حسين محي الدين «تملي خطاوي»

ضى القمر

:: كــاتبة نشــطة ::
تملى خطاوى
نحنا كان بيناتنا موعد
وكان حنينك في عيونك هو الإشارة
وبسمتك كانت منارة
وكان نجوم الليل بتشهد
وكان عشم اللقيا إحساسي
وكان وصال الحلوة قاسي
وشوقي ليك من غير مراسي
غنيت ليك رغم اللهفة
ورغم الشوق الزايد فيني
استنيتك نغمة حنينه وآهة دفينة
تصحي قلوبنا وفرحا فينا
تنوري لينا ليالي الصيف
نغما صادق بدون تزيف
استنيتك يوم العيد
إلا هلالك ليه ماطله؟
استنيتك حلماً ضاوي
بيني وبينو تملي خطاوي
خطاوي الريد يا منية حكاوي
إلا الناس يا حلوه عيونهم
ليه ما بترحم ؟
والإحساس بالخوف من بكرة زاد الهم
كيف الشوق يا حلوه بدونك
والأشواق عشناها نغم
وحبي الليك يا حلوه حنينك
خايفو يشيلك ومني يسوقك للأحلام
خوفي جمالك يرمي حبالك
أبقى أسيرك
وتبقي أميرة ومرة أسيرة
وتهدي الزهرة علينا عبيرها
تبقي القصة حكاية جميلة
خوفي الغيرة والأيام
الرحلة طويلة
خوفي الآهة حتى الآهة معاك جميلة
ضحكت قالت: قوم يا شاطر
صلي ونوم..
بكرة تروح يا غالي هموم
راجع وذاكر وخليك فاكر
تعال يوم
باكر نمشي نسافر
ولو في الخاطر
ضحكت وقلت: معاك تذاكر؟
 
أعلى أسفل