حقيبة الفن وتجلى شعرائها فى الوصف الجميل للإنثى

رد: حقيبة الفن وتجلى شعرائها فى الوصف الجميل للإنثى

مقتبس من صالون الحقيبة .... للشاعر أبو صلاح :

في المشية شابه مشية الخيل في الَوحَل
فاق الظُبيْ بالضُمرة والجِيد والكَحل
شوف يانسيم من هجرو كيف جسمي انتحل
مع إنه ساكن قلبي في أقرب محل..!!
 
رد: حقيبة الفن وتجلى شعرائها فى الوصف الجميل للإنثى

القصيدة الرائعة : جـــــــــارو أهـــــــــــلك
والشاعر المجيد : محمد على عبدالله الأمى
-------------*******---------------
جــــــــارو أهلك وجـــــــــورم أمـر بالبعـاد والأمـــــــر الأمـر
في ديارم حجبـو القــــــــمـر البديع الساحـر الفـــــــــــكـر
بالجمال والحياء إنشكـر حسنو يرمي الزول في وكر
شوفتو تسكر من غير سكر للقلوب ياصــاحي إحتكـر
كي يخلف خــــــــالـد الذكـر مفخر الأجيـال والدهـــــــــــر
حسنو أعجب على ماظهر في خدودو الحياء إزدهـر
والطبيعه تناجـي الزهــــــــر تدي مــــــنظر جـذاب بهـر
زي نجوم الســـــــــــماء في النهر نـورو للبدريـن إحتقـر
البهيـج النضـــــــــر الأغــــــــر يـزدري البـراق بالثغــــــــــــــر
المحشـم مـن الصـــــــغـر منّو كــــــــــــل الناس فـي بغـر
فيه شارد الحــــــــــــسن إستقـر من عيونو كيـف المفـر
كم بأفئده وأعيـان ظـــــــــــفـر محيو فيـه البـدر السفـر
وجيدو جيد الظبي النفـر كل عــــــــــهد الحسـن الوفـر
زول ويوزن مليون نفـر حبي هــــــــاك القـــــــــــول الأبـر
والعيان يغنيك عن خبـر كم نظرت في دهــــري العبر
نظرة الـي الحيـاة إعتبـر الجزع فــــــــي الناس والصبـر
شفنا طوع القـــــــــضاء إنجبـر لو بحجبو الأمـــــــر الصـدر
مابحجبوا دمعي اللنحـدر كـــــــــل شي إن صفا أو كـدر
في أيادي القضـا والقـدر أما دهري إن صد أو غدر
البعـــــــــــــرفـــــــــــوا الــــــــــــــوفــــــــــــاء مــــــــــــــانـدر​
 
رد: حقيبة الفن وتجلى شعرائها فى الوصف الجميل للإنثى

القصيدة الغزلية :حـبـيبى صـافانا الـدهر
والشاعر المرهف : محمد بشير عتيق
..........................................................................................
حـبـيبى صـافانا الـدهر ......... وسـرورنا بـان نجمو وظـــهر
أنـا و إنـت والعود والنهر ......... والـروض حـوالينا ازدهــر
كـل ثـانية انفاس الزهر .......... تـتحـفنـا انـفـاس الزهـــــــر
بـالله يالبـاسـم الوديـع ...........خـلـينا لى وقـت الســـــــــحر
الطـقس صحو فى جو بديع ..... لا فــيه بـرد لا فـيه حــر
غـنيـنى انشـودة الربيع ......... فصل الربـيع يـاما ســـــــــحر
رفـرف على الأفق الوسيع ...... واســـمع تـسـابيح النـهر
البـدر طـل عـلى الوجود ......... فـى العـــالم الضـيا انتشر
و نـحنا جالسين فى ضفاف فـى لـيلنا داك نطـــق الوتر
تـيـارو يـعلو وينـخفض ...........مـع مـوجو كم سبحت فِــــكر
نـشوانة من خمر السرور ......... السـامية مـا نـشوة ســـكر
حــلــو الحــديــث ..........******......... حـلو الـتـبـسم والـنظر
حلـو طرفك الزانو الحياء .......... جـمـع الـتناعس و الحَــــــور
ادخـل عـلى قلبى السرور ......... ونـثـر عـلى سمعى الدرر
نـغـمك يـرفِّه عن حياتى .......... ويُـنــسـى آلام الـدهـــــــــــر
غـرود عـيونو وغـنى لى .......... مـن الجـــــــديـد الـمــــــــــبتكر
مـيل مـع صـوته الحنون .......... فـى غـاية الحـيا و الحـــــــذر
وأنـــا مــن طــرب ..........***......... نـشـوان اقـول يـا للقمر
حـبـيـبى أمـل النـفس ........***.......... والـشــى المـنـتـظـر
إنـت السـعـاده بـاكملها ........ يـا أروع إنـسان فــي البشر
ومـالى ومـالى ومال كدا ........ يـا حـبيـبى مالى مال كدا
اللـيل هـدا ونـامو العـِــــدا ........ سـاعة الـوصـال ما أسعدا
نـحب بـعض دي مـؤكدة ..........عـندك تـمام ولا مـش كِـــدا​
 
رد: حقيبة الفن وتجلى شعرائها فى الوصف الجميل للإنثى

القصيدة الرائعة : من فروع الحِنَّة
والشاعر الكبير شيخ الشعراء : إبراهيم العبادي
.............................................................................................................
من فروع الحِنّة وزهرة التفاح هـاج بـلابل فـكري النسـيم الفاح
الجداول تجري فوق خدودك دُر والرشـيمات بَقّـت في أشـعة خُدر
يعمي عيني قبلك ما نظرت بدر فـوقو ليـلاً حالك يعلو غُصناً ماح
القوام متوازي لاقُصر لاطُول والشـليخ افعالو تـصرُّفات مسطول
ما هو خاتي دا ساند ضهرو في الأسطول والعيون حُرّاسو وفوق جفونو صِفاح
إنت روحي وراحي ليك ظمآن غاب مـا بـصرِّح باسمك مابجيب القاب
إنت ديسك خدرك ماكِ صيدة غاب مـن فوارس حيِّك ليك غابة رماح
اختصر افكاري خصرك المعقود مابيُمس بي كفة لا قميص لا عقود
جاربو ردفاً جاير حلمه ليه مفقود عذرو واضح صدرك مالبو جوز تفاح
خِلّي امعن شوفو قول لي أيه يا النور هل رأيت لك دمية أم دا جام بَنّور
جلّ من انشاها وصاغا شعلة نور هل دا جيد وقلادة أم نجوم وصباح
المعاصم جدلة والكفيفات غوف والكتيف الهادل بالكفل مشغوف
نايمة أو كان صاحية حال جلوس ووقوف شوفو لاحم ديما ومِنّو مالو براح
من جمالك فكري انغمس في بحور هل رأيت لك صيدة أم دي من الحور
احترس ياقلبي البواكر الحور أوع عينيك يبكن يام جبيناً يندي بالحسن نضاح
حالي من دون شرحي كامل الايضاح ستي لا تاخديني الغرام فضّاح
ود محلق قبلي بي سعيتك راح​
 
رد: حقيبة الفن وتجلى شعرائها فى الوصف الجميل للإنثى

القصيدة : تلفان من الأجفان
والشاعر المرهف : محمد ود الرضي
-----------------------------
تلفان ... من الأجفان... طير يا حمام
فلق الطـَـفـَل... ماح في الكَـَفـَل ... بدرا تام
أدعج أكحل ... وجميع منحل .. تيها دام
لي جسمي نـَحل .. بعيد يا زحل.. مافي مرام
لي شفُوفُه رَفـَل ... كم ليه نـَفـَل خِلتَه نام
وَضيبُه ينز .. فضَح للوز .. زُوزَى و عام
يا عنتر هِز .. أشجع لا تفِز .. غارة تمام
وَلع الفَصًاد .. و الأحور صاد ..جِيدُه الجَــام
قبًل صـاد .. للبيهن صاد .. قلبا هام
طـَبـَق الأكتاف.. على الأرداف.. غَـريَـد و نام
سورة الأحقاف.. البقرة وقاف .. فوق جدي الرام
قالوا النُضًار .. لجَـلي النَضَـار .. غُور يـا لحـام
قال للفِنـيار أنا نور وإت نار .. موت يـاظلام
المات أحيَا .. و فَنـَا الأحيا ... هيبة تمام
هـادي المحيا .. الهَـلَـكت يحى .. ما في كلام
إتناعس نام.. من غير منام.. عال يا أنام
ميمين ياء لام .. الخاتي ملام .. للأقدام
*..............................****..............................*​
 
رد: حقيبة الفن وتجلى شعرائها فى الوصف الجميل للإنثى

الشاعر العملاق : أبو صلاح
والقصيدة الرائعة : الكواكب احتفلوا بالقمر
--------------------------------------
العيون سيوف تقضي ما أمــــــــــــر وديسو للقدم وصل الخبر
الصـــــدير برز قـــــــــــــلع وانتبر والنهيد رخــــــص لسه ما جـــــــبر
وقلبي مالو طار هجا ما صبر ودمعي مالو فاض شابه البحر
ما طفى العلي من لهيبو حر عقلي انفقد وقلبي ما انسحر
وتدري بالعلي نجمه السحر للعـــــــشق نصيب والغرام قـــــــدر
القلوب تطيع أمـــــــرك الصدر ونارنا ما انطفت وشوقنا ما فتر
ضــــــــعنا والنفس فينا ما ندر الشــــــــــعر نزل للردف ســـــــــــــــتر
وزاحم القـــــــــــــدم وفيه كم عثر الصدير قــــــــــــــلع والردف نتر
الضــــــــــمـــــــير تعـــــــــــب حــــــــــالــــــــتو فــــــــــي خـــــــطر​
 
رد: حقيبة الفن وتجلى شعرائها فى الوصف الجميل للإنثى


غزال المسالمة والشاعر : عبد الرحمن الريح
...................................******...................................
لي في المـــــــــسالمة غزال نافر بغني عليهو
جاهل وقلبو قاسي وقلبي طـــــــــائع ليهــــــــو
مـــــــــصباح الظـــــــــــلام الربنا مـــــــــــــــــعليهـــــــــو
زايد في الجـــــــــــــــــــمال نور الجــــــــمال جاليهو
لو شـــــــــــــــــافو الغزال عــــــــلى نفرتو بواليهو
وان شـــــــافو القـــــــــــــمر أنوارو تخجل ليهـــــــو
ان جــــــــــاه النسيم زي الفـــــــــــــــــرع يتنيهــــــو
والثمــــــــــــر الرطــــــيب كـــــــذب البقول يجنيهو
باللمي والخــــــــــــدود ياذا العــــــشوق بفنيهو
الصحا والنعـــــــــاس والســــــــحر في عـــــينيهو
كل من شــــــــــــافو قـــــال انا بالنفس افديهو
هـــــــــــو غصن الرياض الزاهــــــي في واديهو
أزهـــــــــار الــــــربيع مـــــــــازج زهــــــــور خــــــــديهو
وجــــــــدلات الحــــــــــرير مـــــا لينه ذي ايديهــــــو
والدو مـــــــــعجنو عــــلى فـــــــــطرتو مــــــــربيهو
هو الفرد الوحيد في الدنيا ما في شـــــبيهو
يتجاهـــــــــــل عـــــــليّ وأنا حــــــالي ما غــــابيهو
سالبني في نار هواه شال قلبي يلعب بيهو​
 
رد: حقيبة الفن وتجلى شعرائها فى الوصف الجميل للإنثى

القصيدة الرائعة : شموس عفة
والشاعر : إبراهيم العبادي
0---------------------------------0
شموس عفة وبدور دورن بهي الدنيا وزهي خدورن
حليلن لامتي أزورن حليل الدر حليل حورن

سحر هاروت سكن حورن فؤادي الضل مسحورن
لابسات روحي في نحورن

طريت بانات تميس راحلة تميل بي ردوف واحلة
صدور عالية وخصور ناحلة خدود زاهية و عيون كاحلة

وبينن تمشي متهادية زهيرة غصننا النادية
تضلم وفي الظلام بادية سايدة حضورا والبادية

كبير مقدارا وهي صغيرة حداها البدر مات غيره
اريج بالله جيب غيرا حصون أفكاري ما تغيره

حشمتو وخلقو واخلاقو غار الكون علي اطلاقو
كتير تقليدو مالاقو معاطفو وردفو اتلاقو

حنانك يا بهي الصورة فيك آمالي محصورة
ليك في قلبي مقصورة محال غيرك يطوف سورا

موفر في الأدب قسمو يضوي العتمة فر بسمو
نسيم لو اوما بيقسمو يأثر مرو في جسمو

بعد لطفك بعد ظرفك السيوف طرفك
سلامي الزاكي زي عرفك يقبل راحتي كفك
 
رد: حقيبة الفن وتجلى شعرائها فى الوصف الجميل للإنثى

الشاعر العملاق : أبو صلاح
القصيدة الجميلة : شئ عجيب في غرامك
----------------------------------------
اجــــــــــسـامـنـا لـيـه جــــــــــسـمـيـن روحــــــــنا واحـــــــــــدة وليه اتقسمت قــــــــــــــسمين
شئ عجيب في غرامك يا فريع ياسمين
انـا ياحـبيبي تجدني علي هواك امين وفؤادي يحجزو عن افـــــكاري في التخمين

وحواسي تحسد نظري لحسنكم تضمين و شمالي تاخدو الغيرة اذا جلست يمين
فيك يا حبيبي اثنين اللي المنام سالبين هــــــم شـالو نوم عيني و للضمير تاعبين

بي وجهك الكوكب يجهرني ساعة يبين وبي قامتك اليايات الفي الصدير لاعبين
من المنام ما معاي و لا ستة من ستين عـندي التلت من عــــــــــقلي وعندك التلتين

شـايقاني بسمة فاهك در عقيدو متين لـولاها مالي صالح فــــــي الزلال و التين
يـالفريد فـي ظرفك زي صداقتك وين ما أظن تكون ولا بدعت قبل في التكوين

عـلي صـــــــحيفة قـلبي تـدونت تدوين و ديـن مـــــــــحـمد حــــــــــــــق لا يقبل التلوين
يامـن أسرت فـــــــــــــــؤادي ملكتو في اليدين يـامــــــــــــــلفـت الأنـظار يـاناير الخدين

نـحـن الجميع مــــــــادمنا قلوبنا متحدين تـبقي الصداقة قــــــرابة و نكسب الودين​
 
رد: حقيبة الفن وتجلى شعرائها فى الوصف الجميل للإنثى

القصيدة الرائعة : فيحاء الخميلة
و الشاعر المرهف : عبيد عبد الرحمن
***-------------------------------- ***
تحت فيحاء الخميلة كنا .. والأطيار تغني ترقص .. الأطياف تمنى
بيننا أوجه جميلة كلما العصفور يغرد والنسيم يهفو ويبرد
تزدهي الأزهار تورد
واحدة صاحية وواحدة وسنى وواحدة فاترة فاتنة حسنه
في غفلة الدهر اختلسنا نحن بيناتن جلسنا جلسة ما منظور مثيلها
عندما أتلاقت عيونا تهنا واتوافت ميولنا وأنضوينا ......
بين أحضان الجنينة فوق أعشابها الحنينة من سلاف الحب رشفنا
وأرتوينا .......
قلنا يا ساقينا لحظك أم كؤوس الراح سقينا رحت تلعب بى عقولنا
كلما قامتك تميلا
وترنو عيناك الكحيلة الغيم أرسل سدولو ونسيم شمبات يأرج
ويعرج من حقولو
جداول الموية كابه ونسايم العزرى هابه كل زول مفتون بى زولو
عيون لى عيون محاربه وشفاه لشفاه مقاربه وزى ما الناس يقولوا
خليهم يقولوا ........
حلات الجمعة يومها وحلو شمبات مقيلها​
 
رد: حقيبة الفن وتجلى شعرائها فى الوصف الجميل للإنثى

مع الشاعر العملاق : أبو صلاح
والقصيدة الراائعة : سبعة من صدر علا
--------*****************----------
ماله سبعة أم صدر علا -*- في قلبي النار تشعلا
يا نسيم الروض قابلا -*- بالتحية إن كــــــــان تقبلا
أوعي حاسب لا تقبلا -*- تبقي عاشق والغي بلا

شـــــوف لحاظه البتتكلا -*- والتر هف والجــــــــنتلا
والتمايل و الحــــــــــــــنتلا -*- و الترهـــــــف والجنتلا
والصــــــــدير المال فاتلا -*- والـــــــــــرداف بنـــــــاتلا

صـــــــــــد عيونه وفي ترتلا -*- لا آراك لا بانه متلا
فايقه بدر النم انجـــــــــــــــلا -*- يا نديم الفي ابتلا
شوفه هالك الناس قاتلا -*- هي الدلال والتيه شائلا​
 
رد: حقيبة الفن وتجلى شعرائها فى الوصف الجميل للإنثى

القصيدة الخالدة : أنا من صفاك مسحور
للشاعر الكبير : سيد عبد العزيز
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
أنا من صفاك مسحور بالله انت ملاك والا من حسان الحور
تذرف عيوني بحور
أقضي الليالي قيام ما بين شوق وهيام وارعي النجوم في سحور
وفؤادي آه منحور مقتول بغير سلاح وأقول بكل صراح
سبب العيون الحور
فيك الكمال محصور أكظمت كل حسود وحسنك مقامه يسود
علي كل جيل في عصور طرفك لحاظه تريع أسدًا شجاع وهصور
ليك نفرة الغزلان مع جبرة الفرسان في هيبة المنصور
أهيف رشيق متبور تتهادي تيه ودلال ما بيت غرف وظلال نعمة وترف وحبور
وسهمك علي مهبور
أيه ذنبي غير هواك وأنا يا جميل بهواك من قلبي ما مجبور
يا البي العفاف مشهور
نيدك عبير فياح وقوامك المياح أينع ثمار وزهور بي حبي دمعي جهور
أنا في دجاك يا ليل نجمك بقالي خليل فارقت نومي دهور
أنا من زمان مأسور هجراني ما هماك يا ليلي قاسي لماك
من طول جفاك محسور
وحياة خديدك وجيدك وطريفك المكسور أنا شعري ما بيوفيك مهما أبالغ فيك
منظومي والمنثور​
 
رد: حقيبة الفن وتجلى شعرائها فى الوصف الجميل للإنثى

الشاعر الرقيق : مصطفى بطران
والقصيدة الرائعة : قلبي انشغل بهواك
---------------------
عقلي انشغل بهواك
عقلي انشغل بهواك والحكمه عيني لاجه ومجافيه النوم يا اربعينى
هاك بعض حالي البى روقي اسمعيني .... شاكى الغرام ما لقيت لي من معين
لو كان آلام في الطيف مره اسمعيني .... خليني أصلى النار في هواك دعيني
فوق اللجارى على لا تجرديني ..... ثوب الغرام ودوام عنه انشدينى
طايع مريد لقساك باهل يدينى ... ما اخترت غانيه سواك وحق ديني
مهما يلاقى عذاب قلبي السجيني .... ومهما يزيد ويفيض همي ويجينى
لو كان يزور الطيف مره ويجينى ... تلبس حظوظي السود ثوب اللجين
من يوم رماني سنان لحظك سنينى ... محق علىَّ نومي ومحَّق سنينى
أصبحت كل صباح يزداد انينى .... كالبلبل المفرود يا مي حنيني
مهما تكيلي غرامك ما بتفينى .... فوق ما أطيق في الهجر تكلفيني
دائما تزيد علىّ دائي الدفينى ....لمتين تراعى لحالي وتنصفيني
امتحنى قلبي في حبك جربيني ... وبعدين بنار اشواقك الهبينى
زيدي في جواك وصدودك اتعبينى .... وحالف عليك بالحب ياجاهله بينى​
 
رد: حقيبة الفن وتجلى شعرائها فى الوصف الجميل للإنثى



مع الشاعر الرقيق بطران ودمعة الشوق .....

دمعــــة الشــــوق كــــبي
حكم حِــــبي أرعى نجم الليل
نسمة الأسحار ليلى طال هبي
أنا مساهر ونومـــــي متخبى

انتحـل جســــمي والمحـال طبي
مصدره الزهرة الفى نواحي سهيل
انشغال فكــــرى وانفقــاد لُبي
وشحــــوب لونى كلو من حبي

انســــلب بالــــى وانتزع قلبي
أما آمــــالي طوحــــت بالميل
صدري مزمــاري والدمـــوع شُربي
أنطـــــرب كل ما ذكره يخطر بي

ماله جافى نفور ما بدور قُربي
وأنا مالي دوام لي خياله أمــيل
حين قوامــــه يميل للعقول يسبي
وازدهار محيه للبدور يخــــــبى

في جبينه تشوف حكمة الرب
زي ســـواد حظي جوز دواعجه كحيل
يا بديــع الزي وأزهــــر اللون
يا خفيف الروح يا ســــما الصون

خلقــــك مولاك زينة للكون
وحبب الأرواح في هواك يا جمـــــيل
عهدي بيك يا جميل دأبك الحلم
وارى هجـــــرك لي نير الظــــلم

وأنت عــــارف نوع حبي ليك سلمي
شوقي مهما ازداد برضي شايفه قليل​
 
رد: حقيبة الفن وتجلى شعرائها فى الوصف الجميل للإنثى

الشاعر الرقيق : محمد علي عثمان بدري
والقصيدة الحزية : مرضان باكى فاقد
------------**************------------
مرضان باكى فاقد فيكى علاج طبيبي قالوا ترك سكونك يادار وين حبيبى
يا دار من بقاياك فوحي وجيبي طيبي أو عاتق شميم النرجس من رطيبي
ما ردت سؤالي و أجابت دار حبيبي سدت حلقي عبره نفسي متين تطيبي
أنا لي مدة طــــــــــــــــــالت ما شاهدت قمري ما شاهدت غصن اليانع فيه ثمري
أنا ماشفت محبوبى البيفداه عمري اسكر من عيونه هي كأسات فيها خمري
حبي الغير خافي يا الانت بتخبرى اسألي منه قلبك ومـــــــــــــــــــــــــن نيراني تبرى
مروا على ناسك و ليك شالوه خبري هل عرفوني حائر و هل ادوك خبرى
كيف طغى لي حبك دائي متين تزولي لولاك ما نزلت عن مــــــــــقدار نزولي
ليك بنثر جواهري و بلغيها زولي قالت كترت عليه صـــــــــــديقي الما عزولى
فاكهه جميلة يانعه شتاها طاف بدري دره يتيمة انسه ظبيه حـــــــــــــواها خدري
حوره فى نعيمه طواها جبينها بدرى أنا فى ناره ســــــــــــــــاهر باكى أريتها تدرى
لو كلمتي طيفك قلت يزور ضريحي أو قلتيلو داوى علل عاشقي وجريحي
لا باس من عذابي و بكاء جفني القريحى ما دام أنت نايمه وهاديه وتستريحي
أنا غافل غرامك دون اعلم شحني دمعي إذا طـــــــــريتك بين الناس فضحنى
أنا شاعر فؤادك في الحـــــــــــــــــــب امتحنى برضك جافيه نافره لي متين تحنى
 
رد: حقيبة الفن وتجلى شعرائها فى الوصف الجميل للإنثى

الشاعر الكبير : محمد علي الامي
والقصيدة الرائعة : زرعوك فى قلبى
---------------------
زرعوك في قلبي يا من كساني شجون
و رووك من دمي يا اللادن .. العرجون
يا الباسم الهادي نورك سطع .. هادي
ومـــــــــــــــتاذا أقـــــــــــــــول فــــــــــــي ســـــــــناك
فيك الدلال .. عادي ومـــــــاذا أقـــــــــول
شايقاني فيك قامه سمحة ومليحة لون
وعاجباني فيك بسمه وساحراني فيك عيون
أنا في انتظار عطفك مرت عليّ سنين
أســـــــعدني بنظره وخليك علىَّ حــــــــــــــنين
في حسنك الفردي ياما نظمت فـــــــــــــنون
هيهات أسلو هواك مهما اعتراني جنون
أنا لي لقاك صادي لو في الخيال راضي
خصمي هواك يا وديع من يا تري القاضي​
 
رد: حقيبة الفن وتجلى شعرائها فى الوصف الجميل للإنثى

القصيدة الرائعة : يا حليف الصون
والشاعر الكبير : سيد عبد العزيز
---------------*********------------
ياحليف الصون فلتدم في علاك إنت زول معصوم ولا إنت ملاك
إنت بدري وكيف الخدر ظلاك إنت كوكب نور تشتهي الأفلاك
فيكم كوم آيات يالحياك جلاك منظر الساحرات ومنظر الأفلاك
ياجميل النور ماسه من عيناك بنظر الأنوار طالعة من مغناك
والشباب يترنم بي معاني غناك والجمال الفيك عن مديح أغناك
كل معاني اليوم طالعة من معناك تبسم الأيام لو بسمت سناك
الزهور والنور بانو في وجناك والزي جمال الحور زيه فته هناك
مهما أجيد أوصـاف أشوفها حاملة صفاك يانـقـي اللــون أيه أقول في صفاك
الحريــر يخشــن للصفا الصافاك والتبــر يبـقــى زي صفر لصفاك
تخشع الأبصار من شعاع محياك وعُقَّل الأفكار يسرحن في ضياك
النفـوس في هواك يالهواك في حياك أنا عندي يوم الفوز حبيبي يوم رؤياك
الـرآك غير شك بي حبيبه رعاك ليه لأنه يشوف كل شئ يرعاك
حتى نور الكون حجبوه معاك يابـهـي الطلعة أنا كيف قضيتي معاك​
 
رد: حقيبة الفن وتجلى شعرائها فى الوصف الجميل للإنثى

القصيدة
الخالدة : برضي ليك المولى
وشيخ شيوخ الحقيبة الشاعر : إبراهيم العبادي
-----------------------------------
لو تحول دون قصدي العوالي
برضي أغوص في بحوري وأوالي ليك أخرج درري الغوالي
وأنشي شعري وزجلي وموالي في سناك قليل ياجميل
برضي ليك المولى الموالي وفيك لازم الصبر الجميل
ياملاكي ظروفي العصيبة حايلة دونك مالي صيبة
قالي هاك أقوالاً مصيبة كل نفس توجد نصيبة
والمصيبة المولى اليصيبة بالقدر كم عز الذليل
كم ربوعاً أجدب خصيبة ومافي فجراً ماعقبة ليل
المكارم خلقي الجبيلة والمحامد سالك سبيلة
ديمة شارب سلسبيلة من أخاير أخر قبيلة
ومن أعالي العايلة النبيلة وكل صميم لصميم بديل

الليالي الليلة وقبيلة للجلل معدود الجليل
تشككى كتر النوح العيالك وديمة تشكي أيام زاهيالك
يامهفهف سيرك أمالك والنسيم السائر أمالك
أن زاهر ولاهى ويالك من مرائى وصدقك قليل
أنت عاشق بالجد خيالك ومنه ساكن ظلاً ظليل
ياسما الغايات ياملاكا من تطاول لي نيل علاكا
عشت دم ياحليلة حلاكا ياحياة أرواحنا هلاكا
لو سليتو النار ماسلاكا قلبي راضي وهاك الدليل

أنه صابر وحامل بلاكا مرة أرحم يكفي القليل
برضي ليك المولى الموالي وفيك لازم الصبر الجميل
 
رد: حقيبة الفن وتجلى شعرائها فى الوصف الجميل للإنثى

القصيدة الغزلية : جـــــــدي الـــــعزاز
الشاعر الكبير : إبراهيم العبادي
.............******.............
جـــــــــــدي العَزاز الجــــــــيدو قـــــــــــزاز ياعُــــــــــــزاز انا نومــــــي خَــــــــــزاز
تسعة الحــــــــــــزَّاز والرقــــــبة قــــــــــــزاز حُـــــــــــــقّ الأبزاز بالمــــرَّة لُذاذ
أحــــــــــــــور وأفــــــــقل إن شفتو وقل طــــــــــيّو مَرقَّل بشيش يتنقل
الخصرو هــــــــــضيم لا جوع لاضيم خــــاتي عــــــــضَيم المـا نِضِّـــــــــــيم
مــــــــــــن تبَّ حـــــــــــشيم المـاهو غشيم يهو رشـــــيم لقلوبنا يشيم
لونو تبر في صــــــــــفارنا قــــــــــــــبر يالمابي تبر انا جـــــــــــــنِّي كِــــــــــبر
 
رد: حقيبة الفن وتجلى شعرائها فى الوصف الجميل للإنثى


القصيدة الرائعة : جناين الشاطىء
والشاعر الوطني الكبير : خليل فرح
-----------*****************--------
بين جناين الشاطىء وبين قصور الروم حي زهرة روما وأبكي يا مغروم
دره سالبه عقولنا لبسوها طقوم ملكة آسرة قلوبنا تبين عليها تقوم
في الطريق إن مرت بالخلوق مزحوم كالهلال الهلّ الناس عليها تحوم
شوف عناقد ديسها تقول عنب في كروم شوف وريدا الماثل زي زجاجة روم
القوام اللآدن والحشا المبروم والصدير الطامح زي خليج الروم
خلي جات متبوعة الصافية كالدينار في القوام مربوعة شوفا عالية منار
موضة آخر موضة هيفا غير زنار روضة داخل روضة غني فيها كنار
شوف جبينا الهل ضوّ فوقه فنار منه هل الشارع منه بقّ ونار
طالعة ما بتقابل زي لهيب النار تحرق البتهابل والبعيد في نار​
 
أعلى أسفل