أبو صلاح
    والقصيدة الرائعة : جافي المنام لاسعني حي
    -----------------**************------------
    جافي المنام لاسعني حي أم زاد غـرام ضـاوي المُحـي
    قالب الدرع يقدل ضحي طال جيدو فـاق ظبـي السُحـي
    قال لي تطوف بي كل حي كيف تبقي عاشق وإنت حـي
    لـو يانسيـم مـــــــــريـت عُشـي قبـل فويطـرات الرُشـي
    قول ليـه قـط مابـي شـئ إلا الغـــــــــرام شاوينـي شـي
    خليك خفيـف رايـق بُنـي لاتتنـي قــــــــامـة الدابـو نـيِّ
    أملد خصـر خاــــــــتـي التُنـي حـُق نهـدو يلعبـو التُنـي
    ياللردف خـــــــصرك تكـي أنـا مـن هـواك دايمـاً شكـي
    فاطرك وقَدْ في البسمـة كـيِّ يشوينـي لايكــــوينـي كـي
    عينيك متل عين الظُـــبيِّ السارحـة بـي شويـدن الربـي
    كم بالدعج هــــلكـن صبـي جاهلابـو زي ماجاهلـة بـي
    نورتـي يالخـــــــــــد الجُلـي تخفـي الجـواهـر والحُـلـي
    خبرني ياب صـــــــــدراً عُلـي البرتكـان ليـك والـلا لـي
    قال لي دا لااتباع لاشـري احـــسبلـو فـوق نجـم التـري
    لسه رخيـص ناعـم طـُري خــــــمـر الـدلال باقيلـو ري
    سائـل حــــــــــميمـات الـوِدي بالـزمـه يغـشـن للـجـدي
    يردن ذلال فاهـو النُـدي عـن نيلـو قـــــصَّـرن ساعِـديِّ
    ----------**********--**********--------
     
  15. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الجميلة : من فروع الحنة
    والشاعر العملاق: صالح عبد السيد أبو صـلاح
    *---------------------****************------------------*
    من فروع الحنـة وزهرة التفاح هـاج بلابل فكري النسيم الفاح
    ---
    الجداول تجري فوق خدودك دُر والرشيمات بقّت بي أشعة خُدر
    يعمي عيني قبلك ما نظرت بدُر فوقو ليلاً حالك يعلو غصناً ماح
    ---
    كل معصم جدلة والكفيفــات غـوف والكتيف الهادل بالكفــل مشــغوف
    نايمة أو كان صاحية حال جلوس و وقوف فيهو لاحـــم ديمة ومنو مالو بـراح
    ---
    إختصر أفـكاري خصـرك المعقود ما بيمس بي كفة لا قميص لا عقـود
    جالبو ردفاً جايل حلمو ليه مفقــود عذرو وآضح صدرك مالبو جوز تفـاح
    ---
    القوام متوازن لا قُـصر لا طـول والخديد أفعالو تصرفــات مسطول
    ماهو خاتي دا ساند ضهرو فى الأسطول والعيون حراسن فوق جفونو صـفاح
    ---
    إنتي روحي وراحي ليك ظمآن غاب ما بصرح بإسمك ما بجيب ألقـاب
    إنتي ديسك خدرك ماكي صيدة غاب من فوارس حييك ليكي غابة رماح
    ---
    خلي أمعن شوفا قول لي إيه النـور هل رأيت لك صيدة أم دا جام بلـور
    جـلّ من أنشاها وصاغا شُـعلة نورهل دا جيـد وقلادة أم نجوم وصباح
     
  16. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة : ليه يا حبيبي جفيت
    لشاعر النسيم العم : عمر البنا
    --------------*******************------------​

    ليه يا حبيبي جفيت وبي وصالي وودادي نفيت ... مالك

    حارق فؤادي ما لقيت وبي نظرة منك ... واكتفيت
    مالك يا حبيبي لو كان وفيت .. وبي طيف خيالك ... واختفيت
    0
    يا المن دلالك ما فضيت وتعذيبي في حبك ..... رضيت
    سجلت نفسي وليك مضيت ومملوكك أحكم ... ما قضيت
    0
    من نار هواك بيك التجيت ومنك التعطف ... ارتجيت
    لو في الخيال لي مرة جيت كان ضاع ... وفي الحال نجيت
    0
    يا درتي الليك انتقيت وغيرك بديل ... أنا ما لقيت
    بيك كم تعبت وكم شقيت ويا ليلى ... أنا قيس بقيت
    0
    فوق الكواكب حق عليت غاب البدر ... وإنت انجليت
    مهما عظم خطبي وبليت في حبك ... اذداد ما سليت
    0
    يا البي صدودك لي فنيت وايه النظر ... لو إغتنيت
    أنا فيك كم آمال بنيت وهاجرني ... ما ذنبي الجنيت
     
  17. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر العملاق : صالح عبد السيد أبو صلاح ​

    والقصيدة الخالدة : غزال الروض
    ---------------------------------------------------------------
    ياغزال الروض فيك رايح بالى*0* تفداك الروح أظهر لاتبالى
    في دجاك ياليل الطيب هبالى*0* ده الجنن قيس وكُثير قُبالي
    هل نومي يعود والطيف يصبالى *0* ده يرد الروح في الجسم البالى
    يالفاطرك نور وفاهك عسالى *0* جننت كثير عشاق أمثالي
    طيفك فى النوم لو كان يوحى لى *0* أتغزل فيه ينظر لى حالى
    متى منه يفيق عقلي ويصحالى *0* ده رحيق مختوم فى لهيجه الحالى
    ياحبيب هواك طرباً هزالى *0* وبى سهر الليل شوقك جازالى
    لا أسمع فيك أقوال عزالى*0*أسمع واطيع امرك يا غزالي
    قابل بجزاى من جنس أفعالى *0* أرعى الانجم ياليل أرعى لى
    كيف أسعى ليك أو كيف تسعى لى *0* يا أخا الفرقد يا النجم العالى
    يا أنيس الصيد الحاجبه هلالى *0* فاطرك لماع وخديدك يلالى
    فى نغمك راح سكرى وزلالى *0* فيك طبى حرام وهواك حلالى
    حبك يمزج أعضاى إجمالى *0* لو كنت يمين يهواك شمالى
    يابديع ليه فيك ضاعت آمالى *0* كان ماله هواك يامدلل ومالي
     
  18. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشـاعــــــر العمـــــلاق أبو صلاح ...
    القصيدة الرائعة ... فريـع البـانة المِـنْ نسمة

    فريـع البـانة المِـنْ نسمة يـتـمـايل حـاكى المـنقسمة
    نار قـلبي بتوقد من وسمه تلـمع فـي خـديدا وفـر بسمه
    الفـم الزي خاتم نص قسمة يالـمـاك داريه بَـي الغي قسمة

    حـبـوب الفـاطـر دُرّيـة وسـطـك يتـلاعب بـحـريـة
    الجـبـهة تـلاصـف بدرية والحـالة البَـيّ مـاها مـدريـة

    وسـطـك خـاتم بـي زندو و صـديرك قـايم الديـس جندو
    صـديـرك قـلع مـن عندو واكـتـافك فوقو ياروحي بتسندو

    زُمـرُّد لـونـك اخــضـرّ دا الـولّـع قـلـبي و آخ ضـرّ
    انـا جسمي فـدايتك ما ضرّ لـو كـان اتـدقـق واتـضـرا

    الجيـد الوافـر كلـجـامه فـاقـت اعـرابـا و اعـجـاما
    كالمـهرة العاصية في لجاما لقـلوبنا لحـاظك ياروحي رجامة

    يا ريـل ابـزازك مـا نوعا مـن خـز وعسـجد مـصنوعة
    قالـت لي اعطافا المرنوعة هي ثماري ولكن ياحبيبي ممنوعة
     
  19. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    القصيدة الخالدة :متى مزارى
    والشاعر الرقيق : ود الرضي
    ------------------------------------------------
    مَتَى مَزَارِى أوْفِى نَذَارِى وأجْفُو هَذَا البَلَدْ المُصِيفْ
    مَا أقُولَ إمْتَى المَزَارِ إلاَّ تَجْرِى دِمُوعِى الغِزَارِ
    زَارْنِى نَاسِمْ شَاقْنِى المَزَارِ لَوْ يَزُوْرْنِى الطَّيفْ يَبْقَى كَيفْ
    يَا خَصِيبْ الُّسوحْ أمْتِى أطُوفَكْ وأسْتَرِيحْ الرُّوحْ منْ قِطُوفَكْ
    يَا حَبِيبِى إنْ شَاء الله أشُوفَكْ فِى نَعِيمَكْ وظِلَّكْ وَرِيفْ
    أشْهَى والآمَالْ يَفْرِحُونِى مَالِى إلاَّ سَجْعِى ولِحُونِى
    صِرْتَ أبْغَضْ مَنْ يَنْصَحُونِى هَلْ تَجَامِلْ تَرْسِلْ لِى طَيفْ
    إمْتِدَاحَكْ بِقَى لَىْ قِرَايَة لَى تَمَلِّى القُرْطَاسْ مِرَايَة
    الوَحَايِحْ فَصَمَتْ عُرَاى هَا جَزَا مَنْ يَعْشُقْ ظَرِيفْ
    شَعْرَكْ أسْوَد زَىْ حَظْ حَسُودَكْ نُورْ تَضَاحِكْ بَدْرَكْ فَصٌودَكْ
    كَمْ غِضَنْفَرْ فَاتْكَابُو سُودَكْ والمُهَا تَهْوَاكْ يَا خُشَيفْ
    عَفْوَكْ أسْمَحْ لاجْلَكْ ثَنَاىَ لاَ أمَلْ مِنْ قِبَلَكْ عَنَاىَ
    عِنْدِى مُرَّكْ حُلُو يَا ُمَناىَ والَّذى يَرْضِيكْ هُو اللَّطِيفْ
    يَامَا عَاِشْق ومَاهُوَّ وَافِى ويَامَا شَاعِرْ يَقْصُدْ عَوَافِى
    مِثْلَهُمْ مَنْ يَعْشُقْ قَوَافِى ومِثْلَنَا مَنْ يَعْشُقْ عَفِيفْ
    يَا مُحَجَّبْ صَايِنْ جَمَالَكْ يَا مُهَفْهَفْ بَعْضًكْ أمَالَكْ
    دَامْ زَهَاكَ ودَايِمْ كَمَالَكْ يَا وَحِيدْ القَدْر المُنِيفْ
    يَا رَشِيقَاً حُسْنَكْ نَمَالَكْ قُلْ لِطَيفَكْ هَاجِرْنِى مَالَكْ
    دَمْعِى كُفَّ وكَفَى إنْهمَالَكْ إنَّ بَعْدَ الصَّيفْ الخَرِيفْ
    يَا لَهِيبِى الزَّادْ إشْتِعَالاَ لَىَّ جَمْر الغَضَى إنْتِعَالاَ
    يَا نَسِيمْ المَحَبُوبْ تَعَالاَ مِنْ أرِيجَكْ أرْحَمْ بِِهََيفْ
    يَا أمَانِى مِنْ كُلِّ وَاقِبْ مَالُه طَيفَكْ لَىْ مَاهُو رَاغِبْ
    هَلْ فِي طُرُقْ الأحْلاَمْ مُرَاقِبْ أمْ يُحَاذِرْ أمْرَاً مُخِيفْ
    إنْ حَكَيِتْ مَا حَلَّ بَىَّ لاَ شِي يا ذُو الرُّوح الأبِيِّه
    كُيف أرضَى الحَاله الغَبِيَّه وكَيف أقْبل بـهَـا تَتَصِف
    إنْ أقُول ْالثَنَا يَا جَحَاجِحْ فَهْوَ مِنْهُ وإلَيهِ رَاجِحْ
    إنْ تَزِنْبُو تَرَى وَزْنُه رَاجِحْ خِلِّى مَعَنَى الرُّوحْ خَفِيفْ
    مَا أبَالِغ في شَأنه نَاصِح بَل هو يَعْجِز لى كُل نَاصِح
    لَن يَطُول سَعى المُراصِح تَأبى نَفس الحُرْ يَا حَرِيفْ
    السَّلامْ مَا أبْتَسَمَتْ زهُورَكْ مَا تَلألأ رَفْ نُورْ نِهُورَكْ
    مَا جَلَتْ بَسَمَاتَكْ شَهُورَكْ يبْقَى لَى مُتَّكَأكْ قَطِيفْ
     
  20. الحادى زكريا

    الحادى زكريا :: كاتب نشـــط::

    إنضم إلينا في:
    ‏يوليو 5, 2010
    المشاركات:
    5,269
    الإعجابات المتلقاة:
    0
    نقاط الجائزة:
    36
    الشاعر الكبير ( سيد عبد العزيز ) .....
    وقصيدته الرائعة يا مداعب الغصن الرطيب ....
    ألفها فى إحدى الحسان بأمدرمان بحى المسالمة ...
    .. رآها وهى تداعب غصناً فى يدها ....
    وقد بهره جمالها ورقتها ... فسطر لنا هذه الدرر ...
    ( يا مداعب الغصن الرطيب )
    -------------------------------------------------
    يا مداعب الغصن الرطيب
    فى بنانك ازدهت الزهور زادت جمال ونضار وطيب
    يالمنظرك للعين يطيب تبدل الظلمات بنور
    وتبدل الأحزان سرور إن شافك المرضان يطيب
    تعجبنى والشىء العجيب هادي وأليف ماك النفور
    بى عفتك صنت السفور والحسن والأصل النجيب
    أنا وإنت فى الروض يا حبيب راق النسيم وحلى للمرور
    بقى أحلى من ساعة السرور وأدق من فهم اللبيب
    والروضة فى موقع خصيب حضنوها واتلافوا النهور
    ترى فيها أنواع الزهور من كل لون أخدت نصيب
    يانع ثمارها ونص وطيب أِبه بربات الخدور
    الإنبرجن فى يوم حبور زادن جمال ونضار وطيب
    فى الروض غنى العندليب ورددوا غناه الطيور
    ترتيل أناشيد الحبور وفتيانها يوم عيد الصليب
    دنت الثريا بقت قريب بين السلوك فى تانى دور
    فى ثانية كم سطعت بدور وأهلة كان نوعن غريب
    شىء ينعش الروح فى الأديب ويحيى روح ميت الشعور
    للقاك تنشرح الصدور ويفرح القلب الكئيب
     

مشاركة هذه الصفحة